|
ربنا يديك على قد نيتك
ربنا يديك على قد نيتك هذه الجملة قد تكون دعاء بالخير وقد تكوة دعوة بالشر وهذا يتوقف فقط على نيتك والنوايا لا يعلمها إلا الله ولا يمكن لأحد أن يقول أن فلان نيته كذا وكذا عندما فعل أو عندما قال .فالله وحده سبحانه وتعالى يعلم خائنة الأعين وماتخفى الصدورومن أطرف المواقف التى يمكن أن تقابل أحدنا أنك عندما تقول لأحدهم ربنا يديك على قد نيتك تجده وقد غضب منك وامتعض وقالك الله يسامحك أنا قصدى مصلحتك !!!!!! طيب وماله هو أنا قلت غير كده ؟ ليه بتفرض انى قصدى حاجة وحشة إلا إذّا كانت نيتك وحشه الأغرب فعلا لما يكون غرضك خير أو نصيحتك تقولها بنية خالصة لوجه الله وتجد من توجهها إليه يهاجمك قائلا ربنا يدى كل واحد على قد نيته ظنا منه أنك تريد به شرا ما أريد أن أخلص إليه هنا هو كم التحفز الذى بات يضمره أحدنا للآخر وكل شخص يفترض سوء نية كل من حوله لماذ لم نعد نتوقع الخير من بعضنا البعض بس فعلا البعض عندهم حق محدش بقي بيحب الخير لحد إلا من رحم ربي وفعلا تجد أحدهم مبتسما في وجهك فرحا بلقائك وما أن تدير وجهك إلا وتجده يتحدث عنك بسوء طيب تعالو نتخيل كده فعلا لو كل واحد خد على قد نيته وبقت نيته مكشوفه وواضحه للآخرين ياخبر ده ممكن يحصل حاجات كتير أوى .....ودى الحكمة أن ربنا وحده يكون هو المطلع على النوايا السؤال بقي هل مرة حصل معاكم موقف وكانت نيتكم خير واتفهمتوا غلط وظن الآخرين بكم شر أو العكس يعنى حد نصحك نصيحة لمصلحتك وانت ماعملتش بيها ظنا منك أنه لايريد لك الخير طيب حد قالك قبل كده روح ربنا يديك على قد نيتك وانت كنت عارف في نفسك ان نيتك مش حلوة :friendsxs3:يلا احكوا ماتتكسفوش:022yb4: |
فعلا حصل .......
موضوع جميل ... شكرا جزيلا ..... وربنا يديكي على قد نيتك ...!!! |
اقتباس:
|
اه حصل الموضوع كتير معايا
تقبلى مرورى موضوعك تحفه |
اقتباس:
|
موضوع جميل
تقبلي مروري وتحياتي |
مفتقدين موضوعاتك المتميزة استاذة / نعمة وربنا يديكى على قد نيتك والعمل فى الغالب هو نتاج للنية وكم م نوايا صادقة يثاب صاحبها فأجدد نيتى كل يوم وكل صباح وأنا خارج من منزلى وأذكر نفسى واقول: اللهم انى اخلصت النية لك وأحتسب عملى لوجهك الكريم فاللهم اعنى. جزيتى خيرا زميلتى الفاضلة |
السلام عليكم ورحمة الله وبركاته
لابد أن نصلح من أنفسنا ونحسن نوايانا لعمل الخير الخالص لوجه الله الكريم سبحانه وتعالى
جزاكم الله كل الخير |
الله ينور
الموضوع رائع من انسانة رائعة وننتظر المزيد والمزيد من ذات النية الطيبة النقية دائما |
اقتباس:
|
اقتباس:
|
ربنا اكرم من انه يدي الواحد على قد نيته
فانا دايما بدعي ربنا يعاملني بكرمه وليس بعدله جزاكم الله خيرا |
اقتباس:
ربنا يكرمك قولت اللى نفسى فيه شكرا لك ولصاحبة الموضوع الجميل .. ولو احسن كل واحد الظن بغيره لانتهت معظم المشاكل قبل ان تبدأ |
اقتباس:
دائما بقول ربنا يكرمنى لأنى عارفة ان لو ربنا ادانى على قد نيتى مش هكسب كتير بجد موضوع حلو أوى جزاكى الله كل خير أنت وصاحبة الموضوع |
اشرف عبد الحليم
ايوة حصلت وبتحصل لان الدنيا اتغيرت شويتين واصبح الغالب على الناس المصلحة الشخصية فقط وكويس جدا ان النية مكانها داخل القلب ولا يعلمها الا الله سبحانة وتعالى . والمطلوب من كل شخص فينا ان يخلص النية لله في كل الافعال ويسيب الناس وكلام الناس وربنا يحاسب كل واحد على اد نيتة .
|
| جميع الأوقات بتوقيت GMT +2. الساعة الآن 06:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.