|
ازاى تعرف انك فى فرح مصرى؟
السلام عليكم ورحمة الله وبركاتة طبعا كلنا حضرنا افراااح كتيررر طيب شوف كدا الحاجات دى حصلت فيها ولا لا ؟؟؟ لما اول حجه تسمعها اول ما تدخل القاعه وقبل ما تشوف العروسه والعريس اغنيه هشام عباس (اسماء الله الحسنى) لما تلاقى بتاع الكاميرا بيزوووم على الشبكه ودهب العروسة كانها مثلا قلاده الملكه اليزابيث الخامسه والعشرين وتلاقى كل المعازيم هايماوتوا بعض وينطوا فوق بعض عشان يتفرجوا عليها !!!!!!!!!!1 لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك) وكل البشر بيصوروهم بكاميرا الموبايل وهما بيقولوا لبعض (ياترى بيقولها ايه) ؟؟؟ لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر) لما تلاقى ام العريس كل نص ساعه وتمسح عرق ابنها وتقوله (يا بنى كفايه مش كده ...ماتهدش نفسك) ههههه ههههههههههههههههههههههه لما تسمع السؤال الابدي (هو البوفيه هايفتح امتى...الواحد جاع) دا لو فية بوفية اصلا http://www.egyguys.com/vb/images/new-smiles/46.gif لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك لما تسمع الناس وهيه بتقول لالالا بس الاكل مكانش قد كده بعد تناول الطعام مباشره وعلى راى المثل (بعد ماكل واتكى قال رحته مستكه) لما تلاقى ام العروسه بتقول للعريس خد بالك منها يا حبيبي والعريس يقولها دى فى عينى يا طنط لما تلاقى الزفه انطلقت فى الشوارع مسببه الازعاج لخلق الله وبيب بيب بيب بيب بيب بيب بيب بيب بيب بيب هااااااااااااااااا حصل ولا محصلشى ؟؟؟ منقول |
انتى نسيت حاجة لما تبا قاعدة فريح
ممتك وتقول اضحكى علشان تبانى فى الشريط حلوة |
بيحصل ...... طبعا .......
شكرا موضوع دمه خفيف تقبلى مروري وتحياتي ..... |
والله كلامك كلو صح و اللي يغيظ ان ما فيش تجديد خاااااااااااااااااااالص حتى الرقص هو هو و نفس الحركات
ميرسي عالموضوع الجميل ده |
والف مبروك للعروسين
|
عشان خاطر المعازيم ........
اقتباس:
|
نسيتي لما العريس و العروسة يقطعو الطرطة و ميكلوش الا سنتوفة
|
طبعا بيحصل ....
دا الطبيعى فى أفراح مصر.... والموضوع مرح جدا.... شكرا كتيييييير..... وتقبلى مرورى..... |
افراح الشعب المصري كلها كوميدية
|
هو ده التطور الطبيعى للافراح المصرية
|
ههههههههههههههههههههه
تمام والله هو دا بالضبط اللى بيحصل على فكرة انا فرح اختى قريب و هحاول اغير على قد ما اقدر |
اقتباس:
احنا معزومين البوابة هتعمل احسن واجب فى الفرح :022yb4::022yb4: |
اكتر حاجة بكرها الافراح
|
كل اللي اتقال في الموضوع بيحصل فعلاً في الأفراح , لـكــــــــــــــــــــن
انتي نسيتي حاجات مهمة كمان يا شيماء !! زي ايه ؟؟؟؟؟؟؟؟؟؟؟؟ زي ان الكاميرا تفضل تصور في المعازيم وبعد كده تنقي صور البنات الحلوة بس ويقعد المخرج يعرض فيها كل شوية ( زي ما يكون الخاطبة !! ) . وزي دور الشباب والبنات في الأفراح ..... امال أغاني سعد الصغير حتشتغل علي ايه ؟!! لازم الشباب يعمل شوية تمارين رياضية واستعراضية أمام البنات ( ويبقوا عاملين نفسهم فرحانين للعريس وبيجاملوه ) !! تقوم البنات تغير علي طول وفجأة عينك ما تشوف الا النور , تلاقي معظم البنات بتتسابق علي اللي تظهر المواهب أكتر من التانية !! وال ايه ؟!! البنات بتبقي عاملة دايرة كاملة حول البنت اللي بترقص , وطبعاً الكاميرا بتبقي جايبة كل حاجة , يبقي لازمة الدايرة ايه ؟؟ لسه معرفش لحد دلوقتي !!!! وزي لما العريس والعروسة بيرقصوا علي المزيكة الهادية , بعد كده بتكون فيه رقصة هادية بردوا , بس دي بقي لكل المتزوجين , وتلاقي الزوجة بتقول لجوزها ( فاكر ليلة فرحنا لما كنا بنرقص كده ؟) وهو يرد طبعاً فاكر وهي دي ليلة تتنسي أبداً !! لكن في سره بيقول ( كانت ليلة مهببة , يا ريتني كنت جريت وسبت الفرح ساعتها ) . وزي ان في بعض الأفراح المعازيم بتخطف الأكل ( اه والله ) وبيتخانقوا علي الساقع كمان !!!!! |
هذا ما يحدث بالفعل .
ويارب تكون حياتنا كلها أفراح بس لازم نغير الحاجات دى ونكون ناس فى تقدم ورقى . تقبلى مرورى & وتحياتى . |
| جميع الأوقات بتوقيت GMT +2. الساعة الآن 05:29 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.