كيف اصبح رائدة فضاء
 

انا من صغري و بدى اصبح رائدة فضاء
فكيف

قسم الفضاء موجود في كليه علوم القاهره بس ومش موجود في اي كليه تانيه

قسم الفضاء موجود في كلية علوم حلوان واخي كان يدخله بس دخل كيمياء

انا اعرف ان فى قسم فضاء
وانا دخلت ارد فكرتينى بنفسى وانا صغيره كنت بقول زيك نفسى ابقى رائده فضاء بس محصلش وعرفت ابقى ودخلت علوم انما كيمياء

اوكي بمناسبة الحديث ع الفضاء انا كمان من اعدادي وانا نفسي فيها بس سمعت انها موجودة بس ف القاهرة و شوية سمعت انها ف اسكندرية و شوية الوقتي بيقولو ف حلوان بليز يا جماعة اكتبو كل الكليات المشكوك ان يكون فيها فلك و فضاء لان بجد نفسي فيها انا كمان و كمان عايزين شروط دخولها و هل هي ممكن تقبل من علمي علوم لاني سمعت واحدة قالت ان ممكن ندخلها من قسم علوم بس ناخد قسم جولجي الاول و بعدين منها للفضاء والفلك يا ريت تفيدونا بجد

هههههههههههه بتفكروني بنفسي والله علي العموم انا لو جتلي علوم هتجيلي اقاليم ولو عملت تقليل اغتراب وجيت القاهرة فانا اكيد في فلك انشاء الله بس احب اوضح حاجة علي فكرة رواد الفضاء في الاصل هما طيارين بس بيتعلموا ازاي يتعاملوا مع مركبة فضاء لكن مالهمش علاقة بعلم الفلك وللاسف ما فيش هيئة مختصة لتأهيل رواد فضاء في مصر علي ما اعتقد اما كلية العلوم قسم الفلك فالمفروض انها بطلع علماء فلك مش رواد فضاء وبالنسبة لقسم الفلك مش موجود في مصر غير في جامعة القاهرة وجامعة الازهر اما جامعة الاسكندرية ففيها قسم الفيزيا في سنة اولي بيتشعب في سنة تانية لعلوم فضاء وفيزيا حيوية

بالنسبة للفلك علمي علوم وعلمي رياضة فانا بامانة معنديش فكرة عنه لكني متأكد ان الفلك في جامعة القاهرة بيبدأ في سنة اولي وبالعقل لو كان هيتشعب اكيد مش هيتشعب من جيولوجيا هيبقي من الفيزيا مثلا لان الفلك معظمه فيزيا ولو دخلتي علي موقع علوم القاهرة هتتأكدي من الكلام ده بنفسك لما تدخلي علي اقسام الكلية

مشكور كتير ع المعلومات المفيدة