اختيار البرادعي من بين أفضل مائة مفكر على مستوى العالم
 

نشرت مجلة فورين بوليسى قائمة بأفضل مائة مفكر عالمى لعام 2009 وقد جاء الدكتور محمد البرادعى المدير العام السابق للوكاله الدولية للطاقه الذرية فى الترتيب الـ20 وذكرت المجلة فى حيثيات اختياره انه خلال عمله كمدير عام للوكالة الدولية للطاقة الذرية لمدة أثنى عشر عاما لم يتردد فى مواجهة الكثير من القوى العظمى ومنهم الرئيس الأمريكي جورج بوش. وكذلك مواجهة أصعب حالات الانتشار النووي.

وأضافت الحيثيات أنه بعد أنتهاء عمله فى الوكالة، أخذ البرادعى على عاتقه تحد أكبر وهو العمل على وضع مصر على طريق الديمقراطية فى مواجهة نظام الرئيس مبارك "الاوتوقراطى " –بحسب قول المجلة-، و ذكرت المجلة أن البرادعى يرى أن هذا النظام السياسى فى مصر سينهار قريبا .

http://www.dostor.org/culture/news/10/november/28/32468

الاوتوقراطى دى اخت الديموقراطى

ان شاء الله اكون منهم السنين الجاية ههههههههه

الاوتوقراطي معناها المستبد المتسلط

شكراا على المعلومة :078111rg3:

يعنى بتساوى الديموقراطية المصرية :d:d

ويستحقها الرجل ...... بل وأكثر

واجه بوش مرة واحدة ؟؟!!
كانت فين المواجهة دي بالظبط ؟؟؟!!!!
وكمان مواجهة أصعب حالات الانتشار النووي ؟!!
هو منع أي دولة أجنبية من تصنيع النووي ولا يمكن منع اسرائيل وانا مش
واخد بالي !!!!
بلا برادعي بلا غيره ............ كله زي بعض !!!!

اه يا سيدي واجه بوش والامريكان كانو عايزين يشيلوه لما قال العراق مفيهاش نووي
وان ايران معندهاش نووي ولاز م الموضوع يتحل سلمي.. وبوش كان مجهز لضرب ايران وقتها

وبعدين منصبه ما يقدرش يمنع حد انه يصنع نووي.. هو زيه زي امين الامم المتحده كده.. منصب يعبر عن رأي الدول اللي في الوكاله اللي بيبعتو مفتشين وتقارير وهوه يقول النتيجه

واسرائيل عندها نووي من قبل ما انت تتولد.. من قبل حرب اكتوبر وهما عندهم نووي

وبعدين الراجل ده كان حلو وزي الفل من كام شهر وكان متكرم من الريس وواخد اوسمه وجايزة نوبل
اشمعني دلوقتي بقي وحش!!!
كان مصر بتفخر بيه ودلوقتي بيهاجموه حتي في اهل بيته!!!

بوش مش غبى للدرجة دى عشان يهاجم ايران وعندها نووى والا كانت بداية النهاية لامريكا
وكمان مش غبية امريكا انها تستعجل نهايتها :dدول بيخافوا من ايران وبيتتقتل من ايران علماء طاقة واختطاف وغيره
وان شاء الله نهاية امريكا بعد 30 او 25 سنة وبعدها تكون الصين الدولة العظمى فى العالم

امريكا الوقتى بتخاف من كوريا عشان عندها نووى وبتتكلم معاها باحترام :d

خلاص البرادعي بقي فجأة هو اللي يصلح لتولي رئاسة مصر ؟!!!!
وكمان نصبت نفسك خبير في كل حاجة حتي انك عارف انا اتولدت امتي ؟!!!!
الراجل دا حلو عندك انت ومن يؤيده فقط .
قال كان واقف ضد أمريكا ؟؟؟؟؟؟؟؟؟؟
دا كان في الحلم بتاع مؤيدي البرادعي !!!
يا تري انت لحقت مسلسل ( أنا البرادعي يا رشدي ؟) !!!
واذا كان دا رأيك فيه , فأنت حر في رأيك , لكن أنا كمان حر في رأيي !!!

ما شاء الله ......بجد

دي الناس الي تفرحنا ونفتخر بيها .....

شكرا على الخير يا mr web