لم يعد للصبر مكان
 

اولا اطالب من مشرفي المنتدي الرد

ماذا سنفعل إن لم يحدث التعيين في هذا الشهر ؟

انا اطالب مشرفي المنتدي بان يجتمعوا علي يوم محدد بعده نعمل اعتصام مفتوح علي مستوي الجمهوريه للمطالبة بحقنا ؟

وميجيش عضو يقولي ياستاذ انا سمعت التعيين الاسبوع ده ولا الاسبوع اللي جاي ولا في وسط الشهر وولا اخره كلها مسكنات

انا عايز اعرف الاعضاء اللي بتجيب الاخبار جايبها من اي مصدر احنا بنضحك علي بعض ولا في ناس بتتدخل المنتدي علشان تضحك علينا فوقوا الله يخليكم فوقوا من الوهم اللي انتوا عيشتونا فيه؟

وعلي فكره انا ناجح في الكادر وحاصل علي icdl من اكثر من سنه علشان بعض الاعضاء بتقول اني اللي بيشككوا في التعيين لم يصبهم النجاح في الكاد ر

دي مش نظرة تشائم دي الحقيقه اللي انتوا خايفين توجهوا بيها نفسكم

معك حق احنا عن نفسنا معاك بس يارب تصدقوا فى قولكم لان هنا فى المنتدى الكلام كتير بس مفيش فعل

ده طابع الشعب المصرى احسن ناس تتكلم بس انما فعل مفيش...............لنا الله

واللهى معاك حق مش لازم نصدق كل اللى بيتقال

إخوتي الفضلاء للأسف لا يمكن الحصول على الحق في هذا البلد بسهولة لابد من وقفة فكل هؤلاء الذين يتولون ذمام الأمور في هذا البلد يتعمدون إذلالنا للحيلولة بيننا وبين الوصول إلى حقنا ناسين أنها لو دامت لغيرهم ما وصلت إليهم , متفننين في إصدار القرارات التي تتعب الشباب......... إنها لمهذلة أن المتفوقين وأوائل الدفع في هذا البلد لا يستطيعون الحصول على مكانة تليق بهم , بل نجحت الحكومة في جعل أقصى أمانيهم وظيفة يتقاضون فيها 300 جنيه ولو كانوا في بلد أخرى لرفعوهم على الرؤوس
إخوتي ما ضاع حق وراءه مطالب.......................لابد من وقفة سريعة بدلآ من دفن رؤوسنا في الرمال

مشرفين المنتدي /هم دائماٌ من عملوا بكل جد وإخلاص لوأد أي تفكير أو مخطط لتنظيم إعتصام أو مظاهرة أو إضراب عن العمل وليس هناك دليل أكبر من إعتصام 15/7الذين عملوا ليل نهار على إفشاله وإن ما كنتوش مصدقين شوف الموضوع ال هما مثبتينوه بتاع محمد عاشور من أكتر من شهر بيقول التعيين قرب إبقوا قابلوني مش قبل شهر 3 ع الأقل سلام يا منتدي المشرفين ال بجد شايفين شغلهم صح.....

الرجاء من هذا الموقع غلق منتدي المعلم المساعد لان معظم اللي بيكتبو فيه فشارين وناس ما عندهاش دماغ

لاحياة لمن تنادى
الصمت الصمت الصمت

لا لن نصمت اكترمن ذلك

انا لن اصمت وساكون اول واحد يرفع قضيه ليس علي وزير التربيه والتعليم ولكن علي الازهر مطالبا بالتثبيت وتنفيذ القانون
وانا دلوقتي بجهز في الاوراق للمحامي