ازاى أجهز نفسى لكلية الحاسبات
 

أنا طالبة لسة فى الثانوية العامة ، و خلاص بإذن الله ناوية أدخل حاسبات المنصورة ، لكن مش عارفة أجهز نفسى للكلية الجامدة دى إزاى فى الاجازة ؟؟؟؟؟
أنا عاوزة أبقى متميزة فيها و فى الشغل كمان و مش عايزة أبقى داخلاها تايهة
أعمل إيييييه؟؟؟؟؟:028ja7:

بما انك فى ثانوية وشكلك شطورة فانا انصحك بكلية هندسة افضل ليكى وعن تجربة كنت ناوى حاسبات زيك برضة

اول حاجة لازم تحبى الكمبيوتر وتحبى الكلية قبل ما تدخليها ....الكلية عاوزة مذاكرة جامدة
طبعا وانتى ف الدراسة متعمليش اى حاجة غير انك تركزى ف المذاكرة وفى الاجازة حاولى تاخدى دورات تويفيل ف الانجلش علشان تبقى قوية فيه وبالنسبة للبرمجة او الداتابيز منصحكيش انك تتعمقى فيها قبل ما تدخلى ممكن تاخدى فكرة بسيطة عنها وف الكلية هتعرفى ميولك لاكتر حاجة وبالتالى تعرفى التخصص وتاخدى كورسات او تقراى كتب ف التخصص ده
حاولى تاخدى html دا سهل جدا وهيوفر عليكى وقت ف الكلية ولو عاوزة كتب تفيدك ف حاجة انا ف الخدمة
وربنا يوفقك

انا في حاسبات ومعلومات المنصوره و احب اقولك ان عندنا في حاسبات المنصوره و باعتراف من طلبه هندسه نفسهم ان كليتنا احسن كتير اي نعم احنا فعلا بندرس الحاجات مش بتعمق بس بندرسها كلها و ده بيخليكي عندك خلفيه عن كل حاجه و لو ات حبيتي تتخصصي في مجال معين بتاخدي فيه الكورسات اللازمه اما الفرق بنا و بين هندسه وده مش موجود في كل كليات حاسبات بس موجود في حاسبات المنصوره ان اللائحه القديمه اتغيرت و بندرس الحجات الحديثه زي مثلا سي شارب و جافا في لغات البرمجه غير هندسه بيدرسو سي بلس بلس وممكن تتعلمي قبل الدراسه htmlو cssمن موقع w3schools