|
ماذا تفعل لو كنت مكانى؟؟؟؟؟؟؟
انا معلم مساعد لغة انجليزية أدارة بلقاس التعليمية دقهلية أعمل فى مدرسة تبعد عن منزلى 35 كيلو متر مصاريف المواصلات يوميا 12 جنية يعنى فى الشهر 12 جنية *22 يوم عمل= 264 جنية مرتبى 368 جنية :bosyht9: الباقى من المرتب 104 جنية مصرى فقط لاغير مدرسة فى اخر الدنيا مفيش دروس خصوصية انا متزوج وعندى طفلين صغيرين وولدتى سيدة كبيرة مريضة لاتعمل مصاريف الاسرة من اكل وشرب وعلاج اكثر من 1000 جنية ماذا تفعل لو كنت مكانى؟؟؟؟؟؟؟:(:mad::blush::o
|
نصيحة اخ
مقابلة المحافط فقط فقط فقط ............... هى الحل |
امال انا اعمل اية شغال بالاجر لتالت سنة ومرتبى 128جنية ومتجوز وعندى طفلين وبدرس مادة دراسات اجتماعية يعنى مافيش دروس اصلاا اية الحل
|
الله المستعان على ماتصفون ..............والبركه من عند الله ....وفى السماء رزقكم وماتوعدون.....اخلص فى عملك يبارك الله لك فى رزقك واتقى الله يجعل الله لك من كل هم فرج ومن كل ضيق مخرجا ويرزقك من حيث لاتحتسب .
|
ربنا يفرجهة ان شاء اللة وشكرا على الشاركة فرجة قريب
|
انا هاقولك رايى بس انا عارف انه ممكن يزعلك او تفتكر ان انا فاضى وبتريق بس والله ابدا ربنا قال( هو الذى جعل لكم الارض ذلولا فامشوا فى مناكبها وكلوا من رزقه واليه النشور ) انا لو مكانك هاسيب العقد واشوف فرصه سفر او اشتغل ف مدرسه خاصه مع ان المدارس الخاصه مرتبها قليل انما الدروس فيها زى الفل ومفيش مدرس فمدرسه خاصه مش بيدى دروس دا حتى مدرسين الرسم بيدوا وف الاول والاخر هى كلها بيد ربنا وهو العالم بالحال وربنا يوفقك |
شوف شغلانة تانية غيرها
وبلاش حرقة الدم دى معظم المدرسين مش راضيين عن المهنة دى ارض الله واسعة بس المهم الجرأة فى اقتحام المجهول |
فعلا ياجماعة انا قربت اسافر واسيب البلد ده
|
انا برضو مدرسه انجليزي زيك بس انا ف مدرسه قطاع ريفي يعني بعيده عن بيتي حوالي حاجه وستين كيلو كده
والمواصلات برضو نص المرتب بسىة عندنا القطاع الريفي سناتن بس وبنرجع البلد عادي جدا انت انجليزي ماشاء الله ممكن تدي دروس ف البيوت عادي اعمل اعلانات ع النت وابدا بجيرانك وقرايبك وكده او تنقل ف مدرسه خاصه وخلاص |
انا كنت مدرس بالازهر عقود مميزه من 2007 حتي الان وباخد 340 جنيه في الشهر ومتزوج وعندي طفل وبسافر للمدرسه كل يوم ومواصلاتي 15 جنيه دي مش مشكلتك لوحدك دي مشكله جيل هتعمل ايه زي ماانا عملت من اسبوع استعوضت ربنا في السنين اللي فاتت من عمري هضر للحكومه....ون انهرده مفيش حكومه انا الحكومه...........وعلي فكره انا بدرس رياضيات اعدادي....وبدور دلوقتي علي مدرسه خاصه ....ورزقنا علي الله
|
حاول تقابل المحافظ فعلا او ابعت للوزير ومش تسيب الشغل كمان حاول تدى دروس او تشوف عمل اضافى وربنا معاك
|
اعطوا دروووووووووووووس
|
ربنا معاكوا ويوفقكم يا رب
|
بص يا عم فادى السفر هو الحل بس متفكرش فيه دلوقتى لحد متاخد حقك وتتعين وبعدين سيبها
واما ربنا يكرمك بره وتكبر وتعلم ولادك ابقى تعالى تانى . |
ربنا معاكوا
|
| جميع الأوقات بتوقيت GMT +2. الساعة الآن 10:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.