|
أبي بائع جرائد...!!
السلام عليكم ورحمة الله وبركاته وجهها صافيا ينبعث منه الإيمان والاحترام الشديد , فتاة في مقتبل العمر استقبلتني بابتسامة بشوشة ثم قالت لي: عن أي كتابا تبحثين ..فأجابتها .... فبادرتني سريعا بأن هذه الكتب لا توجد الآن... ولكن يوجد الكتاب الفلاني ويحتوي علي أشياء هكذاا وأخذت تسهب في الشرح ولكي آذان صاغية لا تبدو بأن تعليمها بسيط أو سطحي بل تبدو لكي كشخصية مثقفة ظنت انني ادرس بجامعة خارج إطار مدينتي ولكن وضحت لها الأمر فقالت انا أيضا كنت أدرس في تربية قسم اللغة العربية والآن سوف أحضر دبلومة للغة العربية قلت :ماشاء الله!وفقك الله إلي ما تحبينه... حصلت علي ما أريده ثم طلبت منها ان تعلمني بثمنه ... ثم قالت لرجل شيخا عجوزاا وسيدة تبدو أنها من الأسر البسيطة الريفية ياأمي ما ثمن هذا الكتاب قالتها بنفس أبيه ثم قالت الأم أسألي أبوك ...فنادت علي أبيه وكأن تقول للعالم أجمع هذا أبي بائع الجرائد ولكنه رباني وعلمني أفضل تعليم حتي صرت علي ما أنا عليه الآن ... وهذه أمي سيدة بسيطة ولكنها أبيه بذلت كل شيء لكي نكون أحسن ناس ...!!! أعجبتني كثيراا هذه الفتاة ربما لأنها تفخر بأبيها ولا تحتقر مهنته بل تقف معه وتساعده في وقت فراغها .. في حين بأن هناك أناس كثيرة تسخر وتحتقر من مهن بسيطة لمجرد أنها بسيطة ..... لدية قريب يدرس في جامعة مرموقة ومستواه المادي لا بأس به وفي الاجازة يعمل ميكانيكي .. فقلت لأمه بتعجب شديد :لماذا يعمل ميكانيكي ولم يبقي الإ شهور علي تخرجه من الجامعة ويشتغل في شغل مرمومة ...!! فقالت :لأنه ناوي عندما يتخرج من الجامعة ان يشتري سيارة واذا اصابها عطب قام وصلحها ولا يحتاج لأحد .... ....... هناك شباب كثر يرفضون العمل في مهن بسيطة لأنها لا تناسب مستواهم الثقافي ويفضلون أن تصيبهم البطالة بدل أن يبحث عن وظيفة بسيطة لعله في يوم من الأيام يبتكر فيها ويتطور او حتي يجمع منها أموال ويعمل بماله الخاص تعرفوا إبراهيم الفقي هو عالم في التنمية البشرية عالم مشهور من مدة قريبة كان في المنوفية في منتدي عقد للطلاب فقال بأنه كان يعمل غاسل أطباق ...مع انه كان في ذلك الوقت دكتور في الجامعة !! شوفوا الآن المكانة التي وصل إليها والعلم الذي أصبح فيه ... والمال الذي يجمعه في دقائق معدودة ليس لانه قال مثل معظم الشباب أقل شيء أريد ان اتعينه ان اصبح مدير او حتي رئيس الشركة انا ارضي بالقليل :p ولكنه عمل وتعب واشتغل ووصل لهذه المكانة الشغل ليس عيبا ... .... حتي في فترة الصيف بدل من أن يجلس الشباب علي المقاهي وغيرها يعملون ولكن كيف ! فهو في الجامعة ..ولا يريد ان يبهدل نفسه وعندما يتخرج يصطدم بالواقع الأليم فهو لم يتحمل مسؤولية كما انه كان يحتقر المهن البسيطة !!! فلماذا هذه المهن مهمشة !وينظر إليها الناس بعين التقليل !:bosyht9::bosyht9: طالما انها مهنة شريفة ولا يوجد بها اي شيء افضل من الغني الذي يسرق:( |
موضوع رائع
و اظن ان المفهوم ده هو المشكلة الحالية في مصر لان لو كل واحد رضي بأي شغلة هاتصبح مصر زي الصين كده و الانتاج هايكون كافي بإذن الله لكن هانعمل ايه في المظاهر الفارغة عند كتير منهم ايه؟ ربنا يتولاهم و يهديهم تقبلي مروري علي موضوعك الرائع |
اقتباس:
يعني ايه المشكلة لما يدور ع عمل المهم انه شريف ايه المشكلة لما كل واحد يشغل مخه ويشتغل يمكن في يوم من الايام يتميز في المجال دا ويصنع ويصدر المشكلة زي ما قلت مظاهر فارغة ربنا يهدي شكراا لحضرتك |
فعلا عندك حق والله يا اختي
دلوقت الشباب قاعدين على القهوة منتظرين انهم يبقو وزرة ولا رجال اعمال :excl: لو قولتي لواحد منهم اشتغل كذا يقولك استحالة انا اقلل من كرامتي واشتغل كذا وكذا؟:frown: لا هو حافظ كرامته دلوقت لما يقعد على القهوة عالة على الاخرين ولا يتجوز واحده تصرف عليه ربنا يهدي شباب المسلمين |
موضوع رائع ياتسابيح والله كنت بفكر فيه ..
