|
فتاه احلامي
فتاه احلامي
ـــــــــــــــــــــــــــــ الموضوع كبير يا جماعه كل لما اكلم واحده وارغي معاها كتير واثبتها بكلمتين حلوين وحته شعر جامده من بتوعي!! الاقيها بتسأل ايه مواصفات البنت اللي عايز ترتبط بيها ؟؟ ..فتاه احلامي بتاعت القدام دي انا هريحكم واريح نفسي...وهقولكوا علي مواصفات فتاه احلامي خدوا عندكو... اول حاجه ..لازم تكون جايبه اكتر مني في ثانوي"علما بأني كنت جايب وبلا فخر 99.5%"واحد مش مريح نفسه هيسأل ليه كده يا عم ؟؟!! ده كده هتبقي اشطر منك وممكن تتنك عليك هرد بكل بساطه واقوله هي شايفه نفسها كده بس انا عايز ارتبط بيها لغرض اني اذلها بمعني انها لما تعرف طبعا ان قدراتي تفوق قدراتها بمراحل هتعرف ان مجموعها ده ولا حاجه ويبقي بقي تبل شهاده التقدير اللي سلمهالها سياده الوزير وتشرب ميتها !!! الحاجه التانيه بقي...لازم تبقي مزه جامده طحن فحت يعني كل واحد يشوفها لازم يعاكسها وش !! واحد بقي ..نفس البني ادم اللي فات ..مش عارف بيتدخل في حياتي ليه ؟؟!! طب ليه يا عم تبقي حلوه اوي كده والناس يعاكسوها ..كده هتتعبك معاها وكلام من الفاضي ده هرد عليه بكل بساطه..يا عم الرزيل السئيل انا بردو عايز كده لغرض واني اغيظ امثالك ..ده اولا !!وتاني حاجه ..اني اذلها ..اكيد هتبقي مغروره بحلاوتها وقال ايه فاكره نفسها احسن مني !! هتقول ازاي ؟؟!! ما انت رخم هقوله : يا حمار افهم ...انا هقعدها في البيت وبالتالي مش هسمحلها تشوف نفسها وتتمتع بمعاكسه الناس ليها !! الحاجه التالته بقي: لازم البت دي تكون في كليه طب رغم اني اشك اني الاقي المواصفات دي عند واحده في كليه طب الرخم هيسألني يعني انت بذكائك عايز واحده جايبه 101% تكون جامده طحن ازاي ؟؟...لازم تكون لابسه نضاره وعاديه يعني هرد عليه ..وانت مال امك انت .. وهكمل الموضوع عادي بغض النظر ان كلامه منطقي جدا قولنا لازن تكون في كليه طب -هيسأل- ارغي يا عم الامور وليه يا عم مالهم بتوع صيدله ولا هندسه علي الاقل فيهم مزز ومش دحيحه اوي واشطه يعين ..فل يا ريس هقوله:بصراحه انا مش هرد عليه المره دي لاني اتخنقت منه !! بس هقولكوا انتوا: بصوا بقي هي لما تبقي في طب ..هتفضل تدح وتذاكر زي اي بنت في الدنيا كلها !!وفي الاخر تدخل اي قسم basic زي اي مدرسه وانا مش هبقي بذاكر ومقضيها طناش وتظبيط ودلع في الكليه وفي الاخر ادخل قسم clinical واشتغل واكسب احسن منها ساعتها هتتغاظ اوي وهتتذل كالعاده وابقي انا المسيطر عليها العادي بتاعي بردو!! وليه يا عم بس الغل ده وايه المواصفات الصعبه دي بس؟؟ طلعلي من فين ابن .....ده؟؟ هرد علي اهله طبعا واقوله ..هما اللي اضطروني اني اقول مواصفات فتاه احلامي ..يشربوا بقي !! بعد لما رديت عليهم وافتكرت اني ريحتهم وريحت نفسي ..لقين نفسي بكلم واحده وبتسألني السؤال المعروف ممكن تقولي ايه مواصفات فتاه احلامك يا اخي ...!! |
hhhhhhhhhhhh gamda gdddddn ya dr :-D
|
غرور ده والا ايه ده :confused:
|
اسمحلي اقول رأيي في الكلام التافه اللي انت كاتبه ده"متخدش الكلام انه عليك ..انا بتكلم علي اي حد يقول الكلام ده":
1- مستحيل واحد يكون عنده نسبه ضئيلة من الذكاء يقول الكلام ده 2- اكيد اللي يقول الكلام ده واحد معقد نفسيا 3-اسلوبك وطريقتك في الكلام تدل علي انك انسان غير مثقف بالمره 4- مش معني انك جايب 99.5% يبقي انت ذكي ..ممكن تبقي بس عندك قدره علي الحفظ 5- بسم الله الرحمن الرحيم "ان الله لايحب كل مختالا فخورا" وقال الرسول: "لا يدخل الجنة من كان في قلبه ذرة من كبر" وفي رأيي اللي ميسمعش كلام الله والرسول يبقي اغبي انسان علي وجه الارض |
ههههههههههههههههههههههه
اية الكلام دة هنا موقع تعليمى مش دكتور نفسي ههههههههههههههههه |
والله يا مس انجلي
كلامك 100% صح |
اقتباس:
عاوزة اسال بس الاول اللى كاتب الموضوع دا جايب 99.5% فعلا ولا......... حتى لو جايب مين قالك ان واحدة بالصفات اللى انت كاتبها دى هتقبل بيك اصلا ولا لأ اكيد هتبقى ذكية وهتشوف عيوبكالكتير اللى واضحة من كلامك دا اوكى بلاش الغرور نهايته مش حلوة خالص:039uw8: |
يا معلم اطلب اللي انتا عاوزه وسيبك من الناس ده لان مفيش واحده منهم عندها نص المواصفات عشان كده هما بيقولوا الكلام ده
|
اقتباس:
ههههههههههههههه فعلا شر البرية ما يضحك اول مرة اعرف ان لسه في الناس عندهم هذا المستوي المتدني من التفكير وفاكرين نفسهم اذكياء فعلا من ظن انه علم فقد جهل... ومن ظن انه ذكي فهو اغبي الاغبياء |
اقتباس:
انت ممكن تقول مواصفات زى ما انت عاوز ومفيش حد هيسال فيك دلوقتى البنت هى اللى ليها الحق تختار و تقول اة او لا وانت هتقبل رايها غصب عنك وعاى فكرة ما اظنش بعد كدا ان حد من الولاد ممكن يوصل لمجموع زى دا الحاجات دى بقت للبنات بس وانا بقول كدا لانى عندنا فى مدرستنا والحمد لله مفيش ولا ولد بيجيب مجموع كويس ودا فى ال 3 مرحل على فكرة:p:av4056bb7jp3: |
وعلى فكرة انا بطلع الاولى على دفعتى من 5 ابتدائى لحد دلوقتى
ودا رد بس لكلامك( مفيش واحدة فيهم بتجيب مجموع زى دا) |
هههههههههههههههههههههههههههههههههه يا جماعه الكلام ده كله هزاااااااار
بمعني ان احنا لما نبقي قاعدين في الكليه ومورناش حاجه ..بنفضل نهيس مع بعض انا وصحابي ومره اتكلمنا في موضوع فتاه الاحلام ده وده ملخص التهيييييييييييييييييييييييييييييس :D:D:D:D:D:D just for fun smile..it is free !!! |
السلام عليكم
يا جماعة ده منتدى تعليمى مهم ياريت الموضوعات اللى ما لهاش لزمة تتحذف مباشرة طالما ملهاش فايدة ده مضيعة للوقت شكرا لكم |
انت بتتريق علا خلق الله وبتقول just for fun ?
حسبى الله ونعم الوكيل ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،، والكلام ده كله بقا علا اساس انك مين احمد زويل مثلا !،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،، من ظن انه الازكى فهو اغبى الناس !!،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، وعلا فكرة احمد زويل زات نفسه مرة قال ان اللى بيشكر فى نفسه وبيقول انا زكى وانا وانا فهو يبقا غبى !!،،،،،،،،،،،،،،،،،،، وحتا لو زى مانت بتقول انك واخد الموضوع هزار فبرده ميصحش الكلام اللى انت كاتبه ده يا كابتن !! (بيتهيقلى حاليا مينفعش اقولك غير يا كابتن ) ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،، وحسن من نفسك شوية مينفعش الكلام ده حرام عليك انت لو عندك اخت تقبل حد يعمل فيها كده ؟!!!،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،، عايزة اقول كلمة اخيرة ياريت تكون اتفرجت علا فيلم الثلاثة يشتغلنوها ساعتها هتعرف ان فيه ممكن تجيب 102% وهيا معندهاش اى مخ الدح برده بيجيب نتيجة وده طبعا بغض النظر عن انها كانت فى علمى اوى ادبى كله بيشتغل بالدح وعلا فكرة برده دى علا حسب الامتحانات وصعوبتها ودرجة الاسئلة ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،، وشكرا يا كابتن !!!،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،، |
انا مش هغلط في حد رغم كل التجاوزات اللي في الردود
بس هفهمكوا حاجه.. فيه حاجه اسمها كوميديا ساخره (بناقش موضوع في المجتمع بطريقه كوميديه ساخره) زي كتابات ,,, بلال فضل وعلي سلامه زي فيلم عسل اسود (بيناقش سوء احوال مصر بطريقه ساخره) مع الفارق طبعا... الموضوع ده بيناقش البنت اللي الشباب عايزين يرتبطوا فيها بالمستقبل واللي هي في خيال كل شاب ومش موجوده في الواقع !! ______________________ مقال زي مصر سنه 2040 لبلال فضل لو حد قراه بطريقتكو دي ,,,هيدخل يشتم بلال فضل ويبهدلوا فيه حاجه اسمها ادب ومقالات وكتاب وحاجات كتير ما اعتقدش اللي دخلوا ردوا بيفهموا فيها !!! |
| جميع الأوقات بتوقيت GMT +2. الساعة الآن 09:03 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.