|
مسألتين ارجو حد يساعدني في حلهم
السلام عليكم ورحمة الله وبركاته عندي مسألتين فيزياء في الفصل الرابع انا حاسس ان هما سهلين بس مش عارف اوصل للحل بردو ممكن يكون الخطأ حسابات مني ارجو حد يساعدني في حلهم رقم واحد خلطت ثلاث سوائل بنسبة 1\2\5 حجما والكثافه النسبيه لها على الترتيب .8\1.1\1.2 احسب الكثافه النسبيه للخليط؟؟؟ رقم اتنين حجمان متساويان من الحديد والالمونيوم والفرق بين كتلتيهما 12.75 كجم والنسبة بين كثافتيهما 26 على 9 فما كتلة كل من هذين الحجمين؟؟؟ |
اول مسئلة
مديلك معلومه ان النسبه بين الحجوم = 1:2:5 يبقى v1= X >>>>> v2 = 2X <<<< v3 = 5X وهو مديلك كثافة كل سائل تجيب الكتلة عادى لكل واحد وهتطلع m1 = 800X <<<< m2 = 2200X <<<< m3 = 6000X هتجمع الحجوم هتطلع 8X هتجمع الكتل هتطلع 9000X هتقسم الكتلة الكلية على لحجم الكلى هيديلك كثافة المخلوط وهى 1125 كجم/م^3 ................. المسئلة الثانية سهله بس مش هعرف اكتبها فيها حاجات رياضيه يعنى لما يقولك النسبه بين الكثافتين .... هتبقى النسبه بين الكتلتين مثلا بين ام1 . ام2 .. لأن الحجوم متساوية ......... نفرض ان ام1 هى الاكبر ... يبقى نشيلها ونعوض مكانها ب 12.75 + ام2 ... وهتبقى معادله بمجهول واحد تجيبه وبعدين تجيب التانى عادى .. يارب اكون فيدتك |
اقتباس:
شكرا .. ربنا يخليك يا رب |
لم افهم ممكن توضيح اكثر؟
|
اقتباس:
بص اول مسأله هو مديلك نسب بين حجوم 1\2\5 نفرض ان v1 = x v2=2x v3=5x اذا الحجم الكلي 8x وهو مديلك كثافات 800.1100.1200 يبقى ممكن تجيب الكتله يعني تضرب الكثافه في الحجم هات كتلة اول واحد m1= v1 x p1 x في 800 = 800x وكذلك كتلة تاني واحد 2x في 1100= 2200x وكذلك تالت واحد هيطلع 6000x يبقى الكتله الكليه مجموع الكتل التلاته 9000x يبقى انت عندك الكتله الكليه 9000x وعندك الحجم الكلي 8x لو قسمت الكتله الكليه على الحجم الكلي هيدلك الكثافه الكليه يعني 9000X على 8x هيطلع الناتج 1125 ده بالنسبه لاول مسأله |
بالنسبه لتاني مسأله زي ما قال الاخ josephmorris هي سهله بس كلها رياضه
بص هو مديلك نسبة بين كثافتين 26\9 والكثافه = الكتله \ الحجم وبما ان الحجمين متساويين اذن يمكن اعتبار النسبه نسبة بين كتلتين يبقى النسبه بين الكتلتين 26\9 اذن m1\m2 = 26\9 هات m 2 علشان هتحتاجها m2 = 9m1 \26 هو عطاك الكتله m1 تذيد عن m2 بمقدار 12.75 اعمل منها معادله وعوض فيها عن m2 ب 9m1\26 يعني هتبقى المعادله كده m1= m2 +12.75 m1=(9m1\26) + 12.75 بقت معادله فيها مجهول واحد اللي هو m1 هات قيمته هيطلع 19.5 و بالتعويض في المعادله دي m1= m2 +12.75 هتجيب قيمة m 2 هيطلع 6.75 يا ريت تكون فهمت الاتنين |
| جميع الأوقات بتوقيت GMT +2. الساعة الآن 08:40 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.