يجى الولد بقولك ..كل حاجه ليها وقتها الدراسة ..الاول وبعدين الشغل ..نقولو طيب ماشي وبالنسبه للاجازة يقول ..هو كمان مطلوب منى اشتغل فى الاجازة دى راحه من الجامعه والمذاكرة والقرف .. والله بجد ده انت بتتعب دلوقتى عشان ترتاح في الاخر وتكون متحمل المسئوليه .. ميرسي قوى ياتسابيح .. |
" الشغل مش عيب " مقولة بنسمعها كتير اوي وكتير مننا بيرددها :excl::excl:
لكن هل كل اللي بيرددوها مقتنعين بها بالفعل ؟:excl: لا أظن ذلك ! دي ثقافة الشعب المصري اللي تربي عليها وهي أن هناك أعمال دنيا وأعمال عليا وأعمال مقبولة وأعمال مرموقة ;);) وبعدين تعالي نقيس الأمر علي الفتيات واللي دلوقتي شايفة عمل المرأة حق أصيل لها :blush::blush: لو طلبنا من أي فتاة خريجة جامعة انها تشتغل شغالة في البيوت وطبعاً مصر فيها أزمة كبيرة في الوظيفة دي , فهل ستوافق الفتاة ؟؟ بالطبع لا وألف ميلون لا " يعني مليار " :d:d بلاش بقي نقول ان الوضع مختلف بين الشاب والفتاة .... احنا في عصر المساواة زي ما الحريم بتدعي :bosyht9::bosyht9: لو طلبنا من الفتاة الجامعية انها تشتغل في أعمال البناء كما كان يحدث في الماضي ولكن كانت الفتيات أميات , فهل ستقبل ؟:excl::excl: بردوا لأ . لو بنت اتقدم ليها واحد بيبيع جرايد ومعاه مؤهل عالي , حتعمل معاه ايه ؟ أكيد حتديله بالحتة اللي فيها الحديدة " كعب الجزمة " :d:d المسألة مسألة ثقافة ومفاهيم متأصلة في المصريين , وفي كثير من الأحيان يكون الكلام شيء والواقع شيء أخر :o:o |
فعلا في هادي الايام اصبحت كتير العالم يهتموا بالمظاهر واهم شي الشكل الخارجي وما بيهتموا بالجوهر
اهم شي شو لابس ؟ كيف موديل سيارتو ؟ وين ساكن ؟ شو بيشتغ؟ مش مهم حتى لو كان شغلوا حرام والعياذ بالله مش مهم اهما شي انها مرموقة وخلاص فياريت نتخلص مين هادي الامور |
اقتباس:
طيب ايه رأيك تبدأي بنفسك ؟ :d:d أنا ليه واحد صاحبي مؤهل عالي وعنده توك توك بيشتغل عليه وكل ما يروح يتقدم لواحدة ترفض هي وأهلها عشان طبيعة شغله :blush::blush: مع ان أخلاقه كويسة جدا وملتزم دينياً , ايه رأيك ؟:p:p |
اقتباس:
فعلا حاجة مؤسفة بجد نفسنا يفكر الشباب بدل لما ينحرف بسبب الفراغ يشتغل احسن له ويجتهد بس فعلا هي طريقة تفكير ربنا يهدي |
اقتباس:
امه هي اللي بتخاف عليه يشتغل عشان مش يبهدل:d هههههه بجد مهزلة كدا ولا كدا هيتبهدل لازم يتعود كأنك كتبتي الموضوع ياروحي شكراا لك |
اقتباس:
أتفق مع هذا الرأي تماماً . المسألة فعلاً متعلقة بثقافة الشعب المصري وكمان بالواقع !! يعني بالفعل فيه شباب كتير اشتغلت بغير مؤهلها العالي ومع ان شغلها حلال , إلا أنهم يعانون من نظرة المجتمع لهم وخاصة في مسألة الزواج , إلا إذا كانت الفتاة تعدت سن الـ 30 سنة !!!! فيه نقطة أخري أود أن أضيفها للبنات التي تري عمل المرأة حق من حقوقها الأساسية وهو لماذا لا نطالب الفتاة بأن تعمل في فترة