|
الغياب والعوارض .. موضوع للمناقشة
معروف ان الاجازات العارضة للمدرسين 7 ايام فى السنة
ده غير الاجازة الاعتيادية اللى محتاجة طلب وكدا دلوقت ايه الموقف القانونى لمن تخطى السبع ايام فى السنة يعنى داخل مثلا فى 15 يوم او ماشابه ومتعلم فى الدفتر قدام اسمه بالغياب بالقلم الاحمر ب 15 او 20 يوم غياب هياخد جزاء ولا خصم ولا ايه بالظبط ؟ وايه الخطورة او العقوبة من دة ؟ نقطة تانية لو كانت احصائية الغياب الشهرية اللى بتروح المنطقة بتقول ان المعهد تمام ومفيش ايام غياب او اجازات عارضة او اعتيادية لأى حد على عكس الواقع فى الحالة دى مين الاصدق الدفتر ولا الاحصائية ؟ اتمنى المشاركة من جميع الاخوة الاعزاء بالاضافة والتوضيح وحكاية تجارب لو أمكن للإفادة للجميع خصوصا اهل العلم والدراية جزاهم الله خير واقبلونى عضو جديد بينكم :078111rg3: |
اولا - يتم تحويل من تخطى ايام العارضه للشئون القانونية وهى التى تقرر نوع الجزاء
والجزاء يكون اولا خصم عدد ايام الغياب من المرتب مع خصم يوم واحيانا يومان ثانيا - اذا كانت احصائية الغياب التى تذهب للمنطقة مخالفة لدفتر الحضور والانصراف فالاصدق طبعا دفتر الحضور والانصراف وفى هذه الحاله يتم تحويل كل من شيخ المعهد وشئون العاملين ومسئوله الماليات للشئون القانونية لتحديد المسئولية عن هذه المخالفة وتوقيع الجزاء المناسب على المتسبب فى هذه المخالفة |
شكرا يا استاذ سعيد على المعلومات القيمة
جزاك الله كل خير وحضرتك تقول والجزاء يكون اولا خصم عدد ايام الغياب من المرتب مع خصم يوم واحيانا يومان فهل خصم يوم او يومان بالاضافة لعدد ايام الغياب ؟ |
اقتباس:
|
ده غير إن الحوافز بتروح
|
ماينفعش ان الكلام يتم ارساله للمنطقة ان كله تمام لأن في تفتيش مالي واداري لازم بيراجع الاجازات وبيشوف اذا كان تم عمل مذكرة للشخص اللي تعدى أيام العارضة بتاعته ولا لأ ولو لم يكن هناك مذكرة بذلك فيتم تحويل شيخ المعهد وكاتب شئون العاملين للتحقيق وممكن يتحول للنيابة الإدارية كمان وده عن تجربة مع ناس اعرفهم كويس
أرجو اكون افدت |
اقتباس:
|
يااستاذ هل اتعجب من كلامك كيف يتم الشطب عليه 15 او20 يوم ولم يتم تحويله للشئون القانونيه تاني شئ
تعمل غياب وتقول كيف الاحصائيه بتقول حرام هذا |
السلام عليكم ...اللي كتير ما يعرفوهوش هو ان الدفتر الخاص بالحضور والانصراف ومشطوب فيه عشرين يوم على المدرس اللي حضرتك بتقول عليه ده موش الدفتر الأصلى اللي بيتراجع فعلا من الشئون المالية والادارية لكن هناك دفتر اخر شيخ المعهد عامله ولا يعرف احد عنه من المدرسين شئ ولا يعرفه الا حاشية شيخ المعهد وهو لا يظهر الا في الشديد القوى وبيختفى الدفتر اللي فيه العشرين يوم اللي انت بتقول عليهم ولو انت اخذت الدفتر الموجود ده وصورته بكاميرا الموبيل ورحت بالصور للشئون المالية والادارية بالمشيخة هيطلع الدفتر الاصلى اللي مافيهوش شطب خالص لان احتمال يكون الشئون المالية والادارية بالمنطقة اللي انت تابع ليها تكون عارفة بالموضوع بتاع الدفترين وتكون متواطئة مع شيخ المعهد بمقابل والله اعلم
|
اقتباس:
يانهاااااااااااااااااار:stickjo4::angry2::blush::blush::blush: هو فيه كده في الأزهرررررر؟ |
انا لا اعتقد ان كل مايحدث في الازهر الازهرية مش نايمين علي روحم وكمان شيخ المعهد مش اهبل من اجل ان يبهدل نفسة من خصم وجزاءات من اجل شخص اوعدة اشخاص اكيد ان كان من حاشيته يبقي بيوقع لة
|
lمعلهش استحملنى
لكن 15 يوم او 20 يوم تقفيل معناه ان حضرتك مش ملتزم ماتزعلش منى لكن هيا دى الحقيق هاتتحمل الخصم من المرتب وقطع الحوافز والحرمان من الكادر نتيجة تخلفك عن عملك والله المستعان |
اقتباس:
ومالذى يجعله ان يجازف هذه المجازفة الغير مأمونة العواقب |
لو كنت قريت الموضوع ده من شهر مكنتش صدقت لكن احب اقولكم صدقوا كل حاجة
انا شفت بنفسي دفتر بيتشطب فييه بالاحمر "تصليب يعني" وبعد ما الاسبوع بيخلص تلاقي كله اتمسح تاني واتمضى للمدرسين تاني ..................زمتفهمش ازاي |
الاسناذ سعيد موسى ناظر معهد التوحيد انا كنت مدرسة في معهد ابتدائي في القليوبية وكان الناظر فيه بياخد من بعض المدرسين جزء من المرتب وجزء من مكافأة الامتحانات مقابل انه يمضى ليهم في الدفتر ولما تخصل ثورة من المدرسين الملتزمين بالحضور يقوم يشطب على اللي بياخد منهم واكتر من عشرين يوم في الدفتر وبعدين عرفنا ان في دفتر تاني وبعد اكتشاف امره فتشوا حوالين هذا الناظر واتلاقوا عنده مخالفات اتحول فيها للنيابة العامة والادارية والحرام والله مابينفع ........اللهم اكفنا بحلالك عن حرامك واغننا بفضلك عمن سواك
|
| جميع الأوقات بتوقيت GMT +2. الساعة الآن 06:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.