|
لعموم الفائدة:اكتب تجربة مريت بيها؟
السلام عليكم ورحمه الله وبركاته بصراحه جاتلي فكرة مش عارف هتعجبكم ولا مش هلاقي منها تشجيع كلنا وبلا شك مرينا بالعديد والعديد من التجارب منها العاطفيه (الناجحه،الفاشله،....)ومنها غيرالعاطفية...... من تجارب الحياة ...طيب بما ان عندنا تجارب يبقي اكيد استفدنا منها صح؟؟؟ واتعلمنا منها دروس وعبر.. الفكرة ان انا أتمني من كل عضو مر بتجربه مفيده يدخل ويحكيهالنا عشان الكل يستفيد وهتبقي حاجه كويبس عشان لما نكون في مواقف مشابهه نعرف هنتصرف ازاي ولو عملنا كده كل واحد حكي تجربه من واقع حياته اكيد هنستفيد استفاده كبيرة جدا فأرجوا ألا تحرمونا من هذه الاستفاده حتي نستطيع التعامل مع مثل هذه التجارب لو مرينا احنا بيها..... واكيد هيظهرلنا الصح من الخطأ!!!! ملحوظه:احكي تجربة....موقف....حادثة شاهدتها بعنيك(مش لازم تكون طرف فيها) منظر اعجبك..منظر لم يعجبك(في الشارع...في الكليه..في أي مكان) تصرف عملته غلط وعرفت الصح....تصرف زميل ليك ونتيجته...موقف مع طبيب من الاخر أي حاجه مرت عليك ولو كانت تافهه من وجهه نظرك أو صغيرة جدا فلا تحرمنا من الاستفاده منها وفي النهاية تقبلوا مني فكرة الموضوع،،وشكرا |
فكررة جميله جداااا
ويسعدنى اكون اول واحده ارد الموقف بقى ايه ؟ انا شفت موقف حزين جدااا مرة كنت واقفه فى ( بلكونه ) بيتنا والجو هادى جدااا ناس ماشيه وناس رايحه والحياة عاديه وفجأه لقيت واحد بيشد واحده من شعرها مش عارفه بقى امه ولا اخته ولا مراته ولا ايه بالظبط ؟؟؟؟؟ وبقى كل شويه يدفعها بقسوة وكنا فى الشتاء وهو بقى يوقعها فى الميه اللى على الارض ولما طلبت منه انها تعدل الطرحه بس زعالها جااامد ومسك عصايه من الارض وضربها على جسمها طيب المصيبه مش فى كده.......... المصيبه ان فى رجاله كتيييرة وهو مفرود مانقولش عليهم رجاله يعنى كانوا قاعدين بيتفرجوا كانها مسرحيه طيب فين الرجوله ده حتى مفيش واحد قاله بتعمل ايه ؟ وكده علنى فى الشارع انا رايى انها مهما عملت ما يستحقش كده وشكرا على الموضوع |
اقتباس:
فعلا دي حكايه وتجربه محزنه لو عملت ايه؟؟برضو ماتستحقش يعمل معاها كده لأ وايه وسط الشارع والناس شايفه علي عينك ياتاجر زي مابيقولوا حسبنا الله ونعم الوكيل في أمثاله ومانعرفش ايه الحكايه طبعا؟؟ماكناش بنشوف حجات زي دي ايام جدي وجدك الناس المحترمه دول...الناس اتغيرت 360 درجه طبعا 360 درجه بس عشان مافيش اكبر من 360:) وشكرا أختي الفاضله علي مرورك ودي حكايه اتعلمنا منها ان الدنيا لسه بخير!!!:confused::( |
واله الموقف الي ان هحكيه حصل قريب كنت جالسه مع مجموعة من الزميلات والكلام جر كلام وبدات الحكاية عن الفلام الجنبية واسماء الممثلين الاجانب وطبعا مكنتش عرفه اسم حد طبعا مش عيب العيب ان يتوجه ليك توبيخ انك متخلفة وقفلة لاني معرفش الممثلين دول ولكن حبيت افكر اخواتي بالهوية وحكيت قصة عن طفل يتيم رفض جاره ان يبيعه نخلة بين بستان كل منهم وحتى لما طلب الرسول من الرجل ان يعطيه له رفض وكان مع الرسول صحابي جليل ....... فقال الرسول للرجل اعطه النخلة ولك مكانها في الجنة فرفض الرجل ولكن الحال مع الصحابي اختلف فقد قا يارسول الله لو اعطاه النخلة فله واحدة في الجنة قال نعم فذهب الصحابي الى الرجل وقال له انه يريد ان يشتري النخلة مقابل بستانه المكون من 600 نخلة وبالفعل تمت الصفقة واطى الصحابي النخلة لليتيم ليتم بناء حائطه فقال له الرسول " كم من عرق رباح في الجنة ل00000000" فما اسم الصحابي والله ياجماعة ولا واحدة عرفت اظن دا شيء محزن لما نعرف اسماء الفسقة والكفرة ولا نعرف اسماء الصحابة
