|
الحروب اليوميه للمواطن المصرى
السلام عليكم ورحمه الله وبركاته ماذا تفعل للحروب اليومية؟ بمجرد ان يفتح المواطن عينيه فى الصباح وحتى يغلقها فى المساء ...وهو فى حرب مع كل شىء يقابله او يتعامل معه او يحتاج وها هى الحروب *اولى الحروب ....مع المخابز للفوز بالغنيمه الكبرى ...رغيف العيش وهى حرب تستنزف ثلث يومه ونتيجتها غير مضمونه وغير مامونه العواقب ..اما ان يفوز بالارغفه او لايفوز اويفقد حياته :giljotiiniug3:او يتشاجر:stickjo4::040vk0: ويقضى باقى نهاره وليلته فى التخشيبه اذا كان محظوظا:o *حرب لركوب علبه السردين ،المترو او الاتوبيس واحد *حرب فى العمل مع الزملاء لاتفه الاسباب فلا احد يتحمل احد والانفلات والتطاول من سمات الديمقراطيه الحديثه *حرب عند عودته الى المنزل مع زوجته واولاده بسبب المصروف وتكاليف الدروس الخصوصيه التى اصبحت فرض عين على كل اب نتيجه تدنى العمليه التعليميه • حرب اذا مرض هو او احد من افراد اسرته فلا علاج بالمجان بل يتكلف كل شىء • حرب خاسره بالثلاثه اذا اراد شقه بالمدن الجديده لانه حتما سيخرج الى المعاش او يتوفاه الله دون ان يحصل عليها اما اذا كانت شقه من الاهالى فانه من رابع المستحيلات الحصول عليها فى ظل هذه الاسعار • حرب فواتير التليفون والكهرباء والمياه ومخالفات المرور التى غالبا ماتكون ظالمه • معظم هذه الحروب عدا الرغيف والعلاج مقدور عليها ويمكن تجنبها بشكل او باخر ولكن ما لاتستطيع تجنبه فعلا ويفقد الانسان صوابه بسببها تللك الحروب الاخرى الملتصقه بحياته نتيجه فوضى الاسواق • الاطعمه والمشروبات مع غلوها المبالغ فيه اما انها منتهيه الصلاحيه او فاسده فعلا او مسرطنه او تسبب فى امراض لاحصر لها • الادويه مع ارتفاع اسعارها بشكل متتال الكثير منتهى الصلاحيه او غير مسجل بوزاره الصحه وبعضها يتم تصنيعه تحت بير السلم وبيعه على الارصفه • الملابس فوضى اخرى نفس السعه ونفس الخامات فى محلين مجاوريين ولكل سعر ناهيك عن رداءه الصنع وانخفاض مستوى الذوق ، اما الملابس الشيك جيده الصناعه فلايقدر شرائها سوى طبقه محدوده • مايمكن قوله على الملابس نقوله ايضا على الاجهزه الكهربائيه والتى اقتحمت سوقها الصناعه الصنيه بشكل لافت النظر وهى قطعا اقل جوده وعمرا بكثير من المثيله لها من الصناعات اليابانيه • الحديد والاسمكنت وباقى المواد البناءحيث لاحرج يكفى ان يقترب طن الحديد الان الى 6 الاف جنيه للطن • الاسمده ايضا حكايتها حكايه انها فوضى بعينها هى الاخرى وبالتالى اختنق الفلاح والمواطن على حد سواء نتيجه التكاليف العالميه للانتاج وبالتالى ارتفاع الاسعار • لايمكن فصل هذه الحروب عن بعضها ...فكلها فوضى وكلها تصب فى عب المواطن المجبر على التعامل معها وتحمل اوزارها تلك الفوضى فى الاسواق والخدمات تنذر بكارثه لا محاله ولابد ان تتحرك الحكومه بما لديها من صلاحيات لوقف انفلات الاسعار غير المبرر ومنع الاحتكار • من هنا نحكم على الحكومه اذا كانت ناجحه ام فاشله فانا مثلى كباقى المواطنين لايهمنا فى كثير او قليل اقامة مصانع هنا وهناك رغم اهميتها فى خلق فرص عمل ، ولايهمنا ايضا زياده حجم التجاره العالميه رغم اهميتها كذلك فى التصدير وبالتالى انتعاش الاقتصاد ، مايهمنا فعلا هو ان نجد طعاما وشرابا نظيفا ومواصلات ادميه وخدمات جيده وباسعار معقوله تناسب الدخول المختلفه .....ان نجد تعليما حسنا لاولادنا ودواء امنا فى متناول اليد ، والا تعطينا الحكومه باليمين لتاخذه بالشمال فى صوره ضرائب وفواتير كهرباء ومياه وتليفون ومواصلات .....ان يذهب المواطن فى وقت لاى فرن ويشترى احتياجاته من العيش ويعود بكرامه الى اسرته ..........ان يشترى خضراوات وفواكه وهو متاكد من انها نظيفه وخاليه من الكيماويات التى حتما ستصيبه بسرطان هذا باختصار حال المواطن فى حروبه المتتاليه والمجتمعه عليه بصفه يوميه اين الجسد ، والاعصاب ، والقدره على تحمل كل ذلك ؟؟ |
موضوع حلو وتلقائي بس مبين الوضع اسود اوي
الحرب اللي بتقابلنا كلنا هي طبعا حرب الاسعار فالدرجه الاولى |
ودائما تنتهى الحروب بحمد الله وشكره
لأنه شعب مؤمن |
للاسف لن اشعر بهذه الحروب الان لانها حروب المستقبل اما حروبنا الاان فهى تتناسب مع اعمارنا
وكل عمر وله حروبه ومشاكله شكرا ع الموضوع |
طيب المواطن المصري بيستحمل ده كله
تفتكري بقي في ادني مقارنة بين المارينز و بين المواطن المصري المطحون مفيش ادني مقارنة المصري يغلب احنا اتدربنا علي اكل المسامير و الصراصير في العيش ما بالك بالحروب؟؟ احنا اتدربنا اننا ندخل في اضيق المناطق و اسوأها في التهوية (قاصد المواصلات طبعاً) ما بالك بالحروب؟؟ اتدربنا علي البقاء في علبة اسمها بيت علي قد الحال ما بالك بالحروب؟؟ اتدربنا علي اننا نحفظ ما يزيد عن الف صفحة في 6 شهور ما بالك بالحروب؟؟ اتدربنا علي اننا نهضم اطعمة مش للاستهلاك الادمي و اكل مستهلك قبل كده ما بالك بالحروب؟؟ اتدربنا نلبس اي لبس بأي شكل في اي مكان ما بالك بالحروب؟؟ اتدربنا اننا نتحايل علي نفسنا بكل الطرق الممكن تخيلها ما بالك بالحروب؟؟ احنا برضه ناجحين جداً في البقاء و الاستمرار و عندنا القدرة علي المقاومة لاخر نفس شفتي حكومتنا بتدربنا ازاي؟؟ :d :d بزمتك في حكومة تدرب شعب كده في العالم؟؟ :d كالعادة موضوع جميل تقبلي مروري عليه |
اقتباس:
الاسعار وفى المستقبل مياه نهر النيل :(:( شكراا لحضرتيك عل المرور :av4056bb7jp3: |
الحمد لله العيش بيجيلي لحد عندي :022yb4::022yb4:
|
اقتباس:
الحمد لله شكراا لحضرتك :078111rg3: |
وتفتكرى مين السبب فى كل ده احنا ولا هما
والسؤال الاهم هل هنفضل فى الحروب دى ولا هنتخطاها ؟ |
اقتباس:
هو احنا ذنبنا ايه احنا اللى بنرفع الاسعار احنا اللى بنعمل ادوية فاسدة وغيره :stickjo4: طول ما احنا على النظام ده مش هنتغير هنفضل كده طول عمرنا العالم بيتقدم واحنا بنتأخر :slap1qk6: |
اقتباس:
ربنا يفرجها علينا وتخلص الحروب ونعيش فى سلاااااااااام ياااااااااااربhttp://files.fatakat.com/newsmilies/sCh_pray.gif |
نعتبرها مجموعة من الحروب وليس كحرب واحد فمنذ ولادتنا ونحن فى حرب من أجل العيش من أجل البقاء من اجل كل شىء لا أستطيع سوى أنا أناشد مصر لوماً وأقول لها بعد إيه يا أمه جايه تقولي ولادى الصبر كان شيمتي والحزن على بابي الفرح واعدني يقابلني في بلادي لقيت ظلم وأسى وحاميكِِ جلادي قالولى جاى يحميني ويعلى أمجادي لقيته جاى يزلني ويدوس على فؤادي ****** ممكن سؤال يا أمه داير على لساني بتخلفينى ليه لما أنتي بيعاني لما أنتى سايبه كلابك تنهش فى بستاني حرام عليك يا أمه تناديني من تانى ****** يا طاحونة لفي مئة مليون لفة ودوري تعالى جنبي وفوق منى ودوسي ضحكوا عليا وشحتوني فلوسي نصبوا عليا وصبوا الوهم على راسي ****** حاميكِ جلادي في عز الحزن بيغنى على جسمي بيرقص وكاسه من دمى بيقولى أسكت صوتك مش هيوصلنى ****** بصرخ فى عز الليل وأقول يا بلادي مين ينقذك منهم ويطهر الوادي كانوا السبب يا أمه أنى أسيبك وأمشى من قبلها يااامه دبحونى ولا بانشى وفى طابور العيش وقفوني كتير وبرده مبخدشى دبحولى يا أمه في الصبا طفولتي خلوني أقعد ذي طفل بينادى علموني الهوى .. رسمولى في كتابي إن التاريخ منهم وأنسى أجدادي أنسى اللي صانوا البلد وبالولد ضحوا أنسى اللي رسموا على القنال فخرك وأمجادي ****** يا مصر فوقى وأصرخى .. طلعي صمتي أحسن ما أموت من الحسرة وتكون هنا نهايتي فلا نرجو من الله عز وجل إلا أن يٌفرج علينا كربنا فلا نريد أن نعيش فى رفاهية ولكن نريد حياة هادئة مثل الكثير والكثير من البشر شكراً رووووز لموضوعك الشيق |
| جميع الأوقات بتوقيت GMT +2. الساعة الآن 09:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.