مساعدة
 

انا في اولى قسم عمارة (الحمد للة) وعايزة اسال ازاي اقدر احافظ على لوة الرسم نظيفة لانها على طول مش بتبقى نظيفة ياريت حد يرد علشان نستفيد

بصي يارانيا انافي قسم هندسه كهربا بس اخدت نصيحه من واحد في عماره لما كنت اعدادي وقالي لو عايز لوحتك نضيفه بعد ماترسم هات شويه بودره تلك مثلا وامسح بيها اللوحه قبل ماترسم بس تكون لوحتك من الانواع النضيفه كانسون مثلا
وتجيبي استيكه روترنج او ميلان وفيه كمان حاجه كده زي صنفره بتكون ناعمه اوي بتنضفي بيها الليوحه بعد ماتخلصي
ومعلشي عالتاخير علشان مدخلتش ع المنتدي من زماااااااان

نفس مشكلتي والله
شكرا ليك بروف انس علي الافاده

من كتر تحريك المسطرة والمثلث فوق الرسمة بيطبع عليها رصاص

فطبعاً يفضل غسلها كل فترة او مسحها بحيث تفضل نضيفة

وحاولو بالمنديل اللى بيبقى موجود مع الادوات
لو بتشيلو بواقي بري الاستيكة من عاللوحة يادوب تلمس اللوحة من بعيد
عشان لو فضلت تمسح في اللوحة كل ده بيبهدل الرصاص على باقي الورقة

دي اسباب جانبية بردو حسب ما انا فاكر

موضوع البودرة ده كان واحد قالي عليها قبل امتحان الفاينل وبصراحة نفعتني :)

احنا في الخدمه ودايما بحب اساعد لاني كنت في اعدادي قبل كده وعارف معني المعاناه:d
ايه رايكم في الكلمه دي بقي معني المعاناه :d

هو فعلا زى ماعمو بنظر قال لازم تغسلى الادوات كويس
وغير كده ماتفنشيش اللوحة وانتى بترسمى على طول كده انتى اكيد فى عمارة وفاهمه
يعنى ترسمى الاول بقلم خفيف 2H مثلا (ده خفيف بزيادة :D ) وبعدين بعد اما تخلصى اللوحة خالص تبدئى تفنشى بال HB
وغير كده كل اما تستخدمى الاستيكة لازم بالفوطة الصفرا تمسحى على طول واستخدمى استيكة نضيفة :D
وفى حاجه انا بعملها اما يكون مشروع على لناصبيانه برسم على الحته اللى عايزها عشان بقية اللوحة ماتتوسخش فبحط على بقية اللوحة شفافات
بس دى هى شوية الحجات اللى لازم تتعمل

غير كده موضوع البودرة انا ماجربتوش بصراحه فمعرفش
بس بفكر اجربه عشان مكسل اغسل المسطرة :d