السلام عليكم و رحمه الله و بركاته

اهلا بيكي يا اخت زوزو و احب اشكرك علي موضوعك و فتحك للنقاش

انا بالنسبالي مفيش مشكلة اني يكون ليا صداقات من علي النت بس في أول الأمر كنت بثق في الناس- صغير و عبيط بقه معلش - لكن دلوقتي كله بحساب يعني مديش الثقه لحد و اعرف ان ممكن يكون بيمثل - بيحاول يتجمل - يكذب كدا يعني . يعني مش بدي الثقه الكامله ولا علي النت ولا علي الواقع

بس فعلا انا عندي اصدقاء علي النت بس بثق فيهم جدا و قريبين مني جدا و بعاملهم زي اخواتي بالظبط

شكرا لحضرتك و جزاكي الله كل خير

متشكره اوى لردك يا اخ محمد
بس متهيالى صعب انها تتحول لواقع يعنى مقابلات وكده
طب لو انت فى مصر وهو فى امريكا هتعمل ايه هتسافر له وللا ايه :D
انا بقول لو انت عايز تخليها مقتصره ع النت بس من غير مقابلات ولا واقع يعنى هتقبل وللا هترفض

متشكره لردك يا اخ احمد
والله كلنا بنبقى كده
انا كنت زيك كده بامن لاى حد وبعدين لما شربتلى مقلب محترم اتعلمت ومبقتش بدى الثقه لاى حد
بس بحس انى كده بظلم ناس ممكن يكونوا كويسين بس بصراحه انا بقيت حريصه جداااااا
بس انا بقول انها ممكن متفيدنيش كتير
طب ليه بقى اشغل باللى صادقه وللا لا ولد وللا بنت كده يعنى

الف شكر لاهتمامك و الرد عليا بالنسبه ان هيا ممكن متفدناش انا بالنسبالي بكسب نوع من طريقه التعامل لاني بطبيعتي كنت مش بعرف اتعامل مع الناس نوع من انواع الانطواء لكن الحمد لله بفضل ربنا ثم الناس دي عرفت دلوقتي اتعامل بطريقه كويسه و بقدر برده احكيلهم علي مشاكل اناقشهم احاورهم و اعرف رأيهم بصراحه انا بستفاد بس زي ما بستفاد ساعات برده بتعب و جزاكي الله كل خير مرة تانيه

بجد مش عارفه اقول ايه بس هو ده فعلا اللى عندى انى كنت مش بعرف اتعامل مع الناس بس زى ما قلت ان المقلب كان تقيل عليا شويه عشان كده مقدرتش انساه بسهوله وعمللى حاله من عدم الثقه فى الناس اللى بتعرف عليهم ع النت و قلقى بيموتنى وبقيت شكاكه جدا فى المواضيع ديه

بصي يا اخت زوزو زي ما انتي قولتي خليكي عندك حذر بس اوعي تفقدي الثقه في الناس بصفه عامه لان الدنيا زي ما فيها الحلو فيها الوحش

:mellow: I don't really know :huh: i believe i should be asking the same question!! !lol i'm facing the same situation.. and like u said
طب لو انت فى مصر وهو فى امريكا هتعمل ايه هتسافر له وللا ايه :D
that's me...except the opposite; i live in the US while most of my online friends; especially the ones i made here live in Egypt so it's almost impossible 2 meet them in real life (that's 4 my girl friends)...and 2 b honest with u, i would never meet a guy i don't know cuz i believe it's unislamic...ur free 2 disagree, but that's how i look at it :)
really nice topic, thank u so much for bringing it up..i hope someone who knows more about this stuff could help us :)

انتا بتعرف الانسان من كلامة
ترتحلة فى الكلام
انا ليا صحبى هنا فى المنتدى
ااول واحد كلمنى وعزانى
من غير يعرف انى عندى حالة وفاه

ودى متعملتش من اصحابى الانتيم اللى فى المنتدى
لانهم تلات
حبيب


يسلمو للموضوع

<div class='quotetop'>إقتباس(ادمان2 @ Aug 21 2007, 02:47 PM) [snapback]351441[/snapback]</div>
oh wow! what an awesome friend, mashaAllah...I'm sorry for whoever passed away from ur family...Inna lillah wa inna ilayhi rajo3oon...I hope we all re-unite in Jannah inshaAllah

السلام عليكم
انا بشكرك جدا ع الموضوع ده يازوزو
بصى انا من ناحيه الثقه للاسف حصلتلى مواقف خلتنى موش بثق فى اى حد
وغير كده كمان كل مده كل مابقطع علاقاتى بالناس اكتر وابقى لوحدى
وبصى بقى ياستى صداقه الشات دى ممكن عادى تتكلمى مع بنات اما بقى تثقى فيهم او لا دى حاجه ترجعلك انتى من معاماتهم واخلاقهم
بس بالنسبه للصداقه مع اولاد يعنى صداقه بنت مع ولد ده اللى غلط لان المفروض متثقيش فى ولد يقوللك انا عاوز اتعرف عليكى طبعا موش كل الاولاد بس انا عن نفسي رافضه حكايه ان بنت تصاحب ولد وموش معنى كده انى موش بتكلم اكيد طبعا بتكلم بس بيبقى فيه حدود واحترام


وبالنسبه ليا فاانا عامله صدقات ع النت بس الثقه موش بثق فى حد لكن بحترمهم جدا وبقدرهم

<div align="center">بصى الصداقه ملهاش مكان ولا زمان
الصداقه صداقه
ةيكفى إن الإنسان يلاقى حد يستريح معاه فى الكلام لما يحكيله
يقوم وهو مرتاح
لكن تعرف منين إنه صادق معاك ولا لاء دى بتبقى مسأله إحساس وأكيد إنتى لما بتكلمى الشخص
بتقدرى تحكمى عليه أما لو كان حكمك عليه خطأ فده عيب منك إنتى مش منه

</div>

والله موضوع محير
اصل المشكله من كتر مالواحد اشتغل الناس
بقي بيح ان الناس بتشتغله
واللي عمله في الناس بيطلع عليه

بس في ناس كتير محترمه عالنت
يعني ممكن اقول الناس اللي بحترمهم عندي في الماسنجر
اصحابي طبعا والناس اللي عارفهم كلهم
واي عضو عندي علي الماسنجر من منتدي الثانويه
اولاد او بنات
بس من نحيه الثقه
منعدمه
للاسف
مع اني بحترم كل عضو فيهم وبحب اكلم معاه اكتر من اي واحد صاحبي
بس ساعات الواحد بيحس ان في حد بيشتغله
اه والله
هههههههههههههههههههههههههههههه
مشكورة عالموضوع

بالنسبه لرأى ...انا مسقش فى اى حد على النت لان شخصيه اى حد مش بتظهر كامله يعنى مثلا ممكن تقولى الشخص ده بتاع مشاكل وخناق ودمه تقيل

ولكن فى الحقيقه يطلع بالعكس تماما لكن ظروف المنتدى او الناس اللى بيكلمهم فرضت عليه ده ....وممكن يكون الشخص ظريف ومحترم وبتاع وهو فى الحقيقه على النقيد

تقتى فى اى حد على النت متتعداش 30% دى اكتر نسبه