|
....:::: صيدلة طنطا ::::...
بسم الله الرحمن الرحيم
- - - - - - - - - - - - - - - اخوانى الاعزاء اللى جالهم صيدلة طنطا احب اعملكوا تعريف بسيط بالكلية عندنا ونظامها ماشى ازاى الكلية بتعتنا زى مانتوا عارفين خمس سنين اعدادى واولى...رابعة اعدادى طبعا الاسهل ثم تانية ثم رابعة ثم اولى ثم تالتة لكن طبعا بيبقى فى الاول التيرم الاولانى بتاع اعدادى بيبقى دايما صعب على الطلبة الجداد لانهم مش بيبقوا عارفين اى حاجة فى الكلية ومش عارفين طريقة المزاكرة ده غير طبعا الانفتاح على مجتمع جديد عليهم كل ده بياثر على مستواهم الدراسى داخل الكلية لكن التيرم الاول بتاع اعدادى ده يعتبر اسهل تيرم هتتدرسه طول سنين دراستك فى الكلية اللى المفروض انهم خمسة :D طبعا كلكم عارفين ان صيدلة طنطا مصنفة عالميا ده غير انها كلينيكال ودى ميزة عندنا عن كل كليات الصيدلة التانية ولو ان اغلب الكليات دلوقتى بدات تدخل كورس الكلينيكال فارما زى جامعة المنصورة مثلا ولكن الاصل برضه فين عندنا ;) الموضوع ده هيكون للكلية بتعتنا واى حد عنده اى استفسار عن الكلية او اى شىء فيها انا تحت امره وموجود للرد على اى سؤال او اى استفسار :rolleyes: |
موضوع مفيد
بس صيدلة مش اتجاهي خااااااالص ولا حتى جامعة طنطا :p بس اسمحولي من دواعي فضولي :D يعني ايه كلينيكال؟!! و شكرااااا |
عزيزى ...
Clincal (كلينيكال) هنا تعنى أن الصيدلى pharmacist دوره هنا أصبح كتابة الدواء .. لأنه مش بس هيدرس pharmacology وهو علم الأدوية والذى يهتم بدراسة جزئين الجزء الأول : pharmacokinetic وهى ماذا يفعل الجسم فى الدواء: كالامتصاص والتوزيع والأيض والإخراج والجزء الثانى: pharmacodynamic وهى ماذا يفعل الدواء فى الجسم (Mode of action) .. لأ هيدرس كمان التشخيص Diagnosis وإيه أنسب الأدوية ... بينما الطبيب Physcian ما عليه الإ تشخيص الحالة Diagnosis ..فقط. وكتب Clinical Pharmacy كانت بتدرس فى الجامعات الدولية .. وأصبحت هامة للصيدلى هنا فى مصر. وشكراً |
اقتباس:
مشكوووور استاذ دادموني ع الرد و على كده بقى يبقى صيدلة طنطا افضل صيدلة في مصر |
اكيد ايه بس يا بري
والله صيدلة أسيوط من الصيدليات القوية جدا جدا جدا في مصر وبرضو فيها كلينيكال وفيها عادي يعني مش بيجبر الواحد انه يبقى كلينكال زي عندكم اللي عاوز كلينيكال يدخل واللي عاوز عادي يدخل واللي عاوز يدخل عادي وبعدين ياخد كورس شهرين كلينكال هو حرة اللي اعرفه في صيدلة كليات صعبة وكويسة هما عين شمس والقاهرة وأسيوط واسكنجرية اول مرة اسمع ان طنطا كويسة؟؟!! |
ههههههههه
ايه يابرى الكلام دا انتو عارفين بقى دكتارة |
ههههههههههههههه اسيوط
وربنا انا عمرى مسمعت عن اسيوط دى سمعنا ياعم انت بس اللى اعرفه عين شمس طنطا الزقازيق وقريبا فى الاسواق المنصورة غير كده كله بطييييييييييخ |
يا جماعه انا صحيح هحول صيدله عين شمس
بس معلش اعذرونى احسن صيدله فى مصر القاهره و بمراحل و كمان يا محمد عين شمس مش بالصعوبه اللى انت متخيلها بنى سويف اللى كنت فيها اصعب منها و انا واثق من الكلام اللى بقوله |
بنى سويف انا ليا اصحاب فيها طنطا اصعب منها بمراحل وده بشهادة ناس حولت طنطا وكانت فى بنى سويف
القاهرة مش بقوة عين شمس وطنطا وبعدين مهما كان عين شمس وطنطا اول كليتين صيدلة فى مصر دخلوا نظام الكلينيكال فارما ومع احترامى للكافة كليات الصيدلة زى مقولت عين شمس طنطا |
فعلا احسن صيدلة في مصر هيا صيدلة عين شمس وطنطا ولو بيطلبوا اي حد يسافر برة بيطلبوا الاولوية لصيدلة طنطا
|
صباح الفل يا طلبه صيدله طنطا
انا من المنصوره وفي الفرقه التانيه صيدلة طنطا اللي عايز اي معلوماااااااااااات عنها انا ممكن اساعده:) ويا جماعه كل الصيدليات خير وبركه:) |
مع كامل إحترامى لجميع الآراء الإ أن المقدقمه ستظل لكليات جامعه القاهره :) ، وبالنسبه لموضوع إكليناكال فهو مطبق بالقاهره كذلك مثل نظام أسيوط والطلاب غير مجبرين عليه ولكن يختارونه برغباتهم ،، |
اقتباس:
:d طيب سؤال لحضرتك يا دكتورة انتي مشتركة في المنتدى بتاع الكُلية ولا لع :D |
|
طيب كويس انك جاوبتي هنا ومعلش مشوفتش قبل ما ابعت الرسالة :)
منورة هنا وهناك يا دكتورة :) اها انا مشترك هناك مش لازم اللينك :d :) |
| جميع الأوقات بتوقيت GMT +2. الساعة الآن 01:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.