الاجازة الصيفية مثلما نطالب الشاب ؟؟!!!!!!! السؤال موجه لمن تؤمن بضرورة وأهمية عمل المرأة !!!!!!!!!! العيب مش في شغل الشباب في أعمال معينة يا تسابيح , العيب فينا احنا كمجتمع وحكومة تصور لنا هذه الأعمال علي أنها دون المستوي والمجتمع اللي هو احنا بيأصل هذه الفكرة ويقويها بشدة !!!! وسبق لي أن طرحت هذا السؤال للفتيات وهو " إذا تقدم لك شاب معه مؤهل عالي ولكنه يعمل في عمل يراه المجتمع دون المستوي , فهل ستوافقين عليه وهل أهل الفتاة سيرحبون به ؟" !!! حينما يجد الشباب هذا الترحيب من الفتيات وأهلهن , ستجدون أن الشاب بعد التخرج سيبحث عن أي عمل مهما كان طالما كان عملاً شريفاً لكي يعمل ويتزوج وينشيء بيت وأسرة , ثم يندم أشد الندم بعد ذلك :d:d |
:frown:
اقتباس:
اقتباس:
أنا رديت قبل كداا بس قفلت الصفحة غلط:frown: فردي هيكون تقريبا نفس الرد ع حضراتكم فقلت اضرب عصفوريين بحجر:d بخصوص موضوع المراة مفيش ادني وجهه مقارنة المراة مهما وصلت لارقي المناصب فهي في الآخر فيه راجل هيصرف عليها سواء ابواها او اخواها او ابنها فهي ايه اللي يخليها تهين نفسها وتعمل في البيوت !!! اكيد يعني حاجة لا يقبلها عقل .. لكن الراجل هو اللي هيفتح بيت وهيصرف ع زوجة حتي لو هي بتشتغل فلوسها من حقها وهو المسؤول عنها فلازم يتعب ويشتغل في اي شغل المهم انه يكون شغل شريف وليس عليه غبار الشغل مش عيب ولا البسيط عيب دلوقتي الراجل اللي بيشتغل احسن ولو كان بسيط ولا العاطل !! الزواج قسمة ونصيب ومحدش بيتجوز زوجة حد ولو نصيبة في المرأة دي فتكون دي ان شاء يكون بيشتغل ايه يعني !! لكن ممكن يكون هو فعلا انسان متدين ويتقدم لواحدها اقل تدين او مفيش دين خالص فهتكون بلاء فربنا نجاه منها وكانت الحجة الوظيفة يبقي يحكم ربنا لان اكيد الخير ربنا مخزنه له ... مثال لواحد اعرفه شخصيا متخرج من كلية الآداب واشتغل في محل قطن !! واتجوز واحدة وبتشتغل مدرسة وهي قمة في التدين والاخلاق وانجبوا اطفال والاطفال من حفظة القرآن من وقت قريب يجي من 3 سنين كدا جاله عمل في الحكومة في وظيفته ولكن بردو فتح محل وبيبع فيه إلي جانب عمله في الحكومة ودي ربنا رزقه بواحدة بجد ونعمة الزوجة ...!!! وبعدين هو يعني لازم يستني لما المجتمع يغير وجهه نظره يعني مينفعش هو اللي بأخلاقة واحترامه يقدر يغير المجتمع انا اعرف واحدة مخطوبة لواحد اقل منها في الدراسة إجابة سؤال الأستاذ علي بترجع للراحة والقبول وليس الشغل انا من راي كدا لو هو فعلا انسان متدين وفيه قبول ..ايه المشكلة !!! لكن لو مفيش قبول ...لا طبعا... الندم دا حاجة لوحدة:d مش هو اللي عايز يتجوز مبروك عليه :d شكراا لحضراتكم |
جزاك الله خيرا
|
اقتباس:
موديل سيارة ايه لسه مش وصلنا للمرحلة دي :d ربنا يهدي شكراا |
اقتباس:
|
| جميع الأوقات بتوقيت GMT +2. الساعة الآن 03:57 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.