ارحمونا من ظلم الموجه الاول بحلوان
 

ارحمونا من ظلم الموجه الاول بحلوان
ارحمنا يا سيادة الوزير من ظلم الموجه الاول للغة العربية بادارة حلوان التعليمية فهو ينقل وينتدب الى الثانوى الفنى من لا يدفع له الاتاوة ومن يدفع يبقى فى مدرسته الاعدادى حتى ولو كان هو اقدم واحد فى الادارة يوجد اعداد كبيرة من المدرسين قدامى التخرج والتعين لم يتم تحريكهم من مدارسهم منذ فترة طويلة لانهم يدفعون الاتاوة او الهدايا كما يسميها الموجه اما من لا يستطيع الدفع لضيق ذات اليد برغم انه احدث من كل الناس يتم اخراجه من مدرسته بحجة حاجة العمل اشمعنى اللى مبيدفعش بس هو اللى يترك مدرسته مع ان الدور مش عليه فى الانتداب والذى عليه الدور اصلا ما يخرجش ابعت لجنة يا سيادة الوزير للموجه تحصر كل الاسماء واقدميتهم والمنتدبين منهم والغير منتدبين هتلاقى كلامى صح وخذ لى حقى انا وكتير مثلى علشان نشعر بالعدل فى عهدك وفقك الله لما فيه الخير

ارسل فاكس لمكتب الوزير ومدير المديرية الجديد

مش عارف الاميل او الفاكس بتاعهم يا ريت اعرفهم

قلبك ابيض

احتسب عند الله

الحل بسيط جدا تتوكل على الله وتقوم تصلى الفجر جماعة
وتدعى على الموجه ده لو كان ظالمك وشوف نتيجة دعوتك ايه والنبى تبقى تقولى النتيجة
انا عن نفسى اللى بيظلمنى بعمل كده ودى كررتها عدة مرات ونفعت والله 100فى 100

انا زميلى قال لى إنه دفع للموجه الاول ده 500 جنيه علشان يسيبه فى مدرسته يعنى لو فى الادارة 1000 مدرس يدفعوا 500 جنيه
يبقى الموجه معاه نصف مليون جنيه فى السنة _ حلال ده ولا حرام ؟ بيمصوا دم المدرسين الغلابه فين الوزير من ده كله ؟

حسبنا الله ونعم الوكيل فى الموجه الاول للغة العربية لكل ظالم نهاية ابشر بقرب نهايته إن شاء الله

وعندنا موجه عام برده كده بتاع رياضيات فى محافظة الغربية

الحقونا من موجه ظالم ومفترى
 

موجه عام الرياضيات بالغربية بيبدهل المدرسات ويشحططهم وهذه سعادة بالنسباله وربنا على المفترى

اقتباس:

المشاركة الأصلية كتبت بواسطة محمدعلى2 (المشاركة 2813021) انا زميلى قال لى إنه دفع للموجه الاول ده 500 جنيه علشان يسيبه فى مدرسته يعنى لو فى الادارة 1000 مدرس يدفعوا 500 جنيه

هذا كلام كذب ولا صحة له على الاطلاق واتحدى اي شخص يثبت أن هذا الموجه أخذ مليم من مدرس لنقله انا مدرس وأعرف هذا الرجل ولكن ليس معرفة شخصية أو لمصلحة فليس لدي مصلحة عنده ولكن كل الكلام المذكور عنه ظلم
وطالما أن الأخ العضو ذكر جملة موجه أول اللغة العربية بحلوان فكل من يدخل على الموقع وخاصة من حلوان سيعرف من يقصد وفي ذلك إساءة بدون دليل

اللى ما عاشرتوش تبقى ما تعرفوش وانت بتقول انك ماتعرفوش شخصيا فكيف تكون متاكدا من نزاهته ؟ خاصة وان الكثيرين يقولوا عكس ذلك وان عمله تشوبه الشبهات و انه لا ينتدب المدرسين بحسب الاقدمية المطلقة ولكنه يمييز ويفاضل وينحاز لناس على حساب ناس ( اكيد مش لوجه الله ) وإن كان بينتدب عشوائى من غير نظام فده ظلم شديد وفساد للتعليم ويجب عليه ترك مكانه لمن يحسن تنظيم العمل بدون ظلم لاحد وقديما قالوا (مفيش دخان من غير نار )اكيد هو مخطئ يجب الاعتراف بذلك

الموجه الاول بحلوان انا اعرفه من زمان ايام ما كان بيوجه على فى المدرسه وكان ظالم وضحك على وقالى هتروح سنه واحده فى الثانوى وبعدين ترجع الاعدادى تانى ثم تركنى كذا سنه وكنت خايف اديله فلوس ليعمل فيها شريف ويكسفنى يا ريتنى اديته من زمان ووفرت على نفسى السنين اللى ضاعت من عمرى الله يسامح الموجه الاول وينتقم منه ويولى من يصلح بعده

انا سألت زميلى وحلفته وأكد لى أنه دفع فلوس للموجه الاول علشان يسيبه فى مدرسته وطلبت منه ان ازكر اسمه لكنه خاف من بطش الموجه وظلمه وقالى إنه هيوديه وراء الشمس لو قال حاجه وحلفنى الا اقول شئ علشان كده انا هاسكت والله حليم ستار ( بس نفسى الموجه يقسم معايا الفلوس اللى بياخدها من الناس )

يا اخويا كلهم كدا
ربنا عليهم دا الموجه شغلته مش التوجيه على المدرسين
لا شغلتهم اكتشاف العيوب و فضحها وعمره ما بيقف مع المدرس بتاعه
وحسبنا الله ونعم الوكيل
أصلهم كلهم يا اخويا اصلا بدون مؤهلات
ولو فيهم حد بمؤهل بيكون دبلون متوسط
ومرة اخرى
حسبنا الله ونعم الوكيل

لا داعي للزعل واحتبه عند الله