|
هما احسن مني؟؟
السلام عليكم و رحمة الله و بركاته الحقيقة انا مش متعود اكتب مواضيع كتير علشان كده ياريت تعذروني لو كان مستوي الموضوع متدني انطلاقاً من ان الاهتمام بالشباب يعتبر تقوية لساعد الامة و ضمان لمستقبلها تهتم اي حكومة في اي بلد بالاهتمام بالشباب و تعمل علي اكتشاف الموهبة الموجودة فيهم و تنميتها كلام جرايد حلو اوي بنسمعه كتير طيب ده ايه علاقتنا بيه؟؟ تفتكر لما تكبر و ماتلاقيش شغلانة تعملها هايبقي ليه؟؟ ليه انا مفكرتش اضمن مستقبلي من صغري؟؟ الحل بسيط دلوقت انا بشوف علي النت مسابقات دولية بتتنظم للشباب اللي في سني و بيشارك فيها ناس من كل دول العالم و بياخدوا جوائز كتيرة و بيكون ليهم مستقبل مشرق و بيكون عليهم طلب كبير من شركات كبيرة بالرغم من انهم لسه طلبة !! دول احسن مني؟؟ دول احسن مني في ايه؟؟ مصر فيها طلاب متميزين بذكاء يفوق سنهم بعقود ليه مش بيشاركوا؟؟ ليه مش بتشاركوا؟؟ طيب تيجي نقول الوزارة .... الوزارة السنة دي قامت بالاشتراك في مسابقة دولية اسمها Think Quest و دي مسابقة في مجال برمجة الحاسب الالي و تنظم بالتعاون مع شركة اوريكال و ليها جوائز كتير و بتنظم كل سنة استغربت كتير لما لقيت المركز الاول موقع عن الشيكولاتة !! احنا فين من دي؟؟ و برضه كل سنة منافستها مايكروسوفت بتنظم مسابقة دولية باسم Microsoft Imagine Cup في مجال البرمجة برضه و بيشاركوا فيها طلاب من سننا علي مستوي العالم و اكيد اللي بيجيب مركز فيها بيشتغل في مايكروسوفت احنا فين من دي ؟؟ اوليمبياد الكيمياء و الفيزياء و الرياضيات مسابقة دولية بتتنظم كل سنة احنا فين من دي؟؟ مسابقة نجوم العلوم اللي بيشارك فيها الشباب بأفكارهم و اختراعاتهم احنا فين من دي؟؟ احنا فين من دول؟؟ دار حوار بيني و بين صحابي علي الموضوع ده هل احنا نقدر في سننا ده اننا نحقق مركز علي مستوي العالم؟؟ هل كوني في الثانوية العامة يمنعني من المشاركة في مسابقات زي دي؟؟ طيب ماهو كل المشاركين في السن ده؟ يبقي العيب في مين؟؟ هل فينا ام في مجتمعنا؟؟ ياريت اسمع ارائكم الجميلة |
بص
حقولك علي حاجة احنا عندنا شباب ما شاء الله علي دماغهم بجد والله بس مفيش اهتمام اولا من الاهل (ودي اهم من اي حاجة تانية) مش بيهتموا بالولد او البنت من وهما اطفال يشوفو قدراتهم جميلة فاية وبالتالي مش بيبقي في تقدير لاي حاجة بيعملوها وكلام من عينة انت مش هتغير الكون انت فاكرة نفسك عبقرية وحاجات تموت اي موهبة والله ودلوقتي احنا فثانوية عايزنا نجيب مجموع وبس اي حاجة تتركن عالرف ده كلام بيحصل وواقع ده غير بلدنا اللي الله عليها بتقدر الرقاصات ولعيبة الكورة(سوري يعني) مش دي الحقيقة؟؟؟ ومفيش اي تشجيع كلو بيحبط وبس عشان كده احنا اسوء بس ده رايي واحب اقرا تعليقك |
موضوع اكتر من رائع والطرح مميز جداااااا :av4056bb7jp3:
انا عن نفسى مش بهتم بالبرامج والبرمجة :(لانى مش متعودة عليها انا متعودة على القراءة وبتابع الاخبار دى بعتبرها هواية :blush::blush: فى ناس متعودة على البرمجة والحاسبات انا لو كنت متعودة كنت اشتركت بلا تردد :slap1qk6: هما مش احسن مننا فى حاجة عندنا مواهب كتير بس مش بنستغلها كويس :stickjo4: والنت ملئ بالمسابقات المفيدة والمربحة :av4056bb7jp3: هل احنا نقدر في سننا ده اننا نحقق مركز علي مستوي العالم؟؟ ليه لا عندنا مواهب كتير بس مش مستغله كويس :( هل كوني في الثانوية العامة يمنعني من المشاركة في مسابقات زي دي؟؟ ممكن انت هتذاكر ولا هتشترك فى مسابقات ممكن فى الاجازات :stickjo4: طيب ماهو كل المشاركين في السن ده؟ مش عارفه والله لان البرمجة هدفهم :o يبقي العيب في مين؟؟ هل فينا ام في مجتمعنا؟؟ فى الاتنين والاكتر المجتمع ومصر بتحطم المواهب مش بتنميها وفى امثله من دى كتير جداا :040vk0: |
اقتباس:
انا لما بتجيلي فكرة بعملها حتي لو اهلي معارضين عملها لكن العيب مش في الاهل العيب في الطالب نفسه مع ان الكلام اللي قلتله اتقالي كتير جداً لغاية ما حفظته لكن برضه بقول ان اللي في دماغه حاجة هاينفذها لكن المشكلة في المدرسة و كمان ان الطالب مش عارف المسابقات لو مدرس قاله عليها هيشجعه و هايشارك حتي لو الولد عرف المسابقة هايشارك لكن مش عارف ليه مش مهتمين بالموضوع ده لكن برضه بقول ان اللي بتكبر في دماغه فكرة بيعملها مهما كان الثمن المهم انه يعرف الفكرة دي |
اقولك ليه احنا مش بنشترك اولا اغلب المسابقات ديه مش عارفها واول مره اعرفها دلوقتي
كل اللي حولينا في المدرسه مش بتلاقي حد يشجعك انك تخش او تشترك في حاجات زي ديه سواء مدرسين او اصحاب (تحس انهم كلهم واقفين ضددك:angry2:) ويقولك انها ملهاش لزمه و انك متقدرش تعمل حاجه غير حبه التريقه اللي هتسمعها ثانيا في ناس كتير دمغاها بتكون نظيفه وشغاله زي واحده صحبتي اكبر مني بسنه دماغها جامده لو دخلت علمي هتبقي جامده من كتر الاحباط اللي عملوه ليها من الثانويه العامه فدخلت ادبي:( ثالثا في ناس كتير تقدر انها تشترك في المسابقات ديه وتاخد مراكز عالميه بس لو كان في شويه تشجيع واهتمام في المدرسه مش احباط وتريقه :slap1qk6: رابعا عادي ممكن اشترك فيها في ثانوي بس احاول اظبط بين الاتنين بحيث ماهتمش بالمسابقه واسيب الدراسه عشان في البلد اهم حاجه الدراسه خامسا علي ما اظن العيب في الاتنين بس الاكتر علي المجتمع لان كل اللي حولك بيحبطوك و بيخلوك تحس انك ولا حاجه ومتقدرش تعمل حاجه والعيب فينا اننا بنياس :stickjo4:و بنستسلم للكلام اللي بيقولوا والمفروض اننا بدل عاوزين حاجه منسمعش ليهم ونحقق هدفنا حتي لو فشلنا مره واتنين حاننجح بعد كده في جمله جت في فيلم كارتون Meet The Robinsons عجبتني جدا هي keep moving forward حاسه اني طولت عليك :blush: وكل سنه وانت طيب |
اقتباس:
تمام بيعملها ويحارب عشانها بسش مينفعش من غير جو هادي لما كلو ينكد عليك مش بتعرف تبدع انتاجك وفهمك بيقلو وده بياثر عليك ده غير ان كلو بيستنالك علي غلطة وانا بتكلم اكتر كبنت يا احمد شوف اللي بتعرضلو من ضغط عالعموم هو الغلط علي كلو بس فعلا اللي عاوز حاجة اوي اكيد ربنا حيوفقه ليها |
اقتباس:
في مسابقة فيزياء و كيمياء و رياضيات اللي كتير اوي بيحبوها و عالمية طيب ايه العيب لو كانت الثانوية العامة حائل بين الطالب و بين المعرفة يبقي ملهاش اي تلاتين لزمة هدف التعليم ان الطالب يتعلم و من ثم يقدر يبني علي للي اتعلمه علم يفيد بيه العالم لو الطالب ده امكانياته فوق العادة و قدر يبدع بالعلم ده يبقي حقق الهدف من التعليم لو كان التعليم بيحول بينه و بين ده يبقي مش نافع يبقي لو كمل هايكون طالب عادي يتخرج يقعد علي القهوة اشتغل مش هايضيف جديد لانه مش متعود يفكر لان الثانوية مسحت عقله في وقت المفروض عقله اللي يقوده يبقي بنخرب مش بنصلح ولا ايه رأيك؟؟ |
اقتباس:
|
اقتباس:
شوف التعليم المصرى احفظ وحط فى الورقة :(:( |
اقتباس:
لو قلنا ان التعليم كل حاجة في البلد دي كنا قلنا ان دكتور الجامعة اكتر واحد بيقبض كنا قلنا انه اهم الناس في البلد هما قمة العلم فيه كنا قلنا ان لجنة الاختراعات من اهم لجان البلد احنا بنكدب نفسنا؟؟ مفيش حاجة بتتم مخترع عمل جهاز يولد وقود من قش الرز و مفيش اهتمام خالص و يحرق دمي لما واحد صاحبي حكالي عن قناة استضافت عيل صغير مسمينه المخترع الصغير عمل تكييف و مكنة تجفيف!! ده اسمه مخترع!؟؟؟ طيب ايه رأيك اني عندي اختراع يولد كهربا بجهد عالي جداً و في حجم الكرتونة !! و يتعمل بكام ماسورة و كام مغناطيس و مش عارف اعمله و في الاخر يقولولي انتا بتفتكس!! و ابويا يقولي يعني انتا احسن من العلماء اللي سبقوك؟؟ و هاتك يا تريقة للصبح ده اخرتها اللي يقولك التعليم اهم حاجة في مصر |
بالمناسبة انا شفت فيلم meet the robinsons
فيلم جميل و اتفرجت عليه اكتر من مرة و ياريت في يوم من الايام اكون شبه الولد العبقري ده و كمان Keep moving forward |
اقتباس:
احنا ممكن نبقي زيوا وناس تانيه تقدر تبقي زيوا بس لو كبرنا من التريقه (مع انوا مفيش يوم بيعدي من غير تريقه) ومنهتمش باي كلام واننا منتكلمش مع حد علي اي فكره تجي لنا لو حاسين انوا هايحبطنا :slap1qk6: |
اقتباس:
لكن و ده يشرف البنت اللي تعمل كده كتير لانها تفوقت علي كتير جداً من ابناء جنسها لكن مفيش حد هايشوف حاجة زي دي و مش هايفكر يدخلها لو كان عنده هدف اما لو كان من غير هدف مش هايفكر يدخلها يبقي احدد انا في انهي صف انا عندي هدف ولا معنديش هدف لو معنديش هدف خلاص لو عندي هدف يبقي اعمل اللي عليا |
اقتباس:
انا دلوقت عرفت ايه هو التعليم المصري و عرفت مدي هيافته و سهولته مش ممكن اني اقدر ابدع في مجالي بعيد عنه؟؟ مفيش ابداع الا ما يكون بعيد عنه يبقي اللي يقولي خليك في منهجك كأنه بيقولي اوعي تفكر و انا بقي مع نفسي اشوف انا عايز افكر ولا اخرم دماغي زي ما البعض بيقول |
اقتباس:
المفروض ان لنا هدف وندعي ربنا يوفقنا لي |
| جميع الأوقات بتوقيت GMT +2. الساعة الآن 11:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.