|
ارجو من الجميع مساعدة الصف الاول خارج مصر
السلام عليكمورحمة الله وبركاته
ارجو من الاخوة والاخوات مساعدة ابنائنا فى الصف الاول الابتدائى اللذين يقيمون خارج مصر الموضوع با ختصار ان هذا العام الحمد لله تم الموافقة على امتحان الصف الاول الابتدائى تبع السفارات ومع ذلك للاسف تم منع الكتب الخارجية وكتب المدارس اصبحت بنظام جديد وبعدد الطلاب فى المدارس يعنى صعب نشتريها ومفيش مدارس للمصرين والمنهج المصرى فى السعودية وكمان المكتب الثقافى بيقول انهم مش مسئوليين عن الكتب واننا نجيبها بمعرفتنا طيب بالله عليكم هنذاكر ازاى ارجو منكم التعاون واللى يقدر يقوم بتحميل الكتب كاملة على الموقع يكون كتر خيره وياريت بالتحديد مدارس التجريبى واتمنى اكون وضحت لكم المشكلة واتمنى سرعة تحميل الكتب لجميع المواد وللفصلين الاول والثانى لان امتحانتنا فى شهر ابريل واسفة لازعجاكم لكننا فعلا فى مشكلة وربنا يرحمنا برحمته وجزاكم الله كل الخير |
الكتب الخارجيه نزلت فى مصر وخصوصا سلاح التلميذ
وان شاء الله تقدروا تحصلوا عليه على فكره ممكن تحملى الدروس مشروحه وبور بوينت من على صفحه الصف الاول فى منتدنى الثانويه الرائع وربنا يجزى كل المساهمين فيه بالخير ولا تقلقى كل شىء هيبقى كويس بامر الله وربنا يبارك لك فى اولادك |
الأخت أم مريم ومحمد: أنا بالفعل أرغب في مساعدتك حيث أنني أعمل مدرساً للغة الإنجليزية، ولكني أحتاج منك أن تخبريني بالضبط ما تحتاجينه حتى أوفره لك في أقرب وقت.
لذا أرجو ردك سريعاً وجزاك الله خيراً |
اقتباس:
اشكر حضرتك على تعاونك وردك السريع وجزاك الله كل الخير ياريت لو حضرتك تقدر تساعدنا بانك تعمل لنا قاموس فيه الكلمات اللى مقرر حفظها للصف الاول الابتدائى وتفيدنا باهم استفسار وهو هل امتحان اخر العام بالنسبةللصف الاول شفوى ام تحريرى لاننا تايهيين لاننا لما سالنا فى السفارة قالوا نفس نظام مصر وللاسف احنا معندناش فكرة عن نظام اولىا بتدائى فى مصر ولو تلخيص لدروس الترم التانى يبقى كده مش هنقدرنطلب اى شى تانى لان للاسف الكتب بتوصل فى شهر فبراير والاختبار للترمين معا فى شهر ابريل واسفه لازعاجكم وجزاك الله كل الخير وبارك لك فى كل شى |
اقتباس:
جزاك الله كل خير على الرد لكن للاسف الكتب الخارجية والاحص الترم التانى مش بتوصل لنا الا فى اخر فبراير واحنا بنمتحن الترمين معا فى اول ابريل والمنتدى بصراحة مش مقصر معانا وجزاكم الله كل الخير لكن كل المشاركات عباره عن تدريبات وامتحانات واحنا اساسا مش عندنا الدروس علشان نعرف موضوع الدرس وبناءا عليه الاولاديجاوبوا وموقع الوزارةمشاء الله نص المواد مش موجودة اساسا والنص التانى فى نص التحميل بيحصل خطا او ما بيفتحش اساسا |
وعليكم السلام ورحمة الله وبركاته
الأخت الفاضلة/ أم مريم ومحمد بارك الله لكِ في مريم ومحمد إن شاء الله القاموس اللي حضرتك طلبتيه جاري عمله وسيكون جاهزاً في أقرب وقت إن شاء الله أما بخصوص الإمتحان إذا كان شفوي أم تحريري، فسأسأل المختصين وسأجيبك في أقرب وقت ولو هناك أي شئ أو استفسار لا تتردي بإبلاغي وسأقوم بمساعدتك وجزاكِ الله خيراً وهذا إيميلي على الياهوو لو كانت هناك مشكلة طارئة أو استفسار أو أي شئ mr.muhamadahmad |
جزاكم الله كل الخير
|
اليك رابط حملي أناشيد الترم الثاني
http://www.thanwya.com/vb/showthread.php?t=274028 مع تحياتي أبو يوسف |
| جميع الأوقات بتوقيت GMT +2. الساعة الآن 01:31 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.