|
الناس ايه اللى جرالها اتغير حالها!!!
السلام عليكم ورحمة الله .. ازيكم عاملين ايه..بخير طيب الحمدلله.؟؟ انا كتبت الموضوع ده علشان حسيت انى عايز افضفض ..؟؟ طيب ..طيب نخش فى الموضوع على طول .. لما كنا مقيمين فى احدى الدول العربيه الشقيقه..حبينا ننزل بلدنا بعد سنين الغربه دى كلها ونشفها زى اى مصرى مشتاق يشوف بلده ويلاقى حد مصرى يتكلم معاه..المهم صادف فى نفس الوقت ده لسوء الحظ ان واحد زميل بابا فى الشغل نزل مصر قبلنا..المهم بابا استقبله وساله ايه اخبارك وايه احوال البلد..(سؤال عادى جدا..بس الاجابه مش عاديه هنشوف دلوقتى..) ..اولا الغلاء الفاحش طبعا كلكوا عارفينه ربنا يعينكو...والاضرابات المتكرره الاعتصامات وحالة الهيجان اللى بتشهدها مصرنا العزيزه..كل ده عرفينه وبنشوفه كل يوم ..بس اللى متوقعناهوش الجمله دى تحديدا ...صديق بابا :انا مش عارف..حاجه غريبه اوى ..الناس مش طايقه بعضها..ومعاملتهم اتغيرت مبقوش بيخافوا على بعض..مكانوش كده فى اخر مره رحت مصر ...ده الاولاد مكملوش اسبوع على بعضه وعايزين يروحوا (الراجل يا حبة عينى كانه راجع من افغانستان..) الشهاده بالحق الراجل مقصرش وادى بابا نصيحه اخيره.. ...متنزلش يـــا...مصر السنادى ..(مخبيش عليكوا كلامه اصر على بابا ازاى وقطع قلبى كمان وخصوصا انى مشفتش مصر من ونا عندى حواى 8 سنين ونص ...؟؟؟ السؤال دلوقتى هل الناس اتغيروا بجد ..فين المعدن المصرى الاصيل..؟ زليه ؟؟ وايه تعليقكم على اللى حصل ده ..بجد ان مش مصدقه (يارب اصلح حال بلدنا ):bosyht9: |
تقدري تقولي اه :d الدنيا مبقاش فيها امان من قريب اوي حوالي شهر صحيت من النوم كان جمعة الساعة تسعة ولا عشرة لقيت المية قاطعة بسأل والدتي قالتلي ده من الفجر المهم بعد ضهر الجمعة بسأل عمي ... (ساكن تحتينا) بيقولي ده احنا اللى قفلناها بقوله ليه بيقولي اصل الحنفية بتاعت العمارة (موجودة عالشارع) اتسرقت امبارح بالليل وطبعاً كدا الحنفية مفتوحة وفضلت تغرق الشارع لحد ما واحد من الشارع شافها واتصل بحد من العمارة ونزل يقفلها وبعد كده اتصرفو وقفلوها خالص ورجعولنا المية فإذا كنا مش حنأمن للى موجود بره العمارة امال حنعمل ايه في اللى جوه :d بغض النظر عن انه العمارة اتسرقت اكتر من مرة :d تقريباً مع الغلو ده ... الناس حتاكل بعض فعلاً ومش حتبقى جملة تقديرية زي ما كانت بتتقال زمان بس مع ذلك الدنيا برده مش كلها سودا ومنقدرش نستغنى عنها برده :d |
مصر أم الدنيا لسه فيها القلوب الطيبة الصافية اللى بتحب ومش بتعرف تكره وكل مكان فيه الحلو والوحش
بس مصر هى مصر هو فعلا المشاكل دى موجودة بس لازم كل بلد تواجه مشاكل والناس مضايقة من المشاكل دى بس أول ما الازمة تعدى هترجع مصر زى ما هى وأحسن وأما ترجعى وتقعدى وسط عيلتك وتكلموا وتضحكوا هتحسى ساعتها بطعم مصر يا رب تنزلى قريب |
اقتباس:
اول مره اسمع عن حكايه سرقة الحنفيات دى..:p..على العموم شكرا على رد حضرتك نورت الصفحه..:078111rg3: |
اقتباس:
وشكرا لرد حضرتك وطبعا هنزل مصر هو حد يقدر يبعدينى عنها حتى لو كنت فى ابعد بلاد الارض .. شكرا لحضرتك اسعدنى ردك |
اقتباس:
غير البلاعه دي اللي بتكون في وسط اشارع لا اللي بتكون قدام كل بيت نزلت مره الصبح ملقيتهاش عادي جدا |
الراجل يا حبة عينى كانه راجع من افغانستان
---------------------- ----------------------- ------------------------ موضوع جميل ومؤثر بس ليه السخط على البلد أغلبه من من هم خارج البلد ؟ وليس هذا يعنى أنه لايوجد مثلهم فى الداخل لأ فيه وكتيركمان والعجيبه إن أغلبهم كمان من من لهم أقارب ومعارف فى الخارج شىء غريب يمكن علشان بيسمعوا الجزيرة كتير ؟؟؟ ولا علشان شبعوا فلوس فعايزين الهدوء والسكينه وعدم الازعاج ومش لقيينه وسط هؤلاء الناس اللى أصبحوا أغراب بالنسبة لهم!!!!!!! أنا محتار ألاقى مبرر لهذا الموضوع |
كلامك لا يفهم منه أنكم كنتم تنوون النزول لمصر نهائي !!
