|
()مساعدة الرجل لزوجته في عمل المنزل()
السلام عليكم ورحمه الله وبركاته ..
ازيكو ياجماعه عاملين ايه ..يارب تكونو بخيير .. كنت عايزة اعرف ايه رايكو فى ان الرجل يساعد زوجته في شغل البيت .. الاحتمال الاول : لو هو بيشتغل وهي لا ..انا شايفه ان هو مش محتاج يساعدها ..((مش قصدي ان ده هينقص من رجولته )قصدي ان هو تعبان ف الشغل طول اليوم ويجي يساعدها هيبقى حرام ..لان هي قاعدة في البيت ..قصدي ان فى الحالة دي هيبقى كل واحد ليه مهامه ... الاحتمال الثاني : ان الاننين هيبقو بيشتغلو عشان ظروف المعيشة ..طيب ولما يبقى عندهم اطفال ..هيسيبوهم في البيت هما الاتنين ويشتغلو اكيد لا ..واكيد مش هيجيبو حد يروق البيت لان ظروف المعيشة كده كده صعبة ..في الحالة دي ان شايفه ان الست ممكن تشتغل بالنهار بس عشان توفر وقت لعيالها وبيتها ..وهو طبعا طول اليوم (مثلا ) بيشتغل ولو قدر يساعدها في حاجات بسيطة .. ياريت اسمع ارائكو ..لاني بجد مطلوب مني اكتب عن الموضوع ده باللغة الاسبانيه .. ياريت تنوروني بارائكو ..:d |
أرى أن مساعدة الزوج زوجته في شغل البيت شئ جميل جدا في جميع الأحوال ودليل على المودة والتفاهم والانسجام والحب والتعاون بينهما ...
|
شكراً يا ياسمينا على الموضوع وانا من رأيى ان الاحتمال الاول صحيح عشان الست اصلاً ملهاش غير بيتها
اما الاحتمال الثانى : فيه صحيح وفيه مش صحيح .. الرأى الصحيح ان الزوجة ممكن تساعد فى المعيشة وبتشتغل وده مش عيب اما الغلط ان الزوج ميكونش محتاج لشغل الزوجة وهى مصممة انها تشتغل بحجة انها عاوزة تثبت وجودها والحقيقة غير كده هى عاوزه تلبس وتخرج وتشوف الناس وده بيكون على حساب بيتها لازم يكون عندها تقصير تجاه بيتها واولادها اما بالنسبة لمساعدة الزوج لزوجته ده اصلا مش عيب ولا غلط وخاصة لما هى كمان بتكون بتشتغل عشان الحياة الزوجية مشاركة وتعاون |
اقتباس:
شكرا على رد حضرتك .. |
اقتباس:
وانا شايفه ان الست ولادها اهم ..وهيبقى انجاز لو وفقت بين شغلها وتربية ابناءها ..اهم حاجه ان ميكونش شغلها على حساب اولادها .. وفعلا مساعدته لزوجته يدل على نوع من التعاون ..ولو حتى بالبسيط من الاشياء .. بشكر حضرتك مرة تانية .. |
سأقوم بالتعليق علي مساعدة الرجل لزوجته في أعمال المنزل , أما عمل المرأة فرأيي فيه معروف ( ضد ) .
