|
لا للمعاكسات
السلام عليكم و رحمة الله و بركاته الموضوع كله عبارة عن ظاهرة منتشرة جدا دلوقتى و انا عارفة كويس ان فى مواضيع كتير اتكتبت عن المعاكسات و اتقال ان اللى بيعاكس بيبقى انسان مريض نفسيا وان البنات لازم يكونوا محتشمات و متدينات و على خلق عشان مفيش حد يعاكسهم وحصل ولبسنا محتشم وعملنا ده كله صحيح نسبة المعاكسات بالنسة لينا قلت بس المشكلة ان الموضوع رجع تانى وبقى فى عز النهار والناس موجوده و الادهى من كده ان لما واحده فينا تطلب مساعده من راجل ماشى بيبقى عامل ولا اكنه شايف ولا سامع وهو ده السبب الرئيسى اللى خلانى اكتب الموضوع ده يعنى انافعلا مش عارفة ايه الميزة اللى تخلى واحد شايف واحده قدامه بتتعاكس و ميدافعش عنها و المشكله ان الموضوع ده بقى منتشر قوى اليومين دول فى الناس الا من رحم ربى فى النهاية يا جماعة انا عايزة اقول ان ايام زمان ايام الرسول فى غزوة بنى قينقاع تحرك جيش باكمله عشان واحده عورتها انكشفت و احنا دلوقتى حالنا ايه http://www.islamstory.com/%D8%BA%D8%...6%D9%8A-%D9%82 %D9%8A%D9%86%D9%82%D8%A7%D8%B9 ربنا يرحمنا يارب |
شوفي مش كل الناس فيه ناس وناس
يعني انا فعلا ساعات بشوف ناس رجالة بمعني الكلمة وناس عايزة عود كبريت !!! المشكلة ان حتي لو الولد انتحر وهو بيعاكس البنت ولا تعبره ... لانه مجرد .... مينفعش نهتم بناس زي دا بس فيه بنات بتقعد تتخانق والولد بيعتبر دا مقدم للتعارف مرض ربنا يهدي |
ياريت حضرتك توضحي ايه اللبس المحترم اللي حضرتك تقصديه ؟؟
اسدال يعني ؟ ارجوا التوضيح وبعدين هرد ان شاء الله |
اقتباس:
ماشى انا عارفة ان فى ناس وناس وطبيعى طبعا ان لو حد عاكس بنت ماتعبروش بس المشكله ان موضوع ان راجل يشوف واحدة بتتعاكس قدام عينه وما يدافعش عنها يعنى انا اللى خلانى كتبت الموضوع ان ليا واحده زميلتى كان بيعاكسها واحد وعمال يقطع عليها الطريق ولما لقت راجل معدى ندهت عليه وقلتله على الولد ده والراجل كان ماشى ولا اكنها كانت بتكلمه اصلا وسابها ومشى . فهى دى الحاجة اللى حارقه دمى ومش عارفه ليه الموضوع ده بقى منتشر قوى - ( فى ناس وناس طبعا ) - واكنه عادى يعنى |
اقتباس:
فى ناس فينا بيليسوا اسدالات و ناس تانيين بيلبسوا خمار و جيبات واسعه و بتبقى كلها الوان غامقة |
ياجماعة لو البينت ماشية محترمة ومابتهزرش ولا بتضحك بصوت عالى ولا ماشية بطريقة مش كويسة مش هاتتعاكس
واذا كانت كويسة وكل حاجة واتعكست خلاص هى مالهاش دعوة باللى عاكسها وماتبصش حتى لانة هو ليه بيعمل كدا علشان عايز يفتح حوار مع البينت دى وانا عارفة ان فى كلام جارح جدا بيتقال وكل اللى هانقولة حسبى الله ونعم الوكيل فيهم وربنا يهديهم والمفروض طبعا ان اللى يشوف حاجة مش كويسة يعمل حاجة مش يقعد يتفرج لان الساكت عن الحق شيطان اخرص وشكرا على الموضوع |
اقتباس:
جزاكى الله خيرا يا محبة على الكلام الجميل ده |
ممكن انت شفت حالة من الحالات الشاذة
واللي بتقول وانا مالي ....!! دول مش تهتمي بيهم لان زي ما فيه الشر فيه الخير وبصراحة كثير بشوفهم .... اقتباس:
|
ميرسى ليكوا يابنات
ويارب تهدى كل الشباب المصرى والعربى والمسلم وتمنع عن بنات العرب كل الحاجات اللى مش كويسة دى بس انا لاحظت ان عدد الناس اللى عادوا بيعاكسوا فى الشارع وماعدتش زى زمان الحمد لله قل عن زمان |
بصراحة فى أولاد بيبقوا مش متربيين بجد بيعاكسوا الكبير والصغير والمحترم واللى مش محترم ودول عاوزين الحرق ..
لان قبل كده كانوا جايبين تقرير فى برنامج 90 دقيقة عن ولد كان بيعاكس البنات قدام الكاميرا و البنات ولا بتعبره والولد مش هامه كاميرا ولا ناس واقفين ولا أى حاجة وعمال يعاكس فى اللى رايح واللى جاى ... يلا بقى ربنا يهدى الجميع .. |
اقتباس:
مش عارفة ليه مش ضربته بالمايك :bosyht9:وقتها عالم دماغها فاضي وربنا عايشيين في فراغ وف الاول والاخر كما تدين تدان ولو بعد حين |
جزاكم الله خيرا جميعا على الردود
و ربنا يهدينا يارب جميعا و يصلح حالنا |
اقتباس:
هههههههههههه اه والله علم دماغها فاضيه فعلا هو تلاقيه كان فرحان بقى انه طلع على التليفزيون وافتكر نفسه هيتشهر بقى و ياخدوه يمثل ف التليفزيون ولا حاجة :av4056bb7jp3: |
ربنا يهدى الجميع
|
اقتباس:
وفيه بنات من دول وان كان عددهم قليل بيمشوا في الشارع يضحكوا أو يتكلموا بصوت عالي أو يلتفتوا كتير أو يمشوا بشوية دلع أو نظراتهم بتكون زايدة :028ja7: وزي ما دول قلة , فيه بردوا قلة من الشباب بتعاكس البنات المحجبة :bosyht9: يعني زي ما فيه هنا فيه هناك أيضاً , صح ولا غلط ؟:excl: |
| جميع الأوقات بتوقيت GMT +2. الساعة الآن 03:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.