يعني هي مجرد أجازة . طبعاً والدك حر في رأيه وفي قراره , لكن أين حق الأهل والأصدقاء ؟!! حكاية الغلاء بتبقي مشكلة للمصري المقيم في مصر ودخله محدود , لكن لمن يعمل في الخارج لا تكون عائقاً أمامه وخاصة إذا كان الغرض من النزول هو الزيارة فقط . أما موضوع الناس مش طايقة بعض , فمش كل الناس , ومش في كل الأوقات . صحيح المشاكل هنا بتلهي الناس عن بعضها البعض لكن لا أعتقد ان الدول العربية أو الأجنبية , المصري فيها بيلاقي ناس جنبه باخلاص !! الغالب ان كل واحد بيكون في حاله وهمه هو تكوين مبلغ يقدر يأمن بيه نفسه وأولاده , وهذا ليس عيباً . لكني أعتقد انه كلما طالت فترة اقامة المصري خارج مصر , تتغير مفاهيمه وعاداته وأصحابه أيضاً بحكم طول المدة التي يقيمها خارج مصر وحين يعود لمصر , يشعر فيها بالغربة , وهذا أمر طبيعي جداً ويحدث مع كل شخص حتي المقيمين في مصر . لو فيه حد جرب انه يغير المدينة المقيم فيها , سيشعر بالغربة في المكان الجديد لفترة من الوقت , وكلما مر علي الوقت , كلما تأقلم علي الوضع الجديد . وعلي فكرة الكلام ده بيحصل في كل دول العالم . |
كل ده وللاسف بقى موجود فى بلاد العالم
بس هناك الناس والحكومة وبقول الاتنين بيشتغلوا لمصلحه بلدهم بيجتهدوا فى المجال اللى بيحبوه بيحاولوا ينموا من موهبتهم ان كانت فى حاجة معينه عشان يفيدوا بلدهم وامتهم وانفسهم لكن احنا للاسف نفضل حاطين ايدينا على خدنا ونفضل ننتقد فى اوضاع البلد بدل مانحاول نصلحها نحاول نزرع الحب مابين الناس نفكر فى الغير قبل مانفكر فى نفسنا وخلاص حجات كتيرة محتاجه اعاده صياغه تفكيرنا ثقافه شعب بحالها محتاجة تغيير |
جت فترة الشجر فيها بقي بيقطع و يباع من الشوارع
و الجزم بتتسرق من الجوامع حتي اكرة الباب بقت بتتسرق الناس متغيريتش اه متغيريتش و ده للاسف اللي حصل الطيبين فضلوا زي ماهما مبيزيدوش دول بينقصوا واحد ورا التاني اما الغير كده في زيادتهم الطبيعية طبيعي يشعر بالفرق بعد الفترة دي كلها خاصة انه رجع في زمن التكاتك اللي حكاويها متتصدقش و زمن الماتشات اللي خلت العالم يضحك علينا و تسقيط البنطلونات اللي اتبح صوتنا علشان نقول دي رمز للشذوذ لكن هانعمل ايه إن الله لا يغير مافي قوم حتي يغيروا ما في انفسهم يعني .................. حاولوا تتعودوا علي كده لكن تبقوا صح مش زيهم و ربنا يوفقك تقبلي مروري |
في كل مكان الحلو والوحش!!
وفي كل مكان الصالح والطالح ! وحسب المكان اللي انت عايشة فيه يعني مش كل البلد وحشة للدرجة دي يعني ... انزلي بس ونورك هيعطي علي الكهربا دا الغلاء دا عادي وكل حاجة بتحصل في البلد خلاص اتعودنا عليها |
سبحان الله ولاحول ولاقوة إلا بالله
|
اقتباس:
شكرا لرد حضرتك ... اقتباس:
ربنا يستر ... شكرا على المرور العطر اقتباس:
طبعا..انا عارفه كل الكلام ده.. شكرا تسابيح النجوم على الرد |
اقتباس:
هي كانت نحاس ... والنحاس بيتباع بالكيلو والكيلو غلي دلوقتي ;) |
| جميع الأوقات بتوقيت GMT +2. الساعة الآن 07:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.