ممكن مساعدة في معرفة المرتب
 

كنت عايزة اعرف بس مدرس عنده 58 سنة علي درة معلم خبير لكن مش ماسك اي مهام زي ناظر او مدير ولا موجه ..هو بيشتغل زي مدرس اول وبس
يقبض كام ..والكادر بتاعه كام
ياريت حد يرد عليا ضرورى

تقدمى بطلب لقسم الماهيات بالإدارة التعليمية
التى يعمل بها للحصول على مفردات مرتبه
و لكن الطلب يكون من جهة حكومية كالمحكمة و هكذا
و بالتوفيق

ليه كده يا جماعة خزلتوني الموضوع بسيط جدا ..ومفيش اي مشاكل عوائلية ولا حاجة
كنت متوقعة انى هلاقي الرد بمنتهي السهولة لكن حتي في المنتدي عايزني اروح اجيب طلبات من الحكومة
يلا الله يسامحكم

الغريب هو الطلب
هههههههههههههههههههه
على فكرة اسألى صاحب المرتب

ماعاش اللى يخزلك .. احنا بس بنهزر معاكى

وأضم صوتى لصوتك للأخوة مسئولى المرتبات

بس الموضوع ده بيحتاج على الأقل معرفة الأساسى ودرجته المالية وتخصصية او فنية وكده

او زى ما قالت استاذة عاشقة الموج "اسألى صاحب المرتب" أسهل برده !!!

الظاهر انك المدام

يا جماعة الخير بلاش تاخدوا الامور الجد بهزار
الحكاية كلها فيها جواز والست سالتني بحكم اني مدرسة وقلتلتها معرفش هسالك في المنتدي ..لكن اروح اقولها ايه الناس بتهزر معايا
عريس متقدم لواحده زميلتنا وهو وهي كبار لكن هي مش مدرسة وهو مدرس فحبت تعرف مرتبه علشان انتم فاهمين الامور المالية في الجواز وخصوصا البداية والتقدم لعروسة وكده
هو معلم خبير بدرجة مدير عام لكن مدرس اول

طيب هى عاوزة تتجوز ما تسأله هو عن المرتب يكون افضل
حتى يكون فيه ثقة أفضل
وكمان الجواز اختى الكريمة مش الأساس فيه المرتب ، انما حاجات تانية اهم على ما اعتقد ،

والجواز بالذات ان لم يبنى على الثقة لا ينفع !!

هذا رأيى وردى فيما يخص الموضوع اعلى اختى الكريمة ;)
تحياتى

عوضك على الله فى المرتب

يعني حوالي 1900

جواز أي في السن ده ياخي جتكو نيله وبتدور على المرتب طيب تشوف الأول هو سليم ولا مكسر

الأخ الفاضل ليس هذا اسلوب للحوار

اعلم اخى الكريم ان السن ليس عائق امام الإنسان ليعيش ويكمل مسيرته
وفى الخارج يبدأون حياتهم بعد سن المعاش عندما يجوبون العالم فى اكبر رحلة ترفيهية فى حياتهم
الإنسان بقلبه وعقله ومشاعره التى لا تعترف بالسن ولا الزمن !!!