هناك فرق كبير بين المساعدة في العمل المنزلي وبين فرض عمل معين علي الزوج القيام به في المنزل , وهذا ما يتم الخلط به لدي الكثير من الناس !! مساعدة الزوج تعني أنه ان قام بعمل ما في المنزل دون أن يطلب منه أو يفرض عليه , فهو مشكور علي ذلك , ولا أحد يعترض أو يختلف في هذا الأمر . أما أن يكون الزوج مسئول عن القيام بعمل ما في المنزل ويجب عليه أن يؤديه هو , وان لم يؤديه فلن يتم هذا العمل , فهذا ليس من المساعدة في شيء , بل هو الفرض !! وهذا ما أنا ضده ولا أراه صواباً للرجل , بل ينتقص من رجولته ويسقط من عين زوجته أيضاً ( مهما قالت وادعت النساء غير ذلك ) !! المساعدة تبقي مساعدة وليست فرضاً يجب علي الزوج القيام به , فهو لديه من الواجبات الأخري ما هو ملزم بتأديتها . وأكرر مرة أخري : يجب أن نفرق بين المساعدة وبين فرض عمل معين علي الزوج لأن الكثيرين جداً يخلطون بين الأمرين !! |
اقتباس:
شكرا لرد حضرتك ..وبالنسبة الى عمل المرأة فلكل شخص وجهه نظره .. أما بالنسبة لمساعدة الرجل .. اكيد لما الزوج بيساعد زوجته فى عمل المنزل بيبقى نوع من التعاون واكيد التعاون بيبقى من غير فرض .. واكيد المساعده بحدود لان البيزيد عن حده ينقلب ضده .. شكرا لرد حضرتك مره ثانية .. |
اقتباس:
كلام جميل , لكن كان نفسي تذكري بعض الأمثلة علي المساعدة حتي يكون مفهوم المساعدة واضح ولا يحدث أي خلط بينه وبين الفرض , لأن الخلط موجود بالفعل لدي الكثير من الفتيات والنساء . وهل يجب عليه أن يقوم بالمساعدة بصفة منتظمة أم لا ؟!! |
مساعدة الرجل زوجته فى المنزل
شى ضرورى وأساسى بكل تأكيد ولا ينتقص من قدر الرجل شيئا بالعكس يزيد |
انا رايى ان مساعدة الزوج لزوجته حسب رغبة الزوج يعنى مثلا لو هو بيحبها اكيد لو شايفه تعبانة هيساعدها لكن هى مستحيل تطلب منه انه يساعدها لان عمل المنزل هو واجب على المراة
|
انا مع انو الرجل يساعد زوجته في البيت لانهم الاتنين عايشين مع بعض وهو مش بيتا لوحدها وكمان مش هيه بني ادم اكيد بتتعب من الشغل وحتروح البيت تعمل اكل وتدرس الاولاد وتنظف البيت فهاد كلو عليها لوحدها حرام ظلم فيبقى من العدل انو يساعدها شوية في اللي يقدر عليه ما بنقول كل الشغل عليه لو زاكر لولاده متلا او عمل شي بسيط المهم يساعد حتى يحسس هالمسكينه الي محتاسة في البيت انو قلبه معاها .
|
ياريت هما بس يعملوا حاجاتهم الخاصة بيهم مش لازم يساعدو .. لو كل واحد اهتم بأموره الخاصة وعملها يبقى كدة تمام اوي وربنا يخليه كمان .. احنا مش طماعين والله .. :d مع ان وجهة نظري فالموضوع ان مش مشكلة ان الراجل يساعد فالبيت .. وده لا ينتقص من قدره شيئا بل يزيده والله .. واحيانا بتبقى المساعدة والمشاركة الوجدانية بردو تكفي بس لا بنشوف ده ولا ده .. :d يعني مثلا : ليه مش يعمل لنفسه مثلا كوباية الشاي ؟ يكوي هدومه ؟ يساعد فحط و فشيل الاطباق من على السفرة ؟ حاجات بسيطة مش بتكلف وليها اثر كبير والله .. بس طبعا مع تحفظي على الموضوع ده في بعض الاحيان والحالات .. ومرسي عالموضوع الجميل ياقمر .. |
احنا عايزين الحكم يبقى واقعى
فى فرق بين القرية والمدينة والصعيد وبحرى ... لكن التعليم والثقافة تقريبا جمعت الجيل الجديد تحت خط واحد فى رجالة - جافة - شايف انه مش راجل لما يعمل كده ... ممكن ولو انى ما اعرفش حد كده لكن فعلا فى رجالة كتير بيساعدوا زوجاتهم خاصة لو تعبانة او فى شغل كتير او ....او حتى بدون اى ظروف وده طبعا مش عيب ولا حرام ..... وده رايى " خيركم خيركم لأهله " لكن الواضح ان فى بداية الزواج بيكون كل طرف عايز يبدأ صح وبيكون التعاون ده ثمرة الحب والسعادة لكن بقى مع الوقت وممكن ضغوط العمل والحياة بيكون المنزل للزوج مكان راحة وبالتالى صعب يجيب لنفسه كوب مياه ... |
اقتباس:
طبعا نوع المساعدة لازم يبقى نابع من الرجل نفسه ..بدون اي فرض .. وانا مش شايفه انو يساعد بطريقة منتظمة ..بس على الاقل يساعد ولو عنده شغل كتير مثلا ... يساعد قليل ولو حتى في اجازات اخر الاسبوع ..وده من احدى انواع التعاون .. وشكرا .. |
اقتباس:
كلام صحيح ..شكرا لرأي حضرتك .. |
| جميع الأوقات بتوقيت GMT +2. الساعة الآن 10:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.