|
........؟؟؟العيد السنة دي؟؟؟..........
استطلاع رأي عن العيد السنة دي حلو ولذيذ ولا ممل ؟؟ واضافة للموضوع اللي يحب يقولنا عن موقف حصل ليه ف اي عيد مر عليه مبكي او محزن او مضحك او غيره ويحب يضيفه يقوله هنا ويقولنا كمان ايه ترتيبه اليومي ف العيد بيعمل ايه لما بيصحي لغاية لما ينام وكده مستنية المشاركااااات |
شفي ياستي الاول كدا مش عارفة موضوعك دا مكانه الصحيح فين! هفكر ف مكان وابقي انقله:) المهم يعني شوفي ياستي طبعا العيد ممل بمعني الكلمة ببساطة انا مش حاسة بيه اساسا لاني مقيمة في البيت :bosyht9::bosyht9: يمكن حسيت بيه لما رحت صليت وشفت أصحابي بس وابعد مكان روحته هو عند جدي و3 دقايق وكون هناك:) بعيد اوووي بيته هههههههه ببساطة كل لما البنت بتكبر كل لما قاعدها في البيت بيزيد:bosyht9: طبعا الأولاد هيقولوا مجلدات عن العيد وخروج وفسح خلينا نحسد شوية:) البنات هم المظلوميين في المجتمع المصري دا :bosyht9: ع العموم كل سنة وانت طيبة:blush: |
أنا بقي العيد دا أغرب عيد مر عليا في حياتي حتي الأن !
بعيد عنكم دور برد قبل العيد مباشرة , وأنا البرد لما يشرفني لازم يطول في الاقامة عندي براحته خالص ويفضل ينتقل من هنا لهنا وكأنه في بيته تماماً وللأسف البرشام اللي كنت برتاح فيه من البرد الشركة بطلت تنتجه والمادة الفعالة اللي فيه مش موجودة في البدائل , وكمان دواء السعال اللي كان بيضيع السعال عندي في يوم واحد , دخلوه جدول ( يظهر انهم بيعاندوني أنا وخلاص ) !! فقضيت العيد كله في البيت أمام الكمبيوتر لأن صوتي كمان كان رايح تماماً ومقليش حيرجع امتي !! دا غير بقي ان الواحد بتكون نفسه مسدوده عن الأكل ( ودا عيد اللحمة ) , لكن يلا متعوضة ان شاء الله وقدر الله وما شاء فعل . |
العيد كان ولأول مرة حلو حسيت انه عيد فعلا ليلة العيد لفينا على اقاربي كلهم جدتي واعمامي و خالي واللمة كانت حلووة وطبعا اول يوم قضيناه مع بيت خالي واليوم التاني كان مميز روحنا عند خطيبة اخويا فالقاهرة وبالمرة شوفنا اقاربي هناك والكل متجمع جدتي وخالاتي واخوالي واولادهم وكانت اللمة جميلة اوي لاني اول مرة اروح عندهم ، من العادة هما ال ييجو عندنا:blush: غير ان السفر على انه متعب بس كان ممتع ، اول مرة اخرج كدة فالعيد فالحمدلله انبسطت اوي :) ويارب كل عيد يكون كدة ،، |
انا بقى العيد ده محستش بيه نهائى يمكن الفرق انه بس مفيش دروس
عادى يومى مفيهوش اى جديد بذاكر وبقعد على النت ولما اجى اقعد شوية ماما تقولى قومى ذاكرى حتى بابا مش راضى يخرجنا اخد اخواتى الصغيرين على البحر وانا وماما قعدنا فى البيت ولما رجعوا فضلوا يغظونى طبعا وبابا قاللى انا هخرجك والنهارده اخر يوم فى العيد وخلاص الدروس هتبدا بكره انا بصراحة كل ما بكبر مش بحس بالعيد انامتضايقة اوووووى |
اقتباس:
وانتي طيبة يا تسابيح تتعوض العيد الجاي ان شاء الله |
اقتباس:
شفاك الله وعافاك يا استاذ علي اهم حاجة يكون حقك محفوظ في اللحمة كل سنة وحضرتك طيب |
اقتباس:
الحمد لله ربنا يجعل ايامك كلها اعياد يا نقاء كل سنة وانتي طيبة |
اقتباس:
انا لو مكانك مسكوتش بهدي النفوس بس كل سنة وانتي طيبة يا حبيبة |
العيد ده احسن بالنسبالى حسيت بشويه ممل بس احسن اول يوم اهلى كلهم سافروا :av4056bb7jp3:وقولت انا عندى مزاكرة ودروس :blush: وانا اصلا متعودة على انى ابقى لوحدى فى البيت سافروا اول يوم ماما طبخت اكل كتير ليه لانى محترفة طبعا فى الطبخ :blush:ويانهار نت وTV كنت بقوم من على النت حوالى 11 او 12 بليل واجرى على TV :av4056bb7jp3:اتفرج لحد الفجر اصلى وانام :blush: واصحى الساعة 12 الظهر وهكذا نت وTV :049gc0: حسيت بشويه ملل وشوية كسل انى اقوم اسخن الاكل :blush::blush: ثالت يوم ذاكرت شوية :)اول مرة ابقى مدة طويلة على النت و TVمع ان الTV مكنتش بفتحه الاول بس عشان محسيش بالملل بس البيت احسن من غير الاهل -_- واهلى وصلوا الخميس بليل :( حمد لله على السلامة هنرجع للدروس والمذاكرة والقرف :stickjo4::stickjo4: معلش على TV اختصارا لانى مش بحبها عربى بحس انها كبيرة اوى :d:d وكل سنة وحضراتكم طيبين :022yb4: |
اقتباس:
ربنا يسعدك دايما يا رووز وكل سنةوانتي طيبة |
انا بقى العيد بتاعي كان اجمد عيد مر عليا لان عيد ميلادي كان اول يوم العيد شوفوا انتوا بقى كل حاجة كنت بعملها فى العيد بقت دابل اول يوم خرجت مع اصحابي واخواتي بليل وتاني يوم سافرت البلد وكان يوم رائع لاننا بنتجمع فيه احنا والعائلة كلها وتالت يوم بقى اللي هو امبارح اصحابي عملولي مفاجاة عشان عيد ميلادي طبوا عليا بدون سابق انذار ومعاهم التورتة والهداية الحمد لله اتظبطت جامد العيد دة |
العيد دا انا حاسس انه ممل ومش ممل بس دا ممل اوووووووووووي
لان مفيش فرحه للعيد زي زمان |
عادى بس ملل شئ ما
ولكن احلى ما فيه ان مفيش دروس |
العــــيد كان حلو بس مش زي كل ســـنة
صحابي كلهم مسافرين .....اهئ اهئ احسن حاجة بقي العزومات ياهوووووووووووووووو المهم خرحت مع بنت خالتي ........وبس |
| جميع الأوقات بتوقيت GMT +2. الساعة الآن 07:19 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.