انا متحيرة وخلاص دماغى هاتطق(ساعدونى)
 

انا بجد متحيرة جدا جدا جدا
ومش عارفة اعمل ايه
انا هاقول لكم مشكلتى وانتم حاولوا تساعدونى بجد
انا بعشق حاجة اسمها رسم وماقدرش اقعد يوم كامل من غير ماارسم
وانا بحب رسم الاشخاص اكتر من رسم المناظر الطبيعية
وكل شوية اسمع ان رسم الاشخاص والحيوانات حرام ودول اسمهم مصوريين وربنا يوم القيامة بيقولهم احيوا ماصنعتم
وانا مش عارفة اعمل ايه دلوقتى
وانا نيتى خير فى الرسم يعنى مش برسم علشان اى حاجة انا برسم لان دى هوايتى
ومن ساعة ماسمعت كدا وانا ماعدتش لى نفس ارسم اى حاجة
ارجوكم ساعدونى

بصى انا مش مفتى ...

ولكن ( انما الاعمال بالنيات ) واحنا ربنا ادانا موهبة لو استخدمناها فى شئ حرام فطبيعى هيبقى رسمنا ده حرام .. ولو استخدمنا الموهبة دى فى شئ مش حرام أكيد رسمنا هيبقى مش حرام ...

و انا وجهة نظرى ان مدام بنرسم حاجة ماتغضبش ربنا يبقى الرسم مش حرام .. وبرضه ان نيتنا تكون سليمة ومش قصدنا نصور الحاجة اللى خلقها ربنا ..

فاهمة والله
بس مش عارفة باردوا اعمل ايه وانا بقول كدا كتير لنفسى بس بحاول لو رسمت اشخاص مثلا مش اكمل الجسم كلة او كدا
بس يارب مايكونش حرام علينا

شكرا جزيلا للاهتمام بموضوعى
وكل عام وانت بخير

بصى يا سوسو انا كمان بحب ارسم اشخاص بس وبتهيقلى ان الاستاذ محمد حليم رايه صح لكن انا مش عارفه بس انا نيتى بتبقى خير ومش قصدى خالص انى اقارن رسمى بصنع الله ( لا سمح الله)

بصى يا محبه ما دام مبنرسمش حاجة غلط او حرام يبقى مبنعملش حاجة

حرام فى حاله :

لو رسمتى لوحة مثل بوترتريه لشخص ما او هكذا وعلقتيها


لو الرسم حرام يبقى ايه لازمتها اننا نرسم ونحبب بعضنا فى هواية زى دى

هو ده اللى اعرفه وهسالك بردو فى الموضوع للتاكيد

مانا باردوا بقول
لو ان الرسم حرام ليه ربنا ادانا الموهبة دى
ياريت بجد تسالى لى
معلش انا تعبتكوا معاى بس والله من ساعة ماسمعت كدا وانا مارسمتش ولا رسمة
شكرا على اهتمامكم

عندى الحل
 

طبعا لا جدال ان الموضوع حقا حرام ومش كل موهبة ربنا ادهالنى نستغلها فى الحرام وبعدين طيب ما ادينا ممكن نشتغلها فى حلال وممكن نسغلها فى حرام مش معنى كدة ان ربنا مكنش يديهالنا بقى لا ارسمى اى شىء بعيدا عن الاشياء اللى فيها روح وابدعى بقى للمزيد ( ممنوع وضع ايميلات أو أرقام موبايل )

هو انا برضه بطلت ارسم اشخاص عشان الموضوع ده
لكن لقيت حل الي حد ما اقنعني لاني سألت مدرس الدين بتاعنا عليه
بدأت ارسم شخصيات كرتونية
و هي طبعاً مش بتشبه في الغالب شكل الانسان الطبيعي المجسم
و الاستاذ قالي مفيهاش حاجة
علشان كده كملت في المجال ده
يمكن ده يكون حل يساعدك

اه مانا برسم الكرتون والحاجات الخيالية
والمشكلة انى مش بعرف ارسم مناظر طبيعية
لاكن بحاول ارسم مثلا انمى كارتون حاجات مش حقيقة
وحتى لو رسمت حاجة حقيقية مش بكملها يعنى راس بس او عيون بس او لحد مثلا البطن ماعنتش بكمل لما عرفت الموضوع
ووبجد جزاكم الله كل الخير
لكل اللى ساهم فى الموضوع وانتو كدا شجعتنونى انى ابدأ فى الرسم تانى واحط باقى رسوماتى
:)

ممكن يكونو قصدهم على حاجة تانية مش دى


ومتخافسش بدام نيتك خير خلاص

واستمرى فى رسمك

ميرسى.......
:))
(^__^)
+__=

انا هقولك الى انا اعرف
والى انا سالت فيه شيخ
لان دى مشكلتى انا كمان

رسم الاشخاص الى فيها روح حرام

من ساعه مسمعت كدا وانا مبقتش ارسم اشخاص

كل رسوماتى بقت انمى واشخاص كرتونيه الى بتتعرض على قنوات الاطفال زى تومى وجيرى وسندرلا

وانا نفسى انمى موهبتى اكتر من كدا

فى بدات ارسم فى المناظر الطبيعه

وحولى انتى كمان ترسم فيها

لان رسم الاشخاص فى الحاله دى ملهاش دعوه بالنيه

تقبلى رائى

ممممممم
انا عنت لما ببقى عايزة ارسم اشخاص برسم وش بس او حتى ماكملش الجسم
ومعظم رسوماتى كرتون وانمى انا كمان
بس الايام دى اتنقلت لرسم الاشخاص اكتر
ولما سمعت انها حرام
ماعنتش برسم خالص
وبدات من النهاردة يجى لى هوس الرسم وعايزة ارسم وخلاص


شكرا على رأيك

ما هى المصيبه ان الرسم ده حاجه جميله جدا ومنقدرش نستغنى عنه

طيب انا هاقولك حاجة
لو كان الرسم حرام يعنى يبقى ليه ربنا اداكى وادانى الموهبة دى ؟
اسألى نفسك السؤال دا