|
مش لاقى عنوان يوصف الحزن اللى انا فيه
بسم الله الرحمن الرحيم السلام عليكم ورحمه الله وبركاته قبل ما تقرأ لازم تقرأ للأخر متقولش الكلام عادى عشان هو مش عادى جاء رجل الى الرسول الكريم محمد صلى الله عليه وسلم وقال له :يارسول الله من احق الناس بصحبتي ورعايتي ؟؟؟ فقال رسول الله صلى الله عليه وسلم أمك قال ثم من ؟؟؟ قال رسول الله أمك قال ثم من ؟؟؟ قال رسول الله أمك قال ثمن من ؟؟؟ قال رسول الله أبوك وقد جاء أيضا ً قول الله سبحانه وتعالى فى كتابه العزيز بسم الله الرحمن الرحيم قال الله تعالى:{وقضى ربّك ألا تعبدوا إلا إياه وبالوالدين إحسانًا . إمّا يبلغنّ عندك الكِبر احدهما أو كلاهما فلا تقلْ لهما أفٍّ ولا تنهرهما وقل لهما قولاً كريمًا واخفض لهما جناح الذلِّ من الرحمة وقل ربِّ ارحمهما كما ربّياني صغيرًا} (سورة الإسراء 23-24) . صدق الله العظيم والجميع منا يعلم أنه يوم وفاة أمه يأتى ملك ينادى فى السماء ويقول مات يا بنى آدم التى كنت تكرم من أجلها فإعمل عملاً صالحاً كى تكرم من أجله فما العجيب بعد كل هذا أن تكون الجنه تحت أقدام الأمهات أيضا فى إحدى الغزوات جاء رجلا إلى رسول الله يود الإشتراك فى المعركه فقال له رسول الله ألديك أم قال نعم قال إذهب وقم بخدمتها فهى أولك بك أنا عارف إن معظمكم دلوقتى عمال يقول طب كل ده إحنا عرفينه ايه بقه الجديد وايه اللى خلاك مسمى الموضوع بالإسم ده بس متستعجلش دى بس كانت المقدمه عشان الكل يعرف قيمه الأم والأب يا جماعه أنا إمباح وأنا قاعد أفطر وجعان بقه ونفسى مفتوحه وهاكل بقه ومش هقوم فجأه بفتح التلفزيون ويارتنى ما فتحت ويارتنى ما كان عندنا تلفزيون أصلا كل طبعا عاوز يعرف أنا سمعت ايه سمعت حكايه غريبه وعجيبه إن فى إحدى المحافظات المصريه وجدت إمرأه عجوزه راقده على فراشها جثه هامده محدش عرف إنها ماتت غير بعد 3 شهور من وافتها وجدوها عباره عن هيكل عظمى ميته نتيجه زبحه صدريه عارف إن الكل دلوقتى بيقول بقت بتحصل كتير وعادى سمعنا ده كتير بص بقى اللى عمرك ما سمعته ولا تخيلته إن الأم اللى ماتت دى لها إبن وساكن فى الدور اللى تحتها مباشره عارف ده معناه ايه إنك يبقى ليك أم وساكنه معاك فى نفس البيت فى الدور اللى فوقك وتموت وإنت متعرفش إنها توفت لمده 3 شهور أنا بصراحه لحد هنه ودمى إتحرق ومش هعرف أكمل ومش لاقى كلام يوصف اللى أنا فيه من الحزن والغم والقهر هسبكم إنتم تتكلمو وتقولو اللى إنتو حستوه |
ممكن اسمي الموضوع
احرق قلب امك ولا تخاف من ربك ولا تحترم امك ومش عارف ده انسان ولا شيطان ربنا يغفر له بقي |
شكرا يا سادات على الموضوع
بجد حاجة تحرق الدم يعنى ايه والدته معاه فى نفس