بدل مناطق نائية
 

السلام عليكم ...... يا جماعة هو فى بدل مناطق نائية السنة دى ولا خلاص اتلغت والله العظيم يا جماعة المرتب ما بيكفى المواصلات حرام بجد كده انا بصرف 10 جنيهات مواصلات يوميا يعنى ما يقرب من 300 جنيه من 318 جنية اتخيل يا جماعة حرام بجد والله ده كده مفهوش اى عدل كان فى 100 جنيه بدل مناطق نائية علشان انا بروح معهد فى بلد تبعد عنى حوالى 60 كيلو متر رايح وقدهم وانا جاى اكيد دلوقت الكاتب كل ما يروح يسال يقولوا فى المنطقة مفيش ده كلام صح ولا ايه ؟؟؟؟؟؟؟؟؟؟ اصلى لو كان الحال هيفضل كده يبقى نقعد فى البيت افضل عيب كده لما الواحد يكون بيوفر بعد المواصلات حوالى 30 جنيه من مرتبه ده مش عدل باى صورة والله وكمان بنجيب بيهم طباشير علشان الرياضيات لازم لها الوان بدل الطباشير التراب اللى بنستخدمه من المعهد ده حاجة تقرف بجد

والله النهارده سمعنا انه جاء عندنا في قنا منشور بمائه جنيه للمناطق النائية . بس لسه مش عارفين دا كلام اكيد ولا لا

طيب انت مبتاخدش بدل نقدي؟

انا باخد بدل نقدى تذكرة واحدة يعنى حوالى خمسين جنيه بس هتعمل ايه دا المناطق النائية كل شهرين 200 جنيه طبعااااا افضل بكتير بنحس فعلا اننا بناخد مرتب بدل اللى ضايع كله فى المواصلات ده كفاية انى كمان بدرس صفوف اولى اعدادى وثالثة اعدادى واولى ثانوى وثانية ثانوى شوف بقى قدر التعب وانت بدرس كمان رياضيات يعنى شوف كام فرع فيهاا والله دى حاجة تقرف بجد مرتب ايه بس ده

قول الحمد لله وبلاش تتبطر عالنعمة

اال100 جنيه دي غير البدل النقدي . يعني انتو بتحرر ليكم في الاستماره البدل النقدي ووبدل المناطق النائية

طبعا 100 جنيه دي غير البدل النقدي احنا ناخذ البدل النقدي و الـ 100 بس الـ 100 لمدة 10 اشهر في السنة فقط

ياريت يا اخى ممكن توضح لنا هل جالكم منشور بصرفها ولااخذتم بالسنة اللى فاتت وهل هى عامة لجميع المدرسين بالمعهد النائى ولا للمغتربين فقط

كيف يتم تحديد الاماكن النائيه