|
رحلة في محل ملابس للبنات ..!!
السلام عليكم ورحمة الله وبركاته إمبارح واحدة قريبتي قالت لي اننا نخرج انا وهي والقرايب والحبايب :dنشتري هدوم شتوي وكمان للعيد بئا :blush: المهم النهاردة خارجنا في أمان الله وطبعا هي اصغر مني بسنتيين دخلنا أول محل حاجات ياخراشي ع المسخرة !!:angry2:وقلة القيمة:bosyht9::bosyht9: اصلا مش لبس بناتي دا لبس أطفالي ... كل لما ندخل محل نلاقي نفس اللبس المسخرة دا بجد قمة في التخلف والانحلال ...:slap1qk6::slap1qk6: هدوم اصلا هي تتكسف تقعد بيها في البيت... فهي قالت :اخوية الكبير جبنا له تي شيرت وبنطلون ومش تعبنا التعب دا ما تيجي اجيب هدوم اولادي واريح دماغي:d اكتشفنا انها مش فكرة لذيذ:d واحنا بنتفرج طبعا لان الحاجات دي اكيد للبيع ولكن للأطفال او الناس اللي مش بتكسف ... والله واحدة اكبر مني ومنها لابسة بضي بس شتوي حقير ضيق جداا بصراحة انا كنت محرجة لها ... المشكلة مش في حد المشكلة ان نوع الملابس دي هي اللي الناس بتلبسها والعملية عندهم عادي جداا ولا فيه أدني مشكلة !! المهم انها شافت بردو تشيرت فاللي معانا بصراحة كانوا مقتنعيين ان اللبس دا حلو ودا اللي البنات بتلبسه واتخن منها ولبسيين زيه وعادي بئا !! وانا اللي معترضة ... فواحدة قالت لي: بصراحة انت معقدة تصدقوا اني اكتشفت اني معقدة :d ع العموم احنا في عصر العجب بجد الحاجات المحترمة دا انقرضت ورجعنا بخفي حنيين ومش اشترينا هدوم أصلا... وقالت لي:تصدقي انا نفسي والله اتنقب واريح دماغي... والبنت اتعقدت وانا كنت هيجيلي شلل أطفال ع كبر بس شربنا في النهاية عصير قصب :d احنا البنات لينا الجنة الصراحة طبعا عمر الشباب ما يعاني المعاناة دي:stickjo4::stickjo4: بصراحة فعلا يعني لبس اسغفر الله العظيم مش يتلبس!! والمصيبة الناس بتشجعوا انها بتشتريه!! ضيق وحقير وقصير !! فيه ايه اقوله اكثر من كداا وازاي واحدة مسلمة تلبس اللبس داا...!! وازاي راجل يسمح لبنت ولا لزوجته انها تمشي كداا... وازاي الناس مش بتتكلم ع المصيبة الكبيرة دي.. بجد اوحش لحظة في حياتي يوم لما اخرج اشتري هدوم او اروح مع حد ببقي عايزة اعيط..:006et4::006et4::mad:. مش بنلاقي حاجة ...كله هدوم مسخرة !! كلمة مسخرة أقل كلمة اعبر بيها عن اللبس دا... وكنت فاكرة ان مصر فيها لبس محتشم شوية لقيت اللي عندنا كثر احتشاما مقارنة باللبس ف مصر:p |
اقتباس:
فصلوا ملابس يا بنات وبلاها الجاهز !!! |
بردو المشكلة دى بتواجهنى انا كمان وانا رايحة اشترى الهدوم بصراحة حاجة بقيت فظيعة الهدوم ضيقة جدا ويقولولك قال ايه دى موضة السنة دى:o انا مش عارفة البنات بتلبس الهدوم دى ازاى:o ولو مثلا كلمتى بنت وقلتلها انتى بتلبسى كده ليه هتقولك دى حرية شخصية:angry2: ومش عارفة كمان ازاى الاب يخلى بنته تنزل من البيت بالشكل ده ما أصل زى ما بيقولوا الرجالة ماتو فى 73 والله يرحم زمن الرجولة وكمان الامهات ليها اكبر دور والمفروض تحافظ على بنتها وتنصحها وتوجهها المهم التربية أومال يعنى ايه تربية اصلا؟؟ دنيا عجب فعلا |
اسكتي يا تسابيح انا لسه من شويه جايه من بره.........وبرده كنت بشتري لبس
وللاسف مجبتش حاجه......:blush: وتصدقي بالله مع اانه لبس موضه بس مقرف ....وللاسف الاغلبيه كدا ومعظم المحلات كدا .. نادر لما تلاقي لبس شيك ومحترم في نفس الوقت بصراحه انا بحسد الاولاد ......:confused: شكرا تسابيح وحشتني مواضيعك |
اقتباس:
وحضرتك طيب ....... اقتباس:
لا مش هي اللي كانت بتقول لي حاجة اصلي احنا كنا ثلاثي:) الثالثة اخر ما زهقت لاننا تقريبا دخلنا كلنا المحلات وانا بقولهم لا ضيق ..قصير ..وحش ... وكل لهم كل العبر.. راحت لما زهقت انت معقدة ... اقتباس:
صراحة كانوا بيقولوا انها هدوم للأسف خروج ولا تتلبس اصلا في البيت !! اقتباس:
والله هي اخر ما زهقت قالت لي كداا دا حتي العبايات السمرا بقت ضيقة ومجسمة !! بصراحة حاجة تجنن ... انا بجد بيبقي هيحصل لي حاجة المشكلة ان فيه ناس بتتخلي عن مبادئها وقيمها ولبسها وتقول هو دا اللي ماشي!! دا اكثر حاجة بتغظني !!! |
اقتباس:
موضة ايه بس ربنا يسامحهم.... وبنات نفسي افهم البنات دول بيلبسوا الهدوم دي ازاي ضيقة جداا !!! دا الطفلة تتكسف تلبسها !! يابنتي الهدوم دا اساسي مش تتلبس في البيت فمابالك انها تخرج بيها!! هي دي المشكلة!! بجد مش عارفة ازاي مفيش راجل يقول لمراته ولا لبنت لا مش تلبسي المسخرة داا!! يابنتي دا فيه رجالة بيشتري لمراته اللبس دا!! الله يهدي |
اقتباس:
مقرفة حتي كلمة قليلة ع اللبس دا!! انا خلاص بجد اعصابي تعبت من اللبس دا والمصيبة ان المحلات مليانة ناس وبتشتري!! كلنا بنحسد الاولاد ياحبيبتي:d ............ ربنا يخليكي انت اللي وحشتيني:blush: |
وكأنك قاعدة فعقلي ياتسابيح :d انا المشكلة ديه بعاني منها كل ما انزل اشتري ببقى عارفة فعقلي الباطن اني هلف لحد مارجلي تتكسر و فالاخر مش هطلع بحاجة !! ولسة قريب نزلت لفينا انا وماما وكل مانشوف حاجة ياضيق ياقصير يامش ينفع يتلبس فالبيت زي ما بتقولي وما بالك ببرة بئا !! وياإما الكم نسيين يخيطوه:d وعشان نتدارك الموضوع بنلبس البدي ده !! وطبعا مرفوض الدراع كله كأنه مكشوف ( انا متغاظة اوي والله من النقطة ديه / لقيت بلوزة جميلة ولونها حلو وواسعة بس للاسف الكم نسيوه !!):angry2: والله الواحد بئا مش عارف يعمل ايه وكل ما انزل وارجع اطلق عباراتي الشهيرة " يالتني ولد وريحت نفسي وماما " :( اخويا بينزل يوم واحد نص ساعة يكون مخلص هدومه وكلها عشرة على عشرة بس والله العيب مش من ال بينزل الحاجات ديه العيب من ال بيشتريها لانه بكدة بيعمل ليها ترويج وبالتالي بيزيدوا الانتاج بتاعها لو اننا كلنا مش اشترينا هتفضل عندهم وغصب عنهم هيبطلوها ويعملوا حاجات محترمة لكن ال بشوفه العكس معظم البنات بتتنافس في شرراء الحاجات ديه ربنا يهدي بجد ويحنن قلوبهم ويعملوا هدوم عدلة لاحسن الواحد شكلو هيبطل ينزل يشتري حاجة:d |
اقتباس:
يابنتي عندك حق والعيب في اللي بيشتري الحاجات دي أنا فاكرة وانا في اولي اعدادي كان الهدوم حشمة جدااا دول حتي الجيبات مش بقت محترمة جيبة سمكة وجيبة رجل فيل ورجل كنبه ههههههههه وجيبة ضيقة نازلة ع واسع احنا نتجمع وع الكورنيش وننتحر ونريح نفسنا:mad: نورتي ياجميل وكل سنة وانت طيبة :blush: اشتريتي هدوم العيد ههههههههههههه |
فعلا والله انت عندك حق في كل الكلام ده
انا بردو اتعرضت للموضوع ده اول مانزلت من السعودية واتصدمت من اللي شفته فقررت اني البس اسدال لكن اسكتي بقى على الكلام اللي سمعته انتي لسه صغيرة ليه تكئبي نفسك!!! ايه يابنتي السواد اللي انتي عايشه فيه ده (هو عندكم حد ميت) وغير النظرات والتريقة بس الحمدلله انا ثابته ومقتنعة بده وشكرا على الموضوع الجميل |
ربنا معاكم بجد ... بس ده وان دل فبيدل على انكم ناس محترمة بصراحة .. ربنا يعنيكم و نفتح محلات ملابس للمحتشمات فقط ..
شكرا يا تسابيح على الموضوع الجميل ده .. وكل سنة وانتى طيبة ... |
ده انا كنت ناويه انزل واشتري لبس العيد ..بجد الحمد لله انى شفت الموضوع ده قبل ما انزل بدل مالف على كعوب رجليا وفى الاخر مالاقيش حاجه .محترمة ..تليق بالبنت المسلمة...
لا حول ولا قوة الا بالله..الناس جرالها ايه ..ربنا يهديهم ياارب ,, شكرا ياتسابيح ع الموضوع ..وشكرا عشان وفرتي عليا النزول ..:d وكل سنة وانتى طيبة ياجمييييييل ..;) |
موضوع واقعى وجميل يا قمر
بصى يا حبيبتى دلوقتى اللى عايز يجيب لبس محترم يبقى يفصل احسن اللبس ده افكاره غربيه اوروبيه عفنه وللاسف فى بنات كتير بتشتريه موضه خيبه ربنا يهدى كل بنات المسلمين امييييييييييييييييييييييييييين |
اقتباس:
ربنا يثبتك يابنتي ودا العادي مع اي حد بيلبس محتشم حتي الاسدال دا فيه ناس بتفنن فيه وبتخليه يجسم وفيه اسدال بيبقي قمة في الاحتشام نا ليه اصحابي بيقولوا يابنتي ريحي مخك ولبسي الموجود وبعدين كل البنات بتلبس كدا هي جت عليكي!! معلش احنا في عصر الفتن دلوقتي قلة القيمة احتشام والاحتشام تخلف... |
اقتباس:
اه ع المعاناة بجد:mad: ربنا يهدي الناس وتبطل تشتري عشان مش يشتروا الهدوم دي تاني !! وانت طيب وعيد سعيد عليك ان شاء الله |
| جميع الأوقات بتوقيت GMT +2. الساعة الآن 09:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.