|
بطـــلوا يابنات!كفايا معاكسات!!برضو مش هيتجوزك!!!
السلام عليكم ورحمه الله وبركاته تحت كل خطر دائما مانضع خطا احمر ولكن دعوني اضع هذه المرة خطوطا حمراء........... أهلا بحضراتكم أخواني وأحبائي مديري ومشرفي وأعضاء منتدي بوابة الثانوية العامة المنتدي الذي له في قلبي:wub: كل الاحترام والتقدير وله علي لساني كل الشكر والعرفان والاعتراف بالجميل...بجد مش عارف ابدأ منين.. .لان الموضوع مستفز جدا جدا:angry: لا وأصبح ظاهرة واضحه وضوح الشمس في الافاق وللاسف وأقولها بكل تحسر وأسي شديدين ربما أصبح عادة عند بعض البنات ممن ضحك عليهن مظهرهن ومفاتنهن وغرهن جمالهن وحسنهن بل تخطي الموضوع ذلك بمراحل عديدة حتي وصل لمن لاتملك من الجمال شيئا او من الحسن وخفه الدم ذرة. .وأصبحت تقلد زميلاتها من البنات في تصرفاتهم.. .باختصار لعلكم لاحظتم في هذه الايام ان شئتم قولوا السنوات الاخيرة ان هناك من البنات من يقومون بمعاكسه الشباب والله هذا يحدث لمن لا يعرف اقولها وبصراحه وعلي مرأي ومسمع من الجميع ان من البنات من تخطت حدود الادب مع نفسها ومن قبل تخطت حدود الادب مع الله وبدات هي تعاكس الشباب وتتصنع الحيل منها لتلفت انظار الشباب اليها..وتتفنن في اظهار بعض مفاتنها ان لم يكن معظمها في اغراء الشباب حتي يسهل عليها الايقاع بهم فريسه في شبكة صيدها فما الداعي لذلك حتي تتجرا البنت وتقوم هي بالمعاكسه التي نشن عليها حربا من قبل الشباب الذين لايتركون المعاكسات فكيف نتصرف والذي يعاكس في هذه المرة هي البنت نفسها....هنا من يستطيع ان يلوم شابا يمشي مع فتاة وربما في الليل المتأخر احيانالاهداف بذيئة في دماغهم اذا كانت هي ترضي بذلك فما الذي اوصل الفتاة الي هذا المنعطف الخطير فقد حدث معي مثل هذا الموقف منذ سنوات عديدةعندما كنت في الصف الثاني الثانوي:bosyht9: ناهيكم عما يحدث داخل الكليات والتي نسميه (الحرم الجامعي) ال حرم ال....... نسميه حرام جامعي والله:blush: المهم علمت من بعض اصدقائي المقربين ان من الامهات من يشجع بناتهن علي مثل هذا التصرف حتي تضمن لنفسها عريس المستقبل فهي تحاول جاهدة استقطاب الشباب لها فلربما وقع احدهم في حبالها وزاد وقوعه وربط نفسه بها وتقدم لها وهذا مالا يحدث في الواقع ايتها المسكينه (انتي فاكرة بعد مايمشي معاكي هيتجوزك:confused: ) لا تسمعي لكلام امك ان كانت من هذا النوع من النساء ولا تقلدي زميلاتك ان كن من هذا النوع الرخيص ولكن اصبري فلن يصيبنا الا ماكتب الله لنا.....أيتها الجوهرة الغاليه انتي اساس المجتمع فلا تكوني سببا في هدم مجتمع لم يبدأ بعد!!!:( |
كلامك معناه كل بنات مصر ماشية تعاكس فى خلق الله
والامهات بتحرضهم على هذا اتق الله وبلاش مبالغات كلامك فيه تهويل |
اقتباس:
انا اتكلم عن فئه معينه من البنات(قلة او كثرة) ليس علي البنات كلهم فقد حددت موضوعي بانني تكلمت عن البنات اللواتي يظهرن مفاتنهن لينالوا من الشباب ويستدرجونهن لمعاكستهن فماعلاقه ذلك بباقي البنات المحترمات اكثر الله من امثالهن..انت حضرتك لو رحت اي جامعه ومش هحدد جامعات بعينها عشان مافتحش حوارات اخري تبعدنا عن الموضوع الاساسي... هتلاقي بلاوي والله وهتعرف ان كلامي ده موجود ومش لازم يكون جامعه في اي مكان معرض يحصل كده... أشكرك اخي الكريم علي مرورك واتمني ان تفهم ما أقول ولا تخلط الامور ببعضها |
نعم هذا يحدث فى أحيان كثيرة
هناك الكثير من فتيات المحروسة يعاكسن شبابها وحتى فى أعماق الريف المصرى تعرضت لهذا الموقف المحرج شكرا على الموضوع |
السلام عليكم
صح هو البنت هي الغلطانة في الاول والاخر بس طبعا مش كل ولا حتي معضم البنات بتعاكس الشباب في بنات كتيرة محترمة والحمد لله انا صح مقبلة ع دخول الجامعة بس انا في ثانوي مشفتش بنت بتعاكس ولد ممكن الجامعة يكون فيها كده بس انا مشفتش الصراحة بس في الاول والاخر البنت عليها اكبر غلط هي اللي بترخص نفسها ع تعجب شاب او توقعه حاجة غريبة بجد البنات دي تسئ لينا ربنا يهديهم وشكرا علي طرحك لهذا الموضوع |
جزاك الله خيرا اخي
فعلا هالاشي موجود بمجتمعاتنا, وهاد مش معناه ان البنات بيعاكسو الشباب مش انهن يركضوا وراهم ويهمسوا بالكلام ممكن انو المعاكسه بالمشي او اللبس او اي شي تاني غير هيك , فيه اشيا كتير فظيعةصعب انو نتطرق الها لخصوصية الموضوع وما خفي كان اعظم تقبل مروري وتحياتي |
وعليكم السلام ورحمة الله وبركاته
بصراحة انا مش عارفة اصدق ولا لا!!!! انا مرة كنا بنصور ورق انا واصحابي من مكتبة في 2ث ولقيت بنت وواحدة كمان كانوا في ثانوي تجاري باين وكانوا بيعاكسوا ولدين ... بصراحة انا كدبت عيني وقتها قلت اكيد ياما مش شفت ياما سمعت غلط.......... لحد اللحظة دي مش قادرة استوعب الموقف !! |
اقتباس:
بس عشان احنا محترمين ومتربيين ع الدين بنستغرب ازاي ده وصلنا احنا كمان!!!وشكرا علي مرورك العطر كما أثبت لنا تجربتك في هذا الموضوع فمعلوم كلما تحدث الشخص بتجربه واقعيه كان كلامه أقرب للتصديق |
اقتباس:
طبعا مش كل البنات نتمني انهم مش يزيدوا عن كده نسأل الله العافيه...اللهم امين يهدينا جميعا لطاعته ربنا يوفقك في دراستك الجامعيه وأنصحك كأخ كبير انك تقفي مع نفسك تقفلي علي نفسك الأوضه بالضبه والمفتاح وتكتبي أهدافك اللي انتي عايزة تحققيها خلال فترة الجامعه ومش معني كلامي اهداف دراسيه فقط لا طبعا انا اقصد اهداف في جميع جوانب الحياة(من دراسة، وصداقات،وعلاقات مع الغير،.......)عشان تكوني عارفه هدفك وماحدش يقدر يمشي كلامه عليكي او بمعني أدق يأثر عليكي بالسلب...اشكرك شكرا جزيلا علي المداخله الرائعه |
اقتباس:
بمجتمعاتنا العربية...لما كنا بنشوفه في اوروبا وامريكا بنقول عادي دول مش فارقه معاهم مين بيعاكس مين:confused: انما موجود عندنا احنا تبقي دي مصيبه والله... أشكرك شكرا جزيلا علي مرورك الكريم أسعدنا قراءة ردك |
كلامك كويس جدا بس عندي تعليق بسيط
1- معظم بنات مصر محترمين جدا ومن اسر تعرف الاصول العربية والاخلاق الحميدة 2- بعض البنات لهم تصرفات في اسلوب حياتهم مش كويسة ممكن مثل ما قلت وانا بقول هذا سببة تسيب في البيت اللى البنت خارجة منة فالاب والام هما سبب هذا التسيب نرجوا من كل اب وام ان يراعوا الله تعالى في تربية اولادهم والزواج قسمة ونصيب وشكرا.. |
انا سمعت كده كتيربس انا ماشفتش
وربنا يستر علينا كنا بنسمع ان الولد بيعاكس ونقول ياه ياساتر ربنا يستر ويحافظ على بناتنا لكن لما البنات هما اللى بيعاكسوا نقول ايه خلاص الدنيا مابقاش فيها امان وربنا يرحمنا برحمته |
اقتباس:
ماحدش قلك يعني عايزة ايه بعد كده عشان تصدقي وانا حصل معايا برضو ومع زميلنا بالمنتدي هاني الشرقاوي زي ماهو تفضل وقال في مشاركته!!!اكيد المصيبه لما بتزيد حجمها بيبقي صعب ع العقل انه يستوعبها بسرعه لكن للاسف هذا هو الواقع وهذه هي الحقيقه فماذا سنصدق الخيال!!!!!شكرا جزيلا أختنا الكريمة علي مرورك العطر الذي أسرنا بتجربه واقعيه.... |
فعلا والله الكلام ده بيحصل
بكل بساطة ان الناس بعدت عن دينها وعن طاعة ربنا ومعدش في تربية زي الاول هي لو البنت والدها وولدتها مربينها كويس هتعمل كده وانا فعلا والله شفت الموقف ده علي كذا مرة وكنا انا وصحابي بنضحك ونتكلم علي البنات ديه ونقول معقولة في كده بقي الولد مبسوط جدا ان البنت بتغمزله حاجة بجد استغفر الله العظيم يارب ارحمنا برحتمك يارب وبجد موضوع حضرتك جميل جدا تقبل مروري |
اه احنا ممكن نستغرب من اللى بيحصل ده لكن بيحصل فعلا
اذا كان حصلت ان بنات بتعاكس بنات زيها مش هتوصل ان بنات تعاكس شباب هو فى الاخر او الاول انحطاط فى اخلاقهم وان مفيش اى تربية مش عارفه بيفكروا فيها ازاى دى والله احيانا بزعل عليهم وبدعيلهم بالهداية واحيانا تانية بشفق عليهم فعلا وبفكر ايه اللى بيوصلهم لكده ؟؟؟ بس مش معقول ان ام تقول لابنتها عاكسى شاب مهما كانت الام !!دى غريبة دى شوية ومبالغ فيها ؟؟ بس باى شكل لو انعدمت الاخلاق فلنتصور اى شئ ممكن يحدث اذا لم تستح فاصنع ما شئت هذا خير رد على ما يفعلوه |
| جميع الأوقات بتوقيت GMT +2. الساعة الآن 06:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.