|
مكتبة المدرسة
السلام عليكم ورحمة الله وبركاته ازيكم يا احلى اعضاء ومشرفين فى المنتدى:) يارب تكونوا بخير وصحة وسلامة وحشتونى اوى يا جماعة انا من فترة مجتش وده طبعا لانى مش فاضية:d دلوقتى بقينا نروح المدرسة بالاكراه ومذاكرة كتيييييييييييير وده لانى فى تالتة ثانوى السنة دى معلش غلست عليكم خلينا فى موضوعنا طبعا انا بما انى بروح المدرسة:d دخلت المكتبة اللى فى المدرسة كالعادة طبعا:d لانى بحب اقرا وزود معلوماتى المهم انا اول ما دخلت المكتبة ملقتش ولا طالبة فى المكتبة قلت عادى ده اول يوم بس وتانى يوم قلت عادى وكل يوم اقول عادى بردو:d واستنيت للاسبوع اللى بعده ولا قيت نفس الحكاية ملقتش حد فى المكتبة بيقرا اما الاسبوع ده لاقيت فى المكتبة اول يوم لاقيت طلبة بيقروا بس للاسف عدد الطلبة كانوا اربعة بس وجه ساعتها سؤال فى دماغى ليه الطلبة بطلت تيجى المكتبة تقرا؟؟؟؟؟؟؟؟ وملقتش الجواب كالعادة:d مع ان المكتبة مليانة كتب علمية واجتماعية وفى كل المجالات وبردو محدش بيقرا واول ما نزلت الملعب والجنينة فى المدرسة لاقيتها مليانة طلبة كتيييييييييير وكل شلة مع نفسها تفضل تاكل او تجيب فى سيرة اى حد وخاصة المدرسين يعنى مفيش حاجة مفيدة بيعملوها وقلت ليه هما مفكروش يطلعوا المكتبة يستفادوا ؟؟؟؟ وساعتها افتكرت ياااااااااااااااااااااااااااااااه يا زمن زمان كان عباس العقاد(طبعا كلنا عارفينه)كان بيحوش مصروف المدرسة ويجمعه اخر الاسبوع ويشترى بيه كتاب عشان يقراه واحنا دلوقتى عندنا كتب ملهاش عدد فى المكتبة ومحدش بيقرا ليه الطلبة بطلت تقرا؟؟؟؟؟؟؟؟؟؟؟ |
طيب لوقلنا الى يروح المكتبه ليه جايزه
ممكن لا يكون فيها كتب كفايه المعلمين يطلبوا من الطلبه أبحاث ويشترطوا أن تكون من كتب بالمكتبه جزاكم الله كل الخير |
زى بالظبط ذهبت للمكتبة ولقيتها فارغة تماما اللهم الا 5 او 7 كتيرهم قوى والكراسى فاضية مع ان الكتب كتير اوى مفيدة
نقطة اخرى لاحظى ان الكتب هنا عندنا قيمتها قليلة قوى دة الاجانب وخاصة العرب بنزلو مصر يجيبو الكتب بالكيلو ههههة طب تخيلى نزلت اجيب كتاب قيم جدا يتكلم عن القنبلة الذرية هيروشيمات ونغزاكى والكتاب كامل حوالى 500 صفحة وجودة الورق عالية جدا جدا تخيلى جبتة بكام 50 جنيهة 30 جنيهة 20 جنيهة لالالالالا 3 جنية تخيلى وكنت هافاصل اكتر لولا انى صعب عليا الواد البايع بجد الكتب مفيدة جد جدا بس الى يقدر |
ياجماعة دة بقي حال الطلبة دلوقتي معدش حد بيهتم بالقراة خالص
حتي الطلبة انا نفسي من الطلاب ال بيحبوا القراءة جدا تقبل مروري |
تعرفي أنا كنت مقيمة في مكتبة المدرسة مش بقرأ كتب علمية والكلام الكبير دا لا كنت بكتب الواجب:d ههههههههه بهزر طبعا كنت بحبها جداا لان كان فيها قصص قصيرة ورويات وانا كنت مقضياها:d وع فكرة عندنا مش كل اللي يدخل المكتبة عشان يقرا لا شوفي\جماعة جماعة جماعة داخلة عشان تأكل :d بس الأستاذ منع الحكاية دي وناس تانية داخلة عشان تتكلم من تحت لتحت وتنم في سيرة الناس وناس تالتة عشان تذاكر وتكتب الواجب وناس رابعة عشان تقرأ ودول قلة يعني:d وبعدين هي الناس فاضية ;) والله يابنتي مفروض تستغل الفرصة دي بالذات في ثانوي لان في الجامعة للأسف كلها كتب تخصص وحاجات مكلكة كداا تعرفي يمكن اللي كان عامل نشاط للمكتبة في المدرسة هو أستاذ المكتبة بجد عارف كل كبيرة وصغيرة في المكتبة وتروحي تسأليه وكداا وغير انه عارف الأسماء البنات اللي بيدخله المكتبة واللي بيستعيروا كتب ... ما شاء الله علي ذاكرته عشان كداا كان بيبقي فيه ناس كثيرة .. بس موضوع القراءة دي اصلا بوجه العموم الناس مش بتقرأ عايزة طلبة ثانوي تقرأ:d |
حتي لو المكتبة مملوءة بكل أنواع الكتب , مفيش حد حيدخلها !!
الأن الشباب والفتيات بيثقفوا نفسهم من القنوات الفضائية , من النت , من أصحابهم , من أي مصدر إلا الكتاب !!! محدش فيهم عنده صبر للقراءة !! مع ان متعة القراءة متعة لذيذة جداً ولكن لمن يحبها فقط . |
مشكووووووووووووووووووووووووووووووووور
|
مين اللى قالك ان المكتبة مفيش حد بيدخلها والله انا كنت فى الاعدادى من محبى المكتبة جدا
وكنت دايما فى اى حصة فاضية بدخلها بس طبعا لان العوامل المحيطة كانت طيبة يعنى ابلة المكتبة كانت صديقتنا اصلا فده كان بيساعدنا جداا والحمد لله وقتها المكتبة بتاعتنا كانت متصعدة جمهورية والله ولولا خروجنا منها علشان الثانوى كانت باذن الله افضل مكتبة جمهوريا بس فعلا اهم حاجة مش الكتب اللى فيها بس ولا الجوائز المهم انتى بتكونى مبسوطة وانتى فيها فباتالى هتبحثى فى الكتب وطبعا لو المكتبة جيدة اكيد الكتب اللى فيها هتكون جيدة مشكورة على الموضوع واسفة على التطويل |
احنا عندنا فى المدرسه الوضع مقلوب بقى
بنبقى عايزين ندخل المكتبه فى الحصص الفاضيه والمشرفين هما اللى بيقولولنا لا ماينفعش تدخل المكتبه غير باذن من مدرس الحصه طب هو غايب هاروح اجيب الاذن من بيته ؟؟؟؟؟؟؟؟؟؟ بس فعلا دلوقتى الطلبه بعدت قوى عن الكتب |
اقتباس:
|
اقتباس:
قيمة كتاب زى ده توصل ل3 جنيه وكمان ممكن يكون فى فصال:d يعنى كيلو الطماطم اغلى منه:d هكذا اصبحنا فى بلد لا تهتم بالعلم والعلماء:angry2: |
اقتباس:
وعلى التعليق |
اقتباس:
نورتى التوبيك |
اقتباس:
ميرسى جدا على مرورك نورت |
اقتباس:
انتى نورتى الموضوع بمشاركتك الجميلة |
| جميع الأوقات بتوقيت GMT +2. الساعة الآن 10:18 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.