ممكن سؤال ؟؟؟
 

لو سمحتم يا جماعه عايزة حد يفهمي سؤال في كتاب الامتحان
صفحه61
السؤال رقم 39
المشكله اني مش عارفه اعمل تهجين للنيتروجين اصلا

ممكن تكتبى السوال علشان اعرف اسعدك اصلى معايا كتاب الامتحان بتاع السنه اللى فاتت وملخبط عن الجديد شويه

طب انا معنديش الكتاب يا ريت حد يحط السوال وان شاء الله حسعدكم

السؤال مش موجود في النسخه بتاعه السنه اللي فاتت مع الاسف
الاختيار ......... يعبر عن التهجين الحادث في ذرات النيتروجين
1,2,3,4
في المركبين
h2nnh2 ,hnnh

انا بردو السؤال مش عارفاه بسبب نفس المشكله دي

السلام عليكم
انا فهمت سوالك انا شوفت السوال من كتاب واحد صحبى حتى السوال متظلل بالاحمر وحليته انا وصحبى مع انى زيك كده فى الاول مكنتش فاهم حاجة من السوال
احنا فى النيتروجين هنا مش علينا تهجينه بس انتى ممكن تحليها وتعرفى نوع التهجين من غير ما تعمليله تهجين وده لان n الاول اللى فالمركب h2nnh2 كل واحده من n حترتبط باتنينH يعنى كل n حتعمل رابطة احاديه مع الاتش ورابطة احاديه مع الاتش التانيه واصلا احان عارفين ان النيتروجين ثلاثى يعنى كده فاضل رابطة احاديه لكل n وديه اللى حتبقى ما بين n و N (وده لان كل عنصر بيعمل عدد روابط بيساوى عدد تكفوه ) لو بصينا حنلاقى ان كل الروابط احاديه مفيش رابطة ثنائيه والاستاذ فى الدرس معانا قلنا طالما كله احادى (زى الميثان )ومفيش واحد ثانئية ولا ثلاثيه يبقى التهجين حيبقى من النوع sp3 يبقى عندك اول n وتانى n من النوع sp3 تمام كده
نيجى للتنيه n اللى فى المركب hnnh كل n حترتبط بواحده h يعنى رابطة احاديه يبقى كل n فضلها رابطة ثنائيه وده لان قلنا ان النيتروجين ثلاثى التكافؤ والرابطة ثنائيه حتبقى ما بين nوn و الاستاذ بردوا قلنا لو فالمركب رابطة ثنائيه(زى الاثيلين) يبقى التهجين من النوع sp2 يبقى N التالته والرابعة حتبقى من النوع sp2 تمام كده

ده اللى انا فهمته وبنيت عليه حلى وان شاء الله يطلع صح ومعلومة لو عندك بقى فى المركب رابطة ثلاثيه زى الاسيتيلين كده يبقى التهجين من النوع sp
يا رب تكونى فهمتى اقصدى ولو فى اى حاجة مش فهمها فى اللى قولته اشرحلك تانى
على فكره انا كنت كاتب الرد ده من امبارح بس قولت اتاكد من الحل واتكدتلك من الاستاذ بتاعى فى الدرس واكدلى كلامى

اه الحمد لله تمام كدا انا فهمتها
جزاكم الله خيرااااااااا ومرسيه اوي ع الرد :d

ربنا يخليكى وولا مرسيه ولا حاجة احنا لازم بردوا نساعد بعض