المباراه التي ينتظرها الجميع مباراه الشياطين والملائكه البيضاء انت شايف ايه
 

السلام عليكم ورحمه الله وبركاته


الموضوع دا يا جماعه اصبح موضوع جماهيري وحاجه كدا زي قضيه راي عام يبقي لازم احطه هنا يوم الاتنين ستجري انشاء الله مباراه كره القدم مابين الزمالك والاهلي رقم 100

اوكيه

بالمناسبه قبل ما ابتدي مفيش ولا قناه زاعت ماتش الزمالك كل الاهلي والمقاولون ياجماعه ازاي يكون في قناه دريم1 ومودرن سبورت والمصريه والقناوات الارضيه كمان مفهاش غير الاهلي يعني الناس دي بتتجاهل تقريبا 20 مليون مصري زملكاوي دا الله اعلم كام عددهم يمكنم اكتر

وياريت ماتش الاهلي حلو كدا دا كان باهت الاداء ولا كانها كوره المهم مش مشكله هي اينعم حاجه تحرق القلب بس مش عارف يعني طول رمضان علي هذا الحال ولا ايه



المهم نيجي لملابسات مباراه القمه

دي القمه رقم 100 طبعا زي ما انت عارفين

الاهلي خامس الدوري جلبرتوا لن يستطيع لعب المباراه باكملها لانه اجري كشفا طبيا ياكد انه لا يستطيع لعب مباراه كامله مما وضع جهاز النادي لاهلي في ورطه ودا تفسير يا جماعه للي حصل الماتشات اللي فاتت المهم الاهلي في استعداد جاد لانها تقريبا مواجهه حاسمه بين الفريقين وتعتبر في حد زاتها بطوله خاصه الاهلي يبحث عن بديل لمحمد وقثي في خط النصف ويسعي عماد متعب للعوده بمستواه الذي غاب عنه التوفيق الفتره السابقه ومكن المنتظر ان يلعب الاهلي بتشكيل مكون من


عصام الحضري بحراسه المرمي -امامه عماد النحاس وشادي محمد ورامي عادل وفي الجهه اليمني من المنتظر ان يلعب اسلام الشاطر وفي الجهه اليسري احمد شديد علي ان يلعب جلبرتوا في الشوط الثاني حسب رؤ يه الجهاز الفني وفي وسط الملعب انيس بو جلبان وحسن مصطفي وفي الهجوم عماد متعب وابوتريكه وفلافيو

وبردوا انشاء الله هيخسروا


المهم نادي الزمالك العظيم الكبير المعظم مدرسه الفن والهندسه اصل الكوره زي ما بيقولوا


سيغيب عنه هذا اللقاء بشير التابعي لحصوله علي الانذارين وهناك احتمال لمشاركه تامر عبد الحميد لاقترابه من امتثال الشفاء

ومن المحتمل ان يغيب جمال حمزه عن اللقاء لخلافه مع الجهاز الفني وعدم التزامه بالتعليمات

ومن المنتظر ان يلعب الزمالك بتشيل مكون من

الحارس العملاق محمد عبد المنصف وفي خط الدفاع يلعب محمود فتح الله نجم خط دفاع نادي الزمالك ومنتب مصر وصمام الامان وامامه وسام العبدي نجم منتخب تونس وكريم زكي عمود نور النادي المصري اصدي نجم دفاع الزمالك وفي الجهه اليرسي احمد مجدي بيه والجهه اليسري احمد غانم بيه سلطان باشا

وخط النصف علاء بيه عبد الغني ربنا هيكرمه بعد الماتش ويبقي بشعر انشاء الله دا لو لعب حلو ومشلناش وجمبه اثنين ما بين محمد ابو العلا او دونجا تامر عبد الحميد اوعي يلعبوا باحمد عبد الرؤوف دا عينه ضيئه ومبيشفش المهم وفي الامام ا

النجم الاسمر الجميل اللي لاعبوا الاهلي بيقولوله يااسمر يا اسمراني لما بتنزل بتدوخني

المهم وامامه القاطره البشريه والمدفع عمرو زكي ربنا يكرمه والعضو عمرو عادل ميخشش يقر ليه وجمبه مصطفي جعفر انشاء الله اوعي يلعبوا عبد الحليم علي قال عصفور قال دا جمل والله المهم

انشاء الله الزمالك يكسب نفسي في كتييير بس اهم حاجه يكسب يارب دنا مش هفطر غير يوم الماتش





اما بالنسبه للحكام هما عارفين ان الحكام المصرييين لسه معندهمش الفكره فهيجيبوا حكام اجانب كالعاده استقدموا حكام من بولندا وانجلترا واسبانيا وجاري الموافقه علي واحد منهم



معلش يا جماعه محدش يزعل من اي حاجه في الموضوع وعزرا اذا كان هناك اي خطا مطبعي


المهم انت شايف ايه بالنسبه للماتش مين يكسب

ميه الميه الموضوع مكانه مش هنا
الزمالك فرصه اكبر فى الفوز
لكن اتمنى الأهلى يكسب

شكرا اولا بس والله دا مكانه لازم هنا لانه مبقاش حدث رياضي بس وبعدين انا زكرت دا سلفا


ودانكي تاني لمرورك

عندما تكون كره القدم هى الماء والهواء الذى يتنفسه شعب بأكملة
فيجب أن يكون ذلك الشعب متخلفا

تيت تيت اهلي
الاهلي ان شاء الله كسبان
وان كنت نسيت افكرك ببيبو ... اربع اجوان والخامس كان هيجيبوا

شكرا يا ميدو
شئ مؤكد ان الزمالك حيفوز

بس الموضوع مكانه مش هنا
ياريت المشرف ينقله بس :d

المفروض اني اعمل ايه دلوقتي وبعدين يعني انت جي علي الحاجه الوحيده اللي بيفرحوا فيها الناس الغلابه دول وتقولي مش عارف ايه محنا عارفين انهم بهايم ومتخلفين عارفين خلاص استريحت كدا وبعدين انا مسمحلكش تتكلم عن الشعب دا كدا اوك مش مسلمين دول

تيت تيت اهي ماشي هتشوفي يوم الماتش وابقي خشي بعد الماتش وهبقي افكرك قال اهلي قال وبعدين دا كان ماتش وبظروفه وخلاص

المهم انشاء الله الزمالك يفوز يابنتي احنا صل الكوره

وجزاك الله خيرا لمرورك

ليه يابني مش مكانه هنا دي حوارات عامه والكوره اظن انها كدا

وبعدين شكرا يا اخويا يا زملكاوي هات بوسه

خلاص ياعم نقعد الليل والنهار نكلم فى الكورة
ونسيب البلد تبوظ
دى وجهة نظر يامان مش أكتر

ان شاء الله الزمالك يكسب
مع اني مش بحب الزمالك والاهلي

بس مش بحب الاهلي اكتر


بورسعيد مش بتحبك يا اهلي

يا مراحب ازيك يا جميل ايوا كدا يا ولد هو دا انا احب دا واموووووت في بورسعيد بجد انا كنت لسه عندكم امبارح في الشارع التجاري كدا فسحه بس انا بحب المصري كمان وايوا كدا وشكرا للمرور

طيب لو الزمالك كسب هعزمكمك كلكم على حاجة ساقعة في قهوة الثانوية اللي فاتحها يوري وعلى حساب يوري

ولو الاهلي كسب هتعزم انت الناس كلها على حاجة ساقعة من عند يوري وهتدفع انت

متخافش يا يوري هما اللي هيدفععوا لان الاهلي ان شاء الله كسبان

انسى خااااااااالص موضوع ان الاهلى يكسب دى حاجه عمرها ما هتحصل الزمالك فى احسن حالاته و هيصدم الاعلام و الاتحاد الاحمر ان شاء الله اسطورة الاهلى على راى الناس رغم انى مش شايف كده فى انهيار من يوم ماتش السوبر اللى كسبتوه ببركة دعا الوالدين و بعدين انتى بتتكلمى عن بيبو و فرحانه بيه اوى شوفى بيبو ده بقى فين الوقتى و الاهلى عمل فيه ايه وداه ورا الشمس و بقى بيلعب فى اسوأ الفرق

انا عايز الحاجه الساقعه تكون بيبسى :p

هو الزمالك ممكن يكسب ف حالة واحدة ...

عارفين ايه هيا ؟؟!!!
.
.
.
.
.
.
.
.
.
.
.
.
.
.
.
.
.
.
.
ف المشمش :p:p
ويوم الاتنين مش بعيد
ويا فضيحة النهاردة بفلوس .. يوم الاتنين تبقي ببلاش

وشكرا ع الموضوع