|
دي فعلا مأساة ومشكلة بنواجهها الايام دي
ان احنا حافظين اسماء الممثلين ولاعيبه الكورة لا ولما واحد فينا يحب يتنطط علي صحابه يخش علي اسماء الممثلين الاجانب ولاعيبه الكورة المحترفين في العالم والله دي خيبه كبيرة ربنا يسامحنا عليها ويهدينا جميعا..... جزاك الله خيرا أختنا الفاضله أم عبدة علي ماقدمته لنا من موقف له بالطبع في أنفسنا أثره الواضح ويعلمنا أن نراجع أنفسنا في ثقافتنا من أين نأخذها؟وكيف ننميها؟وعلي أي أساس نقيس تحضرنا؟؟مشكور بالنيابه عن باقي الاعضاء مين اللي بعــــــــــده شاركونا تجاربكم ومواقفكم!!!!!! |
حصل في يوم ان لقيت نار فظيعة قريبة مننا
لقيت البيت اللي جانبنا آخر دور بيحترق المشكلة مكنش حد ف البيت كنت ناوية انزل بس لقيت رجال كثير جداا دخلوا ف الموضوع وميه وحاجات كثير المهم كان فيه شابيين ف الموضوع مش من شارعنا اصلا بصراحة اول مرة اشوفهم ف شارعنا... كان مع الشابيين دول دراجة نارية بسرعة راحوا المطافي وجابوا رجال المطافي وجابوا سلم وبمساعدتهم النار انطفت ... بجد كانت حركة محترمة من ناس مش تعرف اصلا الناس اللي تعرضت للنار دي..!! المهم ان كان فيه واحد واقف ف البلكونة ومش نزل حتي يساعد وهو يعرف الناس!! فيه ناس عندها جدعنة وشهامة وناس تانية ..... شكراا |
كام واحد هيصدقني لما اقول كده؟؟
كان المفروض أبدأ بنفسي ولكني فضلت غير
كده عشان أشوف مدي الاقبال علي الموضوع والتشجيع.... الموقف كالاتي: 1:التعريف بنفسي:مدرس ماده الرياضيات 2:المكان:فصل أولي اعدادي بمدرسة اعدادية 3:الزمان:الترم الاول سنه2010 هذه الايام 4:مضحك ومؤسف جدا...... وانتوا كملوا لما تسمعوا مني 5:الحكايه اني جيت كالعاده وزي اي مدرس بدات في شرح حصتي عادي جدا وكانت الفترة الاولي في فصل 1/1 الاعدادي وجدير بالذكر ان المدرسه بها 3 فصول فقط:d فصل لكل صف دراسي:blush:المهم قاعد انا والطلبه في أمان الله وانا مندمج في الشرح وهم منقسمين منهم المندمج معايا وبيشاركني ومنهم اللي مش في دماغه زي اي مدرسة مصريه متطورة وفجاة وبدون سابق انذار تخيلوا ايه اللي حصل..... الاقي راجل من خارج المدرسه بيطلع دماغه من شباك الفصل وبيقول لأحد التلاميذ ماتنساش ياهاني تجيبلي..... الفصل كله طبعا عيال بقي قعدوا يضحكوا علي اللي حصل ماكدبش انا كمان ضحكت بس من جوه هتجنن بقي في صرح تعليمي في العالم موقر زي المدرسه يحصل فيه زي ماحصل معايا.......علقوا براحتكم وشاركونا تجاربكم وشكرا وأرجوا الاستفاده وهناك مزيد من المواقف والتجارب |
سورى بس من غير زعل
دى أساسا مش شكل مدرسة يعنى ايه مدرسة 3 فصول ومدرسة اعدادى كمان نتكلم جد شوية أنا معاك ان التصرف ده غلط مليون فى المائة لأن المفروض يبقى فى احترام شوية ده على الأقل هنعتبره مكان للحصول على العلم يعنى زمااااااااااان مش كان فيه مدرسة بس الناس كانت عايزة تتعلم والمشكلة ان الاهالى هما اللى بيعلموا ولادهم على السلوك اللى بيحصل ده يعنى أكيد عمو اللى دخل دماغه من الشباك ده أكيد أبو هانى اللى فى الفصل المفروض يستأذن وأكيد حضرتك مش كنت هتقوله لأه لو قالك ممكن أقول حاجة ل هانى |
انا مش هاتكلم كتير
