فضيحة فى كتاب العلوم
 

فى الدرس الثالث فى النشاط الاثرائى تفضل الكتاب العزيز بحساب زمن وصول ضوء الشمس فقام بقسمة المسافة بين الشمس والأرض ( 149 مليون كم تقريبا ) على سرعة الضوء والمعروفة انها بكااااااام طبعا معروفة 300 الف كم / ث فقام الكتاب العزيز بالتاليف وقال ان سرعة الضوء 300 مليون كم /ث والمفترض ان زمن وصول ضوء الشمس للارض 8 دقائق وثلث والرقم ده كان موجود فى منهج سنة تانية القديم لو تفتكروا فبقى فى المنهج الجديد نصف ثانية ولا عزاء للتعليم ارجو التصحيح اذا كنت قد اخطات والسلام عليكم

فعلا النشاط دا فيه الغلطه دى وكان مفروض يحسب على اساسا ان سرعه الضوء 300.000 كم
لكن هو حاسب المساه المسافه 149000000 كم وسرعه الضوء حاسبها بالمتر علشان كدا تطلع 1/2 ثانيه
لكن الحساب الصحيح نقسم 150000000/300000 = 500 ثانيه
500*60 = 8.28 دقيقه تقريبا
وربنا يهدى الوزير العبقرى اللة محدش من مدرسين جمهوريه مصر العربيه عاجبه وكلهم فاشلين ومش عارفين اى حاجه
والله انا شايل 12 حصه زياده عن نصابى علشان يطلع سيادته فى التلفزيون يقول كله تمام ومدارس مصر كلها فيها عجز صارخ

حقا يا أخى دى فضيحة بس فية أخطأ أخرى فى الكتاب كثيرة

يا عباقرة العلوم مش دى الغلطه الوحيدة فى كتاب العلوم
نرجو من الجهابزة وضع جميع الأخطاء حتى نتناقش فيها
مثل
سرعة الضوء ثابته فى الوسط المتجانس الواحد فقط لأن انكسار الضوء ينشأ نتيجة اختلاف سرعة الضوء فى الأوساط الشفافة المختلفة لاختلاف الكثافة الضوئية
أى تختلف باختلاف الظروف وليست ثابتة فى كل الظروف كما قال الكتاب

الأعجب من ذلك يا جماعة
لو قولنا أن الزمن نصف ثانية زي ما أخونا حسبها في الكتاب
وأن الضوء وصل للأرض الساعة الخامسة
يبقى المفروض أنه خرج من الشمس الساعة الرابعة وتسعة وخمسون دقيقة وتسعة وخمسون ثانية ونصف
مش زي ما حسبها المؤلف العزيز وقال الساعة الرابعة وتسعة وخمسون دقيقة ونصف
والله مش عارف اتعلموا الحساب فين

كلامك صح 100 %

و تتوالي الفضائح

نحن فى أيد أمينه ..........ربنا ينتقم من الا فى بالنا

يا جماعة هذه الأخطاء دليل على ضعف المستوى العلمي لواضع الكتاب و قلة خبرته التربوية و التعليمية
و ترتيب الدروس مخالف للمنطق و البناء التراكمي للمعرفة
ومخالف لترتيب مواصفات تأليف المنهج
في المواصفات بدأ بالكميات القياسية و المتجهة ثم السرعة المنتظمة و غير المنتظمة و التمثيل البياني للسرعة ثم السرعة المتوسطة و العجلة و أخيرا السرعة النسبية
وواضع الكتاب العبقري غير الترتيب تماما و أخر الكميات القياسية و المتجهة للدرس الثالث ( في الآخر)
يعني لم يدرس حتى منهج أولى ثانوي يبقى ازاي يألف كتاب علوم لثالثة إعدادي
عجبي

صح صح
 

فعلاً كما قال الأخ
ترتيبالكتبا يدل على أنه مسلوق معلهش في اللفظ مع ان الموضوعات مفيدة والعرض الى حد ما أفضل من اعطاء المعلومة جامدة ولكن احنا بكلم طالب علم كبير مش عيل لسه
يا وزارة ارحمينا وخلوا المدرسين يألفوا كتب احسن

يا ريت يا جماعة تاخدوا بالكم من المراجع العظيمة التى اعتمد عليها مؤلفى الكتاب الجهابزة الغير معروفين
3 موسوعات علمية وكتاب انشطة ابداعية للمرحلة الابتدائية وكتاب الفيزياء ثانية ثانوى وكتابين من بتوع القراءة للجميع
ونعم المراجع ده ان دل على شىء انما يدل على ان واضع الكتاب .............. ولا بلاش
حسبنا الله ونعم الوكيل

فعلا الخطأ ص 24 في سرعة الضوء والتى نعرفها جميعا 300000كم/ ثانية وليس 300مليون كم /ثانية كما ذكرها المؤلف للكتاب وترتب على هذا الخطأ حساب زمن وصول الضوء الى الارض خطأ بنصف ثانية والمفروض انه 8 دقائق وثلث تقريبا وعليه فان ص 24 كلها خطا تقريبا فيجب تمزيقها من الكتاب ولسة لما نكمل قراءة باقى الدروس

الغلطه دى المفروض يتحاسب عليها المؤلف والمراجع والوزير لأن دى من الثوابت الفيزيائية
يعنى بدل ما ينمى عقل الطالب يزوده بمعلومات خاطئه

والله ما قصرتوا