2 ثانوى وربنا يستر ..!!
 

ربنا يسترها السنه ديييييييي

لا والله بالعكس دى سنة جميله اووووووووووى احنا بس الى متشائمين

انا كنت فاكراها سنه هتعدي زي كل السنين هذاكر وانجح و the END
بس اكتشفت إن في مدرسة دي كانت صدمة والاكبر اني لازم اروح وإلا هتفصل وما أدراك ما الفصل؟؟

المشكلة بأه اني مبذاكرش غير ساعة ف اليوم والباقي بحل الواجبات بتاعت الدروس
لأ واللي يجلط إن اللي ف المدرسة عيزينلهم واجبات كمان..

ربنا يستر بأه

انتو كدة بتاحبطو نفسكم والله

انا كمان تانية ثانوى و المدراسة مضيعة وقتى موت ومش بلحق حتى اعمل واجبات الدروس بجد ربنا يستر علينا كلنا

ان شاء الله السنة تعدى على خير ياااارب وكلنا نجيب مجاميع تفرحنا يارب
حطوا ادامكم الهدف اللى لازم لازم يتحقق مهما كانت الحاجة اللى بتعوقنا عن تحقيقه لازم نتغلب عليها وربنا مش هيضيع تعبنا باذن الله

يا جماعة اعتقد ان معظمكم ف مدارس بحرى عشان كده مش متعودين على موضوع نزول المدرسة .بس عايزة اقولكم حاجة هو اه المدرسة بتاخد من الوقت كتير جدا بس صدقونى بافيدة يعنى انا ف اخر تانية ثانوى لما كنت براجع الحاجات اللى مش حضرتها ف المدرسة كنت حاسة بفرق كبير بين حاجاة لمرة بس سمعتها وحاجة كذا مرة اتعادت ثم انتوا معاكوا ميعاد المدرسة لغاية 2 قولوا ل 3 يدوب الغدا والنوم بعد كده تناموا ساعتين وتصحوا على 5 لو وراكم درس وساعتين تاخدوا الدرس وساعة كده مواصلات يعنى معاكم من 8 بليل لحد 1 بليل يعنى 5 ساعات وعلى فكرة دول حلوين خالص وممكن تنجزوا فيهم ودا يدوب عشان المدراس .انتوا بس صلوا ان ربنا يبارك ف وقتكم وماتقلقوش دى سنة وهاتعدى وهاتحسوا بمدى هيافتها وسيبكم من الكلام اللى بيتقال .لكل مجتهد نصيب .انا ف تالتة ثانوى وجبت ف تانية 99%

:040vk0: دا السجن المشدد ارحم من طريقتك فى المذاكره


انت كده عايز تدبحنا

ايه ياعم مفيش راحه!!

واذاى هنذاكر من غير تركيز الواحد بيرجع من المدرسه جسمه مكسر ويمكن انت كنت فى مدرسه حلوه وبيشرحوا انما احنا عندنا مدرسين لمؤاخذه تيييييت يدخل يمليك الدرس ويريح نفسه :stickjo4:

انا بقيت بعمل كدا وعادي خالص

بس الموضوع كان صعب في الاول بس اهو بنتاقلم

فعلا المدرسه مضيعه وقتى جدا

وللاسف لما اروح المدرسه مابستفدش شىء

عشان كده قررت اكبر دماغى واقعد فى بيتى اذاكر

معززة مكرمه وربنا يعدى السنه دى على خير

( ان لله وان اليه راجعون )

على فكرة اولا انا بنت ثانيا انت ف ثانوى ولا لا انت لو داخل ثانوى على اساسا انت ترتاح يبقى بلاش مش معنى كده انك ماتدخش يوم رست ثم انت مش معاك نوم لغاية 5 بليل يبقى جسم ايه الى مكسر واى كان مدرسة حلوة مش حلوة انت هاتروح كده كده يبقى انت تستفاد بالوقت يا تاخد حاجة تذاكر فيها هناك ياما تشوفلك حصص تحضرها انت اللى ف ايديك تضيع وقتك او لا