بوابة الثانوية العامة المصرية - زيادة التركيز

.: بسم الله الرحمن الرحيم :.

بما اني طالب ثانوية عامة زي زيكو .. فحاولت اني اجمع شوية معلومات عن التركيز وايه الحجات اللي بتشغلنا والحفظ والنسيان وغيره وغيره وغيره ....

واحد : مشاكل ممكن تواجهنا :-
1. النسيان .
2 - عدم التركيز .

الحلول :
- النساين في الغال بيكون من "عدم التركيز" وده طبعا لان مكان المزاكرة مش مناسب (فيه اطفال - تلفزيون - اي حاجة ممكن تشتت التفكير) وغير طبعا الحجات دي المشاكل النفسية او مشاكل الحياة المعتادة او المشاكل العاطفيه (ونصيحة مني انسو يا جماعة العلاقات العاطفيه العقيمة قصيرة المدى اللي لا تفيد ) وطبعا الصحاب اللي مش تمام .
وبكدة كل مشاكل التركيز اتحلت
يعني نبعد عن الضغوطات النفسية بانواعها ، ولو مش هنقدر نعمل ده يبقى يستحسن نصلي ركعتين ونقرى شوية قران هتلاقي ان التركيز رجع مرة تانية

ونصيحة بما اننا لسة فاول السنة فالمفروض متضغطش على نفسك في النوم يعني لازم تنام براحتك وتصحى فايق

وفي الحكاية دي محدش يصدق كلمة ان الجسم محتاج 8 ساعات بس يوميا وكدة على فكرة بتختلف من سن لسن
بس لسننا بالنسبة لينا يعني فعال من 7 الي 8 ساعات بيكون الحد المناسب جدا ...

وياريت نقلل من السوايل اللي زي الشاي او القهوة والنسكافيه " معلومة ان النسافيه اصلا خطر وزيادته بتجيب عقم للرجال"
لانها منبهات تحوي كافيين والكافيين منبه مش هيخليك تركز قد مهيزود توترك يضعف اعصابك ...

وفيه كمان وصفات للي ذاكرته في الباباي خالص
وصفات لتقوية الذاكرة ودي طبعا طبيعيه يعني حتى لو منفعتش معاك وده مستحيل ملهاش اثار جانبيه

وصفة لتقوية الذاكرة :-
50 جرام زنجبيل
50 جرام لبان دكر
50 جرام حبة سوداء مع عسل
( 3 مرات في اليوم لمدة 21 يوم )

وتحيه طيبة ليكم كلكم يا شباب بجد اتمني لكم التفوق
انا قضيت نص ساعة من حياتي اعمل الموضوع ده
وساعة ادور على معلومات
يعني ساعة ونص كاملين عشان اقول الكلمتين دول

ومش عايز ردود انا كل اللي عايزه دعوة ليا يا جماعة انه يوفقني واخش كليه هندسة ان شاء الله

وان شاء الله هحط كمان حجات تسعدكم على عمل جداول مذاكرة غير مرهقة :049gc0: