بوابة الثانوية العامة المصرية - ممكن تساعدونى بالله عليكم

السلام عليكم و رحمه الله و بركاته

http://3yoonh.jeeran.com/fwasel/51.gif

معلش يا جماعه هتعبكم معايا انا كده طول عمري تاعبه اللى حواليا

بصوا ارغي واحكيلكو براحتى :049gc0:

انا كنت في تانيه ثانوى سنه 2008/2007
(اه منقرضه بقا)

وبقيت في تالته 2009/2008

(اه وربنا)

حصلت ظروف عندى قسمت السنه وسيبت فيزيا واحياء

وبقيت في تالته بمادتين سنه 2009/2010

(اللي هى السنه اللي فاتت)

دخلت الفيزيا ونجحت الحمد لله وعلي امتحان الاحياء تعبت ومادخلتش لا دور تانى ولا الامتحان نفسه

واتبقا معايا الاحياء دلوقتى بقا انا مابقدرش اخرج من البيت الا للمستشفي الحمد لله
ومش قادره اروح اسأل في المدرسه ولا حد فاضيلي يسألي

ممكن بعد اذنكم حد يفهمنى انا موقفي دلوقتى من التعليم والمدرسه ايه

انا والله خايفه اسأل حد يقولى انى كده خلاص عطونى كارت احمر
لو حتى هموت بس كان نفسي اخد شهادتى بردو واعمل اللي عليا لاخر نفس

معلش رغيت كتير علشان افهمكم بس واوضح الامور
دلوقتى انا السنه دى همتحن في الاحياء بس لو دخلتها ولا همتحن مواد تانيه

وياتري النظام بالنسبه للي في تالته السنه دى في اعمال سنه
او حساب علي الغياب وياتري المنهج اتغير ولا لا

علشان اعمل حسابي في اوراق تثبتلهم انى مش هقدر اروح
وكده لانى مش عاوزة اتغلب في مشاوير للمدرسه
خصوصا ان امى مش هتقدر تاخدلى اجازه من شغلها غير يوم واحد فقط لا غير :(

جزاكم الله جميعا كل خير :078111rg3: