|
محمد البرادعي ينتقد قرارات علاج المسئولين بالخارج على نفقة الدولة
علي غير عادته، تحدث الدكتور محمد البرادعي- المرشح المفترض لانتخابات الرئاسة المقبلة- عن قضية العلاج علي نفقة الدولة، وألمح إلي قرارات علاج بعض الوزراء التي أثارت الجدل في الفترة الأخيرة، منتقدًا إتاحتها للبعض اعتمادًا علي صفتهم ومكانتهم، لا علي كونهم مواطنين لهم الحق في العلاج دون النظر لأي اعتبارات أخري.
وقال البرادعي في تدوينة علي صفحته الشخصية بموقع التدوينات القصيرة «تويتر»: «المواطنة والمساواة الحقة تعني أن العلاج في الخارج من مال الشعب يجب أن يتوقف علي عدم توافره في الداخل، وليس علي صفة الشخص أو مكانته». وعلق البرادعي علي دعوي مقاطعة الانتخابات التي يتبناها منذ فترة، مؤكدًا أنها أسرع الوسائل لكشف ما وصفه بـ «الديمقراطية المزيفة»، وتأكيد مصداقية المعارضة، ووجه التحية لحزب الجبهة الديمقراطية ولكل مؤيد للمقاطعة، وذلك بعد قرار الجبهة الانسحاب من ائتلاف أحزاب المعارضة، ومقاطعة الانتخابات المقبلة. كما تحدث المدير السابق للوكالة الدولية للطاقة الذرية عن الوعود المتكررة بإجراء انتخابات حرة ونزيهة من قبل النظام في ظل غياب الضمانات البديهية لنزاهتها، مؤكدا أن ذلك مجرد كلام أجوف، وشدد علي دعوة المقاطعة. وتحدث البرادعي عن الزيادة السكانية التي يعتبرها النظام تبريرًا لاستمرار الأوضاع السيئة، وقال إن الطاقة البشرية إذا ما أحسن استغلالها تصبح رصيدًا لا عبئًا، وختم تدوينته بعبارته الشهيرة «قوتنا في عددنا». يأتي ذلك في الوقت الذي اقترب فيه عدد التوقيعات علي بيان التغيير «معا سنغير» من المليون توقيع، بحسب تأكيدات قيادات حملة التوقيعات؛ حيث وصل إجمالي التوقيعات الإلكترونية علي موقع الجمعية الوطنية للتغيير إلي 113962 توقيعًا، بينما وصل عدد التوقيعات بموقع «توقيعات أون لاين» الذي أطلقته جماعة الإخوان المسلمين إلي 738649 توقيعًا، وجار حصر التوقيعات الورقية التي جمعها شباب الجمعية الوطنية للتغيير خلال حملة طرق الأبواب لجمع المليون توقيع. http://dostor.org/politics/egypt/10/october/1/30738 |
ما شاء الله على البرادعى ظاهر فى الصورة ع طول ما شاء الله عليه عامل شغل جامد ويا ترى ده بس قبل انتخابات الرياسة ولا ع طول الله اعلم
ولازم نراعى ظروف المسئولين يا جماعة دول غلابة ومش معاهم دول حتى مش بيثقوا فى الطب المصرى ههههههههه حلوة اوى الجملة دى قوتنا فى عددنا مع انه مش هتتحقق احنا عددنا كبير ومع ذلك مفيش ذرة من القوة شكراا ع الخبر |
اقتباس:
|
وتحدث البرادعي عن الزيادة السكانية التي يعتبرها النظام تبريرًا لاستمرار الأوضاع السيئة، وقال إن الطاقة البشرية إذا ما أحسن استغلالها تصبح رصيدًا لا عبئًا، وختم تدوينته بعبارته الشهيرة «قوتنا في عددنا».
كلام صحيح هو احنا هنروح فين جنب الصين والهند في العدد وعجبي يا مصر!!!!!!!!!!!!!!!!!!!!!!1 |
على كدا مصطفى بكرى يتعمل له تمثال على المجهود الذى يقوم به فى هذا الأمر من سنوات
ولاأحد عمل له تكريم عظيم مثل هذا ولارشحوه للرئاسة زى زعيمنا الموقر لسه فاكر وكمان طالع علينا ينتقد ---- ياصبر أيووووووووووووووووووووووب |
اقتباس:
طب نعمل ايه فى الزيادة دى احنا 80 مليون وبنعمل ده اما الصين تعمل ايه :p:p |
مقاطعة انتخابات ايه بس !!!!
انتوا ناسيين ان الحكومة بتجبر العاملين بها علي المشاركة في الانتخابات !!! انتوا ناسيين ان أكثر من نصف الوزراء من رجال الأعمال وحيجبروا العاملين عندهم وإلا تغور وأجيب مكانك خمسة !! الحكاية عشان تبقي فيها عدل , لازم اشراف خارجي علي الانتخابات , وبلاش بقي حكاية كرامة , وهيبة مصر !!! اعتبروها مباراة بين الأهلي والزمالك وحنجيب حكم من الخارج ولا هي مباراة الكورة أهم من مستقبل البلد !!!!!!!!!!!!!!!!!!!! |
اقتباس:
طيب ترشح الحكم يا أستاذنا يكون منين ؟؟؟ |
اقتباس:
البرادعي عاش سنين طويلة محل تكريم من الدولة المصرية والناس, و طلع طوابع بريد باسمه واسمه والده نقيب المحامين السابق وشاح النيل اعلى تكريم مصري, يعني كانوا طالعين بيه السما ويمكن من اكثر الناس التم تكريمهم من الدولة. و اول ما نطق سيرة الترشيح بقى عميل وخاين و كافر وبنته كافرة ومتجوزة مسيحي وبهائي وماسوني ومراته ايرانية من الشيعة وكان بيطلع الاخير. مين ممكن يقول هايترشح ويستحمل كل ده؟ والبرادعي لولا ان له صلات دولية قوية بحكم وظيفته السابقة كان زمانه شايل قضية زي أيمن نور واترمى في السجن واتنسى. المناخ الحالي الاحنا عايشين فيه لا يسمح بظهور اي شخص يصلح , لانه مصيره اسود لو فكر فيها. عمرو موسى على سيبل المثال اول ما بقى له شعبية تم نفيه ودفنه في جامعة الدول العربية, كمال الجنزوري فين هو دلوقتي؟ اي اسم سيخطر على بالك مصيره معروف لو فكر فيها. لازم ده يتغير الاول. وحتى لو عملها ذلك الرجل "ايا كان هو مين" و نجا من المصير الاسود فالتزوير موجود و النتيجة جاهزة مسبقا, يعني كده كده ساقط ساقط. الحل هو تغيير المناخ الحالي , تغيير الوضع القاتم ده غير كده يبقى بنضيع وقتنا في الحديث عن وصف العنقاء و بنختلف على عدد ريش جناحها. |
اقتباس:
يكون من أي بلد محترمة , بتحترم المواطنين ورغباتهم !!!! من أي بلد غير الصورة بتاعت توقيعك !! عشان تبقي فيه نزاهة بجد , مش شعارات !!! |
اقتباس:
هو عشان اطبع اسمة وصورتة يبقى خلاص المظاهر ساعات بتخدع وكمان طلع عليه انه جاسوس وخائن وهو كمان شايل قضية وكان السبب فى ضرب العراق ولا دى كمان نسيتوها اما حكاية ديانة مراتة وبنته كل واحد حر فى ديانتة لان السلام مش بالقوة ولا بحد السيف والله الايام هتثبت كل حاجة متستعجلوش اقتباس:
عندى احساس غريب ان الموضوع :confused::confused: ولا حاجة اقتباس:
ههههههههه نرشح مين سؤال مهم اكيد الام الكبيرة لازم تدخل فى الانتخابات احنا كده يا مصريين ندخل الغرب فى كل حاجة حتى الانتخابات المصريين بيحبوا الكورة اوى مصر بتشجع واحنا معاها :av4056bb7jp3::av4056bb7jp3: عمار يا مصر :(:( |
كلامي لم يتضمن تأييدي للبرادعي ولا غيره !!
انا قلت قبل كده مش عارف واحد في البلد ينفع يحكمها !! انا نفسي في واحد مدني يطبق شرع الله بالتدريج , يا تري ده موجود ؟!!!! |
اقتباس:
اقتباس:
http://sphotos.ak.fbcdn.net/hphotos-..._6369817_n.jpg و بعدين قلت انسوا البرادعي هو من كفار قريش لو تحبوا. احنا عاوزين حرية انتخابات ونتتخب من نشاء, ايه المش واضح في الكلام ده؟ تلفوا ودوروا و يرجع يتقال اصل البرادعي وحش |
اقتباس:
يا أستاذ على خلينا فى الموضوع وبعدين انت دورت على نفسك مابين الناس دى ؟ الناس دى أهلنا واللى يحب البلد يحب لها كل خير فى الكورة -- فى السياسة -- فى الاقتصاد -- وفى كله وبعدين التوقيع دى حرية شخصية وليست شعارات يامن تدعون المطالبة بالحريات خلوا الناس تعبر عن نفسها كماتحب وبلاش تقطعوا عليهم الطريق من أوله وشكرا |
اقتباس:
يا أخي / انا جاوب علي سؤالك ومن ضمن اجابتي هي استبعاد اختيار الحكم من مصر , اللي موجودة صورة التوقيع بتاعك . يعني مفيش حجر علي حريتك ولا حاجة , انا عبرت عن رأيي واللي انا شايفه من وجهة نظري ولم أمنعك من التعبير عن وجهة نظرك انت شايف ان اللي بيشجعوا مصر في الكورة وطنيين وبيحبوا مصر دي وجهة نظرك , أما انا فلا أري ذلك , وكل واحد حر في رأيه . |
| جميع الأوقات بتوقيت GMT +2. الساعة الآن 11:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.