اطلب رأيكم أخواني .... فلا تبخل بالرد (( أسافر الكويت ))
 

سافر طبعا هى دى عايزا راى

الله يسهلك ..........
يسبك من الأقرف اللى أنا فيه طبعا

انا من راى السفر حلو بس طبعا السفر مش هيكون قبل نهايه السنه ديه
ولو سمحت اسم المكان اللى هتتعاقد منه علشان لو فيه فرصه لينا

طبعا هى فرصه كويسه لكن حضرتك امتحنت الكادر وسلمت الicdl ?

ربنا يوفقك ويوجهك للطريق الصحيح عموما صلى صلاه استخاره وبازن الله ربنا ينير لك الطريق

اولا انت ادرى حد بظروفك بمعنى انت لو فى مصر مثلا قادر تعيش بمرتبك مع شوية دروس او اى شغلانة تانية وانا اعرف ناس كتير متعاقدين كدة ومتجوزين ومعاهم ولاد والى حد ما عايشين بكرامة وخصوصا ان تخصصك ماشاء الله كويس اوى يبقى لازم تفكر بشكل جدى فى الموضوع كمان لازم تاخد فى اعتبارك موضوع السفر والتكيف مع الجو هناك وانك تقدر تغترب عن اهلك وناسك وتتحمل ده لان السفر بجد مش لعبة ومش مجرد فلوس وبس لاء لازم زى مابتفكر فى المزايا تاخد بالك من العيوب او بلاش نسميها عيوب مشيها ضريبة او ثمن
ثانية طبعا لازم تتريث اوى وتسال الناس اللى سبقوك عن اوضاع الشغل هناك مش ضرورى يعنى يعرفو انك عندك فرصة حقيقية هناك لان فيه ناس نفسيتها مش ظريفة وممكن يضللوك
ثالثا وبعد تفكير عميق جدا تصلى استخارة وتدعى ربنا بصدق ويقين ان ربنا لن يضيعك وسيهديك للصواب ثم توكل على الله فى اى اختيار مرتاح له وباذن الله خير
رابعا لازم تاخد بالك انك تعرف تاخد اجازة بدون مرتب او اى شىء حتى لو شهر قبل ماتروح عشان لاقدر الله لو مقدرتش تكمل ترجع على شغلك عشان مالايدرك كله لايترك كله
وربنا يوفقك ويهديك للخير ويجعل لك من كل ضيق مخرج ومن كل كرب فرج ويكون لك نصيب فى الحلال الطيب اللهم امين

انا من راى الاستاذة جارة الوادى
وربنا يوفقك لما يحبه ويرضاه

خلي بالك
عشان في مجموعه ودا حصل معايا بس الحمد لله في ناس نبهتني
اسمه الدكتور مش عارف ايه كدا
ومسلعده كويتي
وهما عباره عن مجموعه من النصابين
بيجيبك الكويت بس
وبيقبض عليك منك

اوعى تعمل كده انا في الكويت هنا ولا تغامر بالسفر الا اذا كان العمل في الوزارة سيبك من الكلام والنصب اللي بيحصل
لو ربنا قدر لك انك تيجي الوزارة هنا افضل بكتير اولا هتسافر من غير ولا فلس وكمان تذكرة الطيارة عليهم والمرتب ممتاز
اوعى تتبع الكلام ده كل ده كلام فاضي انا موجود هنا وعارف كويس
ودي نصيحة لوجه الله

تريث ياخى واسال كويس علشان متندمشى لوصحيح الموضوع ده وبجد وواثق من الكلام صلى الاستخارة وشوف ربنا هيدللك على اية وربنا تملى شيالك الخير ملحوظة (التربية والتعليم فى مصر ميتبكيش عليها) وده راى