عايزة اقول ان مفيش حاجة اسمها صداقة اليومين دول انا كان ليا صحبتى ومن ابتدائى قضيت معاها اجمل ايام حياتى 18 سنة ودلوقتى بحاول امحى ال 18 سنة دول من زاكرتى عارفة انه صعب بس ادينى بحاول بعد كل حاجة حلوة عملتها معاها وبعد كل الثقة اللى عطتها ليها خانتنى وبالقوى داست على كل حاجة بيننا وانا اكتر حاجة بتوجعنى الخيانة نصيحة منى محدش يثق فى حد غير والدك او والدتك هما دول اللى بيحبونا وبيخافو علينا بجد |
اقتباس:
ان صديقتك خانتك ان مافيش صداقه..انا عارف ان دي حاجه صعبه جدا جدا علي اي حد..بس برضو نرجع ونقول مانخدش العاطل في الباطل..احنا طبعا مش عرفنا نوع الخيانه:excl:ولكن مهما كانت يبقي صديقتك دي هي اللي مش تستحق الصداقه وليست الصداقه هي التي تستحق ألا نوجدها بالعكس احنا لازم ندور علي اصدقاء طول الوقت..لان الاب والام مهما كانوا مش دايمين لينا بعد عمر طويل ربنا يحفظ جميع ابائنا ويعطيهم العفو العافيه يارب وشكرا ع مروركم الذي اسعدنا ونتمني الدوام علي عمل الصداقات المثمرة |
اقتباس:
ان المدرسه 3 فصول بس اكيد هيرجع لكثافه السكان في المنطقة اللي فيها المدرسه مش اكتر!!يعني مالوش علاقه باهتمام الناس بالتعليم في المكان ده.. دي حاجه الحاجه التانيه ده مش ابو هاني ولا حاجه وبعدين اللي ماتعرفيهوش انه مادخلش المدرسه من البوابه بتاعتها ده دخل المدرسه من جزء مكسور من السور الخلفي للمدرسه زي فتحه كده...ده توضيح انا بس استغربت من تعامل الراجل ده مع المدرسه معقول فيه جهل للدرجادي!!!! |
اقتباس:
يعني لو احنا قاعدين في منطقه واحده الاولي ان المساعده تيجي من الجيران مش نستني حد غريب يمر بالصدفه البحته عشان يساعدنا طبعا ده كله من تدابير ربنا ماحدش بيدخل فيها..ربنا يكتر من امثال الناس دي اللي زي الشباب ونعمل كلنا نفس عملهم اما اللي اتفرج دول مش نسميهم ناس اساسا وشكرا جزيلا علي مرورك الكريم الذي اسرنا واسعدنا |
مشكور
مشكورمشكور مشكورمشكورمشكور مشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكورمشكور مشكور مشكورمشكورمشكورمشكورمشكور مشكورمشكور مشكورمشكورمشكورمشكورمشكور مشكورمشكورمشكور مشكورمشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكور مشكورمشكورمشكورمشكور مشكور مشكورمشكورمشكورمشكورمشكور مشكورمشكورمشكورمشكور مشكور مشكور مشكورمشكورمشكورمشكورمشكور مشكورمشكورمشكورمشكور مشكور مشكورمشكور مشكورمشكورمشكورمشكورمشكور مشكورمشكورمشكورمشكور مشكور مشكورمشكورمشكور مشكورمشكورمشكورمشكورمشكور مشكورمشكورمشكورمشكور مشكور مشكورمشكور مشكورمشكورمشكورمشكورمشكور مشكورمشكورمشكورمشكور مشكور مشكور مشكورمشكورمشكورمشكورمشكور مشكورمشكورمشكورمشكور مشكور مشكورمشكورمشكورمشكورمشكور مشكورمشكورمشكورمشكور مشكورمشكورمشكورمشكورمشكور مشكورمشكورمشكور مشكورمشكورمشكورمشكورمشكور مشكورمشكور مشكورمشكورمشكورمشكورمشكور مشكور مشكورمشكورمشكورمشكورمشكور مشكورمشكورمشكورمشكور مشكورمشكورمشكور |
اقتباس:
لا حرمنا الله من مشاركاتك |
بارك الله فيك
انا ميرت بتجربة وكانت فيها عبرة عظيمة وانا ذاهب الى مدراستى فى الصباح وكالعادة انتم تعلمون اننا نذهب فى المواصلات انا قلت السائق هيجله فلوس والعبرة ان كل الراكبين لم يكن معهم فكة فلم يدفعوا له وتيقنت ان الرزق بيد الله يؤيته من يشاءhttp://www.alrahmh.tv/pics.aspx?key=Adv&ID=42&Ext=.gif |
| جميع الأوقات بتوقيت GMT +2. الساعة الآن 11:00 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.