|
ساعدووووووووووووووونى
السلام عليكم و رحمه الله و بركاته/
زملائى الاعزاء / ارجو منكم مساعدتى بنصائحكم لمن اتوجه؟ ... فانا اعمل معلم مساعد (لغه انجليزيه ) ابتدائى ... وانا الان فى اجازه وضع ستنتهى ان شاء الله فى شهر 12 ... و المشكله هى اننى اعمل باداره حوش عيسى ... و انا اعيش فى دمنهور .... و قد واجهت المصاعب خلال الست سنوات الماضيه فى التنقل بين المواصلات غير المرتب الذى لا يكفى مواصلات بس ... كل عام اقدم طلبات نقل التى لاتلاقى اى استجابه بحجه ان الاداره بها عجز رغم موافقه ناظر المدرسه و مدير الاداره ... و بالرغم ان هناك العديد نقلوا من الاداره ( كوسه يعنى ) .... والامر الآن اتغير فماذا افعل ببنتى الصغيره واين اذهب بها و انا لا احد بجوارى فوالدتى مريضه و اى حضانه ستقبلها من الساعه 10 صباحا حتى الساعه 6 فانا فتره مسائيه .... و ايضا لا يوجد اجازه رعايه اسره ... بصراحه هذا الموضوع اصبح ازمه نفسيه بالنسبه لى.... ساعدونى ماذا افعل و اين اذهب ؟ اريد ان انقل او انتدب لاداره دمنهور .... |
ابعتى رساله للوزير شخصيا على الاميل الشخصى موجود فى موقع الوزارة باسل رال السيد الدكتور الوزير واحكيله عن مشكلتك على الله يلقى استجابة منه شخصيااااااااااااااااااااااااااا
ربنا الموفق |
اقتباس:
|
و الله انا من رأيي
انك تقدمي طلبك لمرشحي الحزب الوطني في دايرتك و هما حيقوموا بالواجب لأن دا موسم انتخابات و فرصة انك تحققي طلبك العادل ده و كله دعاية للمرشح و ربنا يوفقك ان شاء الله |
اقتباس:
الأخت الفاضلة فرج الله همك وفك كربك وأراح بالك ان شاء الله رأي من رأي الأخ عضو مجلس الشعب في الظروف دي هو اللي هيحل الموضوع ان شاء الله |
شكرا لردودكم ..... و ادعولى |
فيه ناس اتعاقدت السنة اللي فاتت في حوش عيسى ونقلو السنة دي في ادارات ما كنش فيها عجز السنة اللي فاتت اصلا
كله بالطبيخ يعدي بس لازم تقدمي طلب نقل في شهر 4 |
بصراحه كان الله فى عونك بس من راى انك تبعتى اميل للوزير وتقدمى طلب للنائب وخلى توكالك على الله
|
يا اخت ام مريم طبعا اعانك الله على ما انت فيه فأنا اعانى ظروف اصعب انا من محافظة كفر الشيخ وتزوجت منذ شهور فى محافظة القاهرة وحامل فى شهورى الاولى وممنوعة من السفر والمواصلات منعا باتا ولم اترك بابا الا وذهبت اليه ولكن دون جدوى ماذا نفعل قانون ظالم حسبنا الله ونعم الوكيل
حسبنا الله ونعم الوكيل |
ربنا يعينك يا اخت اميرة ويا اخت سارة ويعين جميع المسلمين والمسلمات انا معنديش حل اقوله بس هدعيلكم ربنا يفك كربكم ويفرج همكم ...........اللهم امين............ومن توكل على الله فهو حسبه
|
شكرا لكم جميعا قمت بارسال رساله الى الوزير عن طريق الايميل التابع للوزاره .. وظهر لى تم التسليم وقمت بعمل نسخه الىcservice*email.emoe.org و لكن ظهرت لى رساله غريبه : غير قابلة للتسليم cservice*email.emoe.org (cservice*email.emoe.org) لم يتم تسليم الرسالة بسبب مشكلة في الإذن أو الأمان. ومن الممكن أن يكون قد تم رفضها بواسطة وسيط أو قد يكون العنوان لا يقبل رسائل بريد إلكتروني إلا من مرسلين معينين أو قد يكون هناك قيد آخر يمنع التسليم. You can't send e-mail to people outside this organization هل احد يعرف معنى هذه الرساله؟ واى منظمه يقصدون ؟مع العلم اننى قمت بارسال نفس الرساله لهذا الايميل و لكن عن طريق ايميلى الخاص بالياهو و قد تم التسليم . |
بصى يااستاذه اميره انا اللى اعرفه ان النقل ده فى ايد التوجيه بتاعك
يعنى لو كلمتى الموجه وحكيتيله ع الظروف المفروض يتسفر تلقائيا الظروف اساسا ملهاش دعوه بالعجز والحجج الخايبه بتاعتهم ديه وطالما المدير موافق خلاص انا من كفرالشيخ وبصراحه انا احلى حاجه عندى التوجيه توجيه الحاسب الالى معايا عشره على عشره يارب يوفقك ويوفقك الجميع |
اقتباس:
والله العظيم ده اللى حصل والله على ما اقول شهيد . |
بسم الله الرحمن الرحيم/
شوف يا أم مريم(محمد نجيب دا ورغم إصابتة بداء السكر وبتجيلة نوبات إغماء وحصل الكلام دا قدامي شخصيا في المديرية إلا إنة ما بيتقيش ربنا والشغل بيمشي عنده سواء هو ولا مدير شئون العاملين (ياسين بية عبد الغفار) ولا الست داء(شفاء) ولا السيد براهيم النائب بتاعة وأنصحك بعدم التعامل معاه لأنة إنسان مش كويس الشغل بيمشى معاهم يا إمة كوسة جامدة مش أي كلام وهما الإتنين نجيب وياسين من زاوية غزال والحدق يفهم يا إما عافية والعافية معاهم حاجتين 1-وكيل الوزارة 2-فتوي شئون قانونية وأنصحك بيها حتطلعى علي وكيل الوزارة تقدميلة طلب عن طريق عضو مجلس محلي محافظة سيبك من الشعب خلاص ما بيعبرهمش دلوقت وبعد كدة تاخدي الموافقة وعلي الشءون القانونية الأستاذ/ طارق مش فاكر إية ودا راجل محترم وعارف ربنا وتطلبي منة فتوي قانونية بأحقيتك في النقل بناءا علي موافقة المدير والإدارة ووكيل الوزارة وأسوة بأي حد تعرفية نقل قبل كدة ويا سلام لو معاك قرار نقلة ولا حد أسماء لهم كل دا بورق وإن شاء الله الفتوي تصدر بنقلك وساعتها لا نحيب ولا فاسين ولا داء ولا براهيم البصباص يقدر يقول تلت التلاتة كام بس عايزك تصبري لغاية ما ربنا يكرمك أنا قعدت شهر 30يوم أجري في المديرية لغاية ما ربنا الحمد لله نصرني عليهم ولو عوزت أي حاجة أنا تحت أمرك سلام عليكم |
صيغه الطلب الاستثنائى
اقتباس:
ولكن نحن الان لسنا فى فتره انتقالات فما هى صيغه الطلب الاستثنائى ل ( وكيل الوزاره - ناظر المدرسه - مدير الاداره ) ليتم نقلى وخاصه و الفرصه امامى ان بالمدرسه الان مدرسه لغه انجليزيه من البلد تحل محلى اى ان حجه العجز ليست موجوده |
| جميع الأوقات بتوقيت GMT +2. الساعة الآن 12:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.