يا شعب كتير فى عدد الأنفار
زبالته مرميه فى البحار
وحكومته بتحكم بسياسه الحديد والنار
وشوارعه ضالمه مفيهاش انوار
واكتر حاجه منتشره غير الزباله هى كتره الاشاعات والاخبار
مش فرحانين الا بشويه اثار
معندتش شايفه غير الخراب والدمار
معدش الواحد عارف يفرق بين ليل ونهار
شويه هدنه وشويه حصار
واللى مصدق ان فى ديموقراطيه يبقى حمار
واللى هيطلع يعبر عن نفسه فى مظاهره مش هيشوف غير من الدم انهار
حتى فى الانتخبات مش هتعرف تختار
كأننا عايشين فى شويه موج وبحار
محنا مش بيتحكم فينا غير الكبار
ومتسألش الكلام ده بجد ولا هزار
لأنى مش عارف ومحتار
مجرد انك تتكلم يبقى فتحت ع نفسك ابواب النار
فأنا افضل انى اخرس واسكت واطبق سياسه موت يا حمار
لان مفيش فايده من عيشه فيها استعمار
يبقى انا نفزت المطلوب من غير مناقشه ولا افكار
دى حياتى وانا راضى ومش هكون رغاى او ثرثار
وبكده يرضي عنك التتار!!!!!
وتكون وصلت لنهايه المشوار
وانت مش واحد من الكفار او الاشرار
وادينى اهو لابس توب الوقار
محترم!!!!!!!!
مجرد واحد ماشي جنب الجدار
وبعيد عن الأخطار
عشان مش عاوز اطلع فى خلف الاثوار
مالناس اعمار
واحنا فى الاول والاخر احرار
والجو جميل وعمار يا بلدى عمار
وانا بقول كفايه اشعار
واللى هيحاول يطلع بره الإطار
هيداس بالجزمه زى الصرصار
لانك مش من الثوار ولا من الظباط الاحرار
dreams اختكم

<div align="center"> <div class='quotetop'>إقتباس(dreams @ Aug 18 2007, 06:57 PM) [snapback]349887[/snapback]</div>ميرسيه على الموضوع الجميل ده
بجد اكتر من ممتاز


</div>

ميرسي علي الكلمات الجميله اللي تعتبر شملت جزء من الحقيقه البشعه في بلدنا ميرسي لحضرتك

جو اواى :شكرا ع ردك ومرورك الكريم
احمد رضا:مشكوووووور ع مرورك وهى فعلا جزء بسيط من حقيقه مفيش كلمات ممكن توصفها

ونار يا حبيبى نااااار
مش عارفه اقولك اية
محاوله حلوة اوى منك
عيزاكى تقرى كتير
لان ماشاء الله عليكى
جيبتى كل حاجة فيها
اااااااااااااار
ليكى مستقبل حلو
عايزين اللى جاى احسن ويبئا فية وزن وشغل اجمد من كدة
ماشى يا قمر
مستنية الجديد منك:)

ساد سميل مشكوره يا حبيبتى ودى كانت مجرد محاوله
ممكن تكون فاشله بس ادينى حاولت
وهو الغلطه اللى هنا انى التزمت بالوزن بطريقه غبيه وطويله
بس انا كان غرضى من كل ده تفريغ الطاقه اللى جوايه لأنى اتفرست من اللى الواحد عايش فيه

<div class='quotetop'>إقتباس(dreams @ Aug 18 2007, 06:57 PM) [snapback]349887[/snapback]</div>يعني كويسه
بس انتي طولتي عشان كدا جبتي كلمات ياما ملهاش معني وتاهت منك ف السكه
بس لو كانت صغيره وجميله كانت حتكون اجمل:D

يالا ثانكس ان شاء الله اللي جاي بعد كدا حيكون اجمل

مشكور يا DARED ع ردك
وبجد افدتنى بس انا كنت بحاول استخدم التوريه انا هخدها السنه دى فبجرب فيكو
وتانى حاجه بالنسبه لشعب الصومال احنا ع فكره يا بسام مش احرار يعنى لو اعتبرنا ان احنا امه واحده يعنى اللى بيحصل فى فلسطين
والعراق لو هيهمنا امرهم هيبقى احنا بردوا عايشين فى هدنه وحصار ده كان قصدى
وموضوع الموج والبحار اقصد بيه ان احنا عايشين بين الامواج دى فى التلاطم بتاعها بترمينا فى المكان اللى هى عيزاه
وهى فعلا لو ضغيره هيكون افضل بكتير
مشكور جدا ع ردك وبجد اللى بعد كده يكون احسن

وانت مش واحد من الكفار او الاشرار
وادينى اهو لابس توب الوقار
محترم!!!!!!!!
مجرد واحد ماشي جنب الجدار
وبعيد عن الأخطار
عشان مش عاوز اطلع فى خلف الاثوار
مالناس اعمار


هههه
ماشى يا شعب بلدى
شكرا يا احلام
بدايه موفقه
هههه

اللى عاشو جابولنا العار
واللى ماتو سابولنا حصار
كل اللى هقدر اقوله
نار ياحبيبى نار

وشكرا على القصيدة
مع انى بعد ما قراتها محتار

الرقيقه :شكرا ع كلماتك الرقيقه رياريت تنوري مواضيعى دايما
ميدو:مشكور ع المداخله السكر دى

موضوع جميل لحضرتك يا فندم

استمرى فى تقديم المواضيع الرائعة

ونراك باذن الله احسن الاعضاء عندنا

وشكراا لك

اولا شرف كبير لياانك ترد فى احد مواضيعى
وانا اتمنى فعلا انى اكون من افضل الاعضاء بس الواحد هيروح فين بينكم

ميرسي علي الموضوع