احسن مقال كتبته الصيف ده (كوميدي)
 

هعمل نفسي
ــــــــــــــــــــــــــ
هعمل نفسي مصدق ان حنان ترك في مسلسل ساره كانت بتحب احمد رزق
مع ان مش عارف هي بتحبه من انهي زاويه ده ؟؟
:d:d:d:
هعمل نفسي مصدق ان عضلات عمرو دياب دي طبيعيه ومش نفخ ومش بحقن
مع ان مش عارف مكنش قادر يجري في استاد القاهره ليه ؟؟!!
بس اكيد كان لسه جاي من التمرين ومفرهد
:d:d:d:d

هعمل نفسي مصدق ان (ممدوح هاااي بقولك انت )هيرجعلك عضلات جسمك ولياقتك وهيرجعلك رشاقه جسمك وجماله في اسبوعين
مع ان مش عارف هو ليه بكرش ؟؟؟
:d:d:d:d:d

هعمل نفسي مصدق ان فودافون شبكه المحمول الاول في العالم ..وموبينيل شبكه المحمول الاولي في مصر
وده علي اساس ان مصر مش جزء من العالم
:d:d:d:d:d

هعمل نفسي مصدق ان هند صبري حولت اتصالات بعد ما كانت بتيجي في الاعلان وتقولك انا فودافون
:d:d

هعمل نفسي مصدق حمله شيبسي (مصر هتختار طعمها ) وطلع في الاخر مصر طعمها جمبري
مع ان مصر كلها بعتت انا عايز شيبسي بطعم البانجو
:d:d:d:d:d

هعمل نفسي مصدق ان هند صبري مش لاقيه حد يتجوزها وعايزه تتجوز
تقريبا ماجربتش تنزل مصر وده لان ربنا حماها من الشباب اللي هيريل وراها
:d:d:d:d:d


هعمل نفسي مصدق ان الريس حضر فرح هاني رمزي
و هنا بقي نو كومنت عشان فيه رقابه بجد
:d:d:d:d:d

هعمل نفسي مصدق ان الابيض قادم
هو بصراحه العميد وعد ..اول ما يطلعله شعر... الابيض هيجي علي طول
:d:d:d:d:d


هعمل نفسي مصدق ان كريم عبد العزيز راح اسرائيل جاب مني ذكي وولادها ورجع

الاختلاف بينه وبين شريف منير كان علي وسيله المواصلات ..مكنوش عارفين يرجعها بالتوك توك ولا بالقطار

:d:d:d:d:d:d

هعمل نفسي مصدق ان تامر حسني رجع من لبنان لمصر في الفتره اللي كانوا بينقلوا اخوه من البيت للمستشفي

بس ممكن المستشفي بعيده شويه عن البيت ...او عربيه الاسعاف اتأخرت

:d:d:d:d:d

هعمل نفسي مصدق ان عمرو ذكي ..البلدوزر

تقريبا اللي سموه كده ماشافوش اميل هسكي بتاع انجلترا ...ولا شافوا محمد شعبان بتاع انبي وهو بيعلم عليه بعد ماتش انبي والزمالك

كان نازل خبر بيقول : ان محمد شعبان اصاب عمرو ذكي بجروح في رقبته
امال لو كان مسك حسين ياسر ..كان موته ؟؟!!

:d:d:d:d

هعمل نفسي مصدق ان احمد حلمي ممكن يشتغل بودي جارد

عملا بمبدأ واحد صاحبي (يابني الخناقات مش بالجسم دي بالقلب والا مكنش تامر حسني طحن احمد زاهر في الفيلم )
واكيد طبعا احمد حلمي قلبه كبير ..ده بيحب مني ذكي
:d:d:d:d:d

اعمل نفسك بقي المقال عاجبك ..واخبطني كومنت
ــــــــــــــــــــــــــــــــــــــــــــــ

:d

جمييل بجد

تسلم الايادى

تقبل مرورى

هعمل نفسي مصدق حمله شيبسي (مصر هتختار طعمها ) وطلع في الاخر مصر طعمها جمبري
مع ان مصر كلها بعتت انا عايز شيبسي بطعم البانجو
:d:d:d:d:d

وده طعمه كويس؟!!
بجد دمك خفيف , بس نوع وخلي كل مرة فئة معينة من الشعب .

تسلم ايدك والموضوع فعلا جميل مش مجاملة وهاعمل انه عاجبنى
واخبطك كومنت

موضوع اكثر من رائع

ما شاء الله اسلوب رائع

وبطريقة فكاهية جدا

وان كان لي تعليق ع بعض المرادفات

كان من الممكن ان تجاوزها وتصل الفكرة ( فكرة الموضوع )

مثلا لو طلع شعر للعميد

دي حاجة اعتقد ان محدش ممكن يتقبلها
حراام نقول ع الراجل كده

تقدري لو شفتيه في الشارع تقوليله كده في وشه

اكيد لا

يبقى حرااام والله اعلم

وحكاية احمد رزق .... وتحبه من انه ناحية دي

انا عن نفسي مش متقبلاها

يعني علشان هو تخين مثلا

لا لو كان اخوكي كونت تقولي عليه كده قدام الناس كلها

يا ريت تكوني فهمتي قصدي ومين غير زعل

لاني بجد كاي مشاهدة بسيطة

شوفتك بجد ما شاء الله عليكي موهوبة

وحسيت انك هتكوني حاجة لما تكبري

وحبيت انبهك عن حاجة ممكن مش تكوني اخدت بالك منها

ارجو ان تتقلبي مروري

مشكورين علي المرور و ليا تعليق علي الكومنتات بس اللي عايز اوضحه دلوقتي اني مش بنت والله ما بنت
:D:D:D
rymond
غير
rymonda
:D:D

شكراااااا ع الموضوع الرائع وفى انتظار الجديد من الابداع :078111rg3::078111rg3:

هههههههههههههههههههههههههههههههههههههههههههههههه
رائع جدا
في انتظار جديدك

هعمل نفسى مادخلتش ومش هاقول حمد الله عالسلامه يادكتور

المقال اكتر من رائع شكرا ليك

أنا مش هأعمل نفسى المقال عجبنى
لأنه بجد راااااااااااااااااااااائع جدا ودمه خفيف جدا جدا جدا
نصيحة منى لحضرتك انت تنفع فى الكوميديا جامد جدا
بس محتاج حد يقدر موهبتك المدفونة دى
ميرسى على الموضوع وتقبل مرورى

شكراااااااااا علي المرور يا جماعه والتشجيع

هعمل نفسي بشكرك علي موضوعك
و انا مش عارف اوصف عجبني قد ايه
:d
جزاك الله كل خير
تقبل مروري السريع علي موضوعك