|
نصايح قريبي
السلام عليكم ورحمة الله وبركاته كان ليه واحد قريبي قبل ما اعرف النت او اعرف المنتديات والحاجات دي كان بيديني شوية نصايح ع الماشي والنصايح من 4 سنيين تقريبا أول حاجة قالها لازم تسجلي اسم ولد علي النت قلت ليه يعني قال :كدا هو انت فاكرة ان اللي بيدخل باسم ولد هو ولد لا دا بنت وداخلة باسم ولد وكمان الولد بيدخل باسم بنت دول شوية عالم كذابيين !!!! قلت :معقول كل اللي في النت كاذبيين قال: مش كلهم بس معظمهم بيكذب وبيمثل كمان !!! تعرفوا ان النصيحة دي فعلا مفيدة بالذات للبنت يعني فعلا تلاقي البنت ساعات كثيرة وبالذات لو مش عارفة التعامل مع المنتديات تتعرض لسخافات كثيرة جداا بسبب انها داخلة بصفاتها الحقيقية!!! جربت اعمل كدا بس مش في المنتدي دا دخلت باسم بابا ولقيت المنتدي بيطلب منك تكتبي ذكر ام انثي رحت كتبت انثي:d أكذب يعني:p ممنوع تقولي معلومات حقيقية عندك;) يعني انت من القاهرة بدل المنوفية وعندك 23 سنة مثلا وبتدرسي في هندسة بترول هو فيه حد شايف حاجة دا الشرح دا من عندي مش من عنده هههههههه:p يعني بلاش اقول اني من المنوفية وافتخر نظراا لحب المصاروة للمنايفة:rolleyes: والعمر بئا اقول براحتي بئا أومال ايه!! مش تصدقي أي كلام يتقال معظم الكلام اللي علي النت الناس اللي بتقولوا بتكذب ومش بتقول صحيح خالص يعني مش تصدقي حد .... أيه رأيك في النصايح دي !!! وهل فعلا فيه حاجات صحيحة ولا ايه النظام!! |
ههههههههههههههه حلوة وبتحصل بس بصراحة انا مجربتهاش هنا ممكن فى منتدى برة بس انتى هتكذبىلية ولا هتقولى بلد غير بلدك لية كدة كدة الى قدامك مش هيعرفك فالاحس ان الواحد يخش باسم عام متل00(طالبة الخ)كدة يعنى
|
اقتباس:
يابنتي عشان البنت مش تتعرف أنها فلانة فاهمتي!! ع ما أظن ما هو ممكن حد من بلدها يبقي مسجل في نفس المنتدي ويبقي جارهم كمان وكدا وطبعا فيه ناس كثيرة مش تعرف يعني ايه المنتديات ...وممكن الموضوع يتفهم غلط انا دا اللي فهمته بس!! طبعا دي ناصيحه بس انا مش طبقتها انا قايلة اني من المنوفية:d هو انا خبيت يعني;) شكراا ياقمراية |
ما اعتقدش بتبقا حاجه حلوة لما الواحد يكذب يعنى فى معلوماته
لان بتبقا حاجه مش لطيفة يعنى بس انا عن نفسى ما احبش اكدب وبشوفها اكتر بالنسبة للسن ناس كتير بتكدب فى سنها |
السلام عليكم ورحمة الله وبركاته الأصل فى الأشياء هو الصراحة لا يختلف عالم النت الإفتراضى( تحول الى عالم واقعى ) عن العالم الذى نعيش فيه وصدقينى اختى الكريمة لو تعود احدنا على الكذب ولم يقل الحقيقة على النت سيتعود على هذا خارج النت النصيحة الأهم هى اختيار المنتدى الصالح واختيار الاعضاء الأنسب من هذا المنتدى للتواصل معهم واختيار الموضوعات التى تناسب أفكار كل منا وتتماشى مع قيمه واخلاقه عندها وعندها فقط سيستقيم الأمر ولد كان ام فتاه شاب كان ام كهل اما عن الصدق والكذب الكلام الصادر يجب ان يجد عقل مستقبل له وعلينا إعمال العقل فيما نسمعه ونطالعه من ينظر لجنس المتواصل معه ذكر او انثى ومن ينظر لسن المشارك معه لن يستفيد بهذا العالم اما من ينظر لعقل وافكار المتواصل معه سيحظى بكل ما يتمناه هذا فقط اذا احسن اختيار من يتواصل معهم |
اقتباس:
احنا بنتكلم بوجهه عام ان فعلا فيه ناس بتكذب زي ما انت قلتي وفيه ناس بتدخل باسم ولد وفيه ناس بتقول معلومات مكذوبة يعني النت فيه الحلو والوحش بس الإنسان هو اللي يختار وطبعا الكذب في المعلومات دي محتاج من الكذاب انه يحفظ معلوماته يعني ممكن مثلا يقول انه من القاهرة وبعد شوية يقول انه من اسكندرية!!! فيظهر كذبه شكراا حبيبتي |
اقتباس:
وعليكم السلام ورحمة الله وبركاته فعلا أخي الفاضل كلام حضرتك مضبوط ولكن هذا لا يجعلنا نتغاضي بأن بعض هذه النصايح مفيدة فليس كل ما في الإنترنت ملتزم وإنسان محترم لا أقصد الكذب في المعلومات ولكن اقصد عدم تصديق كل ما يقال أيضا زي ما حضرتك تكرمت وقلت نختار المكان الصح وأظن ان المنتدي الثانوي متميز جداا وليس بالحاجة اننا نكذب ولكن هناك اناس تستخدم الكذب لغاية في نفسها جزيت خيراا |
الموضوع له أكثر من جانب , فنصائح قريبك تنطبق
تماماً علي غرف المحادثة . ففي غرف المحادثة 99% من الحديث كذب في كذب . ياما لقيت بنات داخلة بأسماء أولاد وكنت بعتبر ده عادي وممكن ولكن دخول الولد بإسم بنت أمر مستفز جداً لي حتي الأن !! وهذا الأمر منتشر في العرب بشكل ملحوظ جداً , أما الأجانب فقليل ما وجدت هذا الأمر , ولكني وجدته واكتشفته وبسهولة . أما بالنسبة للمنتديات , فالأمر موجود ولكنه بصورة أقل . وبخصوص البيانات الشخصية فغالباً تكون غير حقيقية . والموضوع بيرجع للعضو نفسه , بمعني هو داخل منتدي محترم ولا غير محترم لأنها تفرق كتير اوي !! وايه هو الغرض من دخوله المنتدي ... فيه ناس بتحب التسالي , وبالتالي غالبية كلامهم كدب !! وبعدين لا أعتقد ان البيانات الشخصية مهمة في النت يعني أنا مثلاً مش كاتب بيانات شخصية عني في هذا المنتدي لأنه لا يتطلب تلك البيانات من أجل الاشتراك فيه , لكن فيه منتديات أخري تشترط وضع هذه البيانات ويكون العضو غير راغب في معرفة بياناته الحقيقية , فيكتب أية بيانات . المهم ان كلامه وحواراته داخل المنتدي تكون صادقة . |
السلام عليكم
أولا انتو وحشتونى قوى وبالذات انت يا تسابيح بمواضيع المميزة ورأيى ان الى بيكذب بتتكتب عليه كذبة لكن مش هيستفيد حاجة والأهم ان الكذب بيتعرف حتى لو مش بنتكلم وجها لوجه |
اللى خلاني انا كولد مكنتش بحب احط بياناتي اصلاً في اي مكان
بغض النظر عن انه دلوقتي اتعرف اسمي وسني وكليتي وكل حاجة :d لكن بالنسبة للبنت ... اسمك مثلاً .. تسابيح .. لا هو حقيقي ولا كدبتي وعملتي ولد ولا حد اجبرك تحطي عنوان ولا تليفون ولا ميل ولا تاريخ ميلاد وبالتالي يبقى مفيش داعي للكدب ابداً مقلش سني افضل من اني اكدب واقول 25 مثلا ولا اعمل مدرس زي ما في ناس كانت بتعمل هنا ^_^ ومن المؤكد إنه هنا ... غير في منتديات هايصة ... غير في غرف الشات كل واحدة وليها ظروفها :d كان مرة واحدة بتكلمني .. من السعودية .. بخصوص غرف الشات وكدا .. بتقولي لما كنت بدخل باسم بنت مكنش في بنات بتكلمني ولما كنت بدخل باسم ولد بردو مكانوش بيكلموني اعملهم ايه يعني :d |
من رايى يا تسابيح الموضوع ده موجود وشئ عادى كمان وزى ما قلتى ليه سلبيات وليه ايجابيات ويمكن الدخول باسم ولد بيخلى البنت تتكلم ومن غير ما تخاف من سخافات المشاركة من حد او حد يقلل من رايها بس الغلط لو استخدمته فى معرفة اسرار حد او صداقات بالاسم ده
هنا بقى ما ينفعش ولازم يلتزم او تلتزم حدودها كويس وعندك حق فى كلامك كله ودى نصايح انا عن نفسى سمعتها قبل كده من اعضاء هنا ع البوابة تخيلى ؟ |
نصائح تمام والله اناكنت بنصح بيها بردوا اي حد كان لسة جديد عالنت و عاوز يخشه ، وخاصة بتاعت اعملي نفسك ولد ديه انا طبقتها اكتر من مرة اول مادخلت النت كنت بخاف فدايما اتخفى ورا قناع اني ولد :blush: بس على حسب الموقع بتتحدد طبيعة التعامل فيه مواقع محترمة و مواقع تانية لاء فلكل واحد منهم طريقة تعامل تمشي معاه واكتر نصيحة كويسة الاخيرة ديه في ناس كتير تقول شرق وهم غرب فلازم مش كل حاجة تتصدق وانا عامة مش بحب حد يعرف عني حاجة مرسي عالنصايح التمام ياقمر ، |
اقتباس:
أعرف أن الشات الناس اللي فيه معظمهم دماغهم فاضية ودخليين للتسلية !! أم المنتدي مختلف تماما فيه كل اللي الإنسان عايزه من حوارات جادة ومش مهم اسم الإنسان المهم فكره وعقله ومستوي حواره... بس ع فكرة الكذب دا علي النت عموما موجود وفيه ناس هنا في المنتدي داخليين باسم بنت وهو ولد عشان يتعرف علي بنات والبنات تثق فيه بجد دا حصلت مع وحدة في المنتدي وتم حظر العضو الخفيف دا !!! بس فيه بردو في المنتديات ناس بتكذب وتقول كلام غير حقيقي والله اعلم هم بيقولوا كدا ليه بس ناس منهم عايزين يعيشوا الدور ويكون احسن حال من الواقع !! الصدق مطلوب في كل حاجة جزيت خيراا أستاذ علي |
كل حاجة فيها الكدب والصدق فيجب علينا ان نحزر
|
اقتباس:
وعليكم السلام ورحمة الله وبركاته أهلا مس هبه حضرتك اللي وحشتينا ووحشتنا ردود الجميلة والمفيدة جداا أكيد طبعا اللي بيكذب بيكذب علي نفسه بس المهم انه يكون حافظ كذبه لانه في وقت من الاووقات هينسي هو كذب في ايه ويقول كلام تاني فينكشف الكذب!! شكراا لحضرتك وان شاء الله حضرتك مش تختفي عن المنتدي تاني:friendsxs3: |
| جميع الأوقات بتوقيت GMT +2. الساعة الآن 04:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.