من كل الطلاب فى كلية التجارة سؤال
 

انا طالب فى الثانوية العامة هل كلية التجارة لها علاقة برياضة بتاعة الثانوية والاعدادية وكدة ولة هى حاجة تانى يعنى اة المواد التى تدرس داخل الجامعة ولكم كل الشكر

اة مفيش حد عارف يرد اة محدش فى الكلية فاهم حاجة

انا مريم وفى كليه تجاره
لو بتحب الرياضه فابشرك
التجاره مبنيه على الرياضيه
اللى فى ثانويه عامه
بس بتعمق اكتر
ولو مش بتحب الرياضيه منصحاكش انك تتدخلها
اسال مجرب ولا تسالش طبيب
تقبل مرورى

المواد التى عاوزه هى
اقتصاد- رياضه- محاسبه- اداره- قانون تجارى- كمبيوتر بزنيس
وطبعا المواد بتزيد كل سنه
ولو عاوز حاجه تانى قولى
اوك

شكرا جدا مريم ldv انا فعلا لا احب الرياضة ولكن بعض الاقارب يقولوا لى خش كلية تجارة علشان اخش قسم ادارة اعمال لان القسم بيقولو جيد من ناحية العمل وانا مش عارف بس على كلامك انا منفعش فيها والله اعلم

السلام عليكم ..

بص حضرتك..

كلية تجارة من افضل الكليات في نظري ..

اولا بتدرس فيها الدنيا ماشية ازاي ؟؟

هتاخد جميع انواع المحاسبات :-

محاسبة مالية - محاسبة حكومية - ضرائب - محاسبة تكاليف

و دول الاساس

و هتدرس فروع ادارة الاعمال

ادارة الانتاج - ادارة التسويق - ... إلخ

و هتدرس اقتصاد ..

بجانب الرياضة

بس الرياضة مش كتير اووي زي المحاسبة

يعني هتاخد رياضة في اولي _ بسيطة يعني _

و رياضة مالية في تانية - تقيلة شوية -

و تأمين و إحصاء و كلها مواد رياضية بس جميلة

و وكمان انت ممكن تتخص في المجال اللي بتحبه

مش لازماً رياضة

الكلية فيها ثلاث اقسام :-

1 / قسم المحاسبة ( قسم شعبي و مشهور - و المعظم بيدخله علشان يبقي محاسب )

2 / قسم إدارة الاعمال ( قسم ممتع جدا و عملي )

3 / قسم الرياضة و التأمين ( و القسم دا كله رياضة )

و علي فكرة الكلية كمواد جميلة جدا .. وربنا يوفقك

و مستقبلها جميل جدا ..

الأميرمحمد //
كلية التجارة - جامعة القاهرة

شكرا لك جدا الأميرمحمد

طب المفروض تجارة انجلش بتاخد من كام علشان عاوز اعرف في ثانوية عامة

يا صادق نسبة مواد الرياضة فى الكلية قليلة اوى يعنى مثلا فى سنة اولى هيبقى عندك عشر مواد على تيرمين هيبقى عندك مادة واحدة رياضة فا متقلقش من الموضوع دة