سؤال الثلج المفروض يغرق فى الماء
 

أنا قرأت فى الباب الثانى أن الكثافة تتناسب عكسيا مع الحرارة

فلماذا عندما نخفض درجة حرارة الماء يتحول ألى ثلج (كثافته أقل)
بل و عند تسخينها تتحول ألى صورة غازية(كثافتها أقل)


سؤال على قاعدة أرشميدس

أذا كان فى أناء به ماء (ليس مملؤ على حافته) قطعة ثلج فيكون أرتفاع الماء على مستوى رأسى معين و لكن عندما تنصهر الثلج بالكامل فأن أرتفاع الماء فى الأناء ................................

أ ) يرتفع
ب) يقل
ج) يظل كما هو


و يا ريت شرح و افى لقاعدة أرشميدس فى مسائل اللى فيها أرتفاع الماء

اممممم حسب ذاكرتى و معرفتى

الأجسام لما بتخفض حرارتها بتنكمش فبيقل الحجم لنفس الكتلة فالكثافة تزيد

أما الماء فلما بتتجمد كثافتها بتقل لأن حجمها بيزيد و ده لأن الماء بيبقى مادة متبلرة بسبب

الروابط الهيدروجينية ( مش متأكد أنت تلاقيك واخدها فى الكيمياء هاتفتكرها أكتر منى )

فالأمر مش انكماش لأ الأمر أشبه بإنك جبت جسم و خليته مجوف !

و ده يوضحلنا إجابة السؤال التانى

أنت عارف إن الجسم المغمود جزئيًا ( الثلج) بيزيح مثل وزنه ماء

طيب يعنى وزن الثلج و الماء المزاح هو هو

بس حجم الثلج أكبر من الجزء المغمور لأن كثافته النسبية 8 من عشرة ( مش فاكر أوى )

طيب لما يدوبب هيرجع ماء كثافته النسبية 1

و كان ليهم نفس الوزن من قاعدة أرشميدس

بالتالى هيكون ليهم نفس الحجم

و يظل منسوب الماء كما هو ( مع إهمال التغير فى درجة حرارة الماء لأنه ضئيل جدًا جدًا )

على حسب معلوماتك اعتبر أنت الماء المادة الوحيدة لما تخفض حرارتها تقل كثافتها

==========

بالنسبة لشرح أرشميدس ده تعتمد على الله ثم المدرسين و نفسك

الماء ليه خاصية غير كل السوائل الباقية , وهي انو الى كثافة ليه بتكون عند 4 سيليسيوس ..

دا معاناه انو مش متجمد ولسة سائل , فبالتالي قطعة الثلج هتطفو بسبب قوة مقدارها كثافة الماء * حجم الجزء المغمور * عجلة الجاذبية

لذلك لما تنصهر مستوى الماء هيرتفع ,, مش متأكد طبعا من اي حاجة خالص بس حبيت اقول وجهة نظري

كل السوائل بتتغير كثافتها بتغير درجة الحرارة

السطر التانى خطأ

السطر الثالث كان نفس رأيى أول ما شوفت السؤال لما كنت قدكم

و للعلم كتب و مذكرات غلطانة فى المعلومة ده

لكن إن شاء الله إجابتى صحيحة

لو حد معاه 100% أو الوسام

هيلاقى تعليلة على النقطة ده

و الإجابة محطوطة على شقين شف نظرى و شق معادلات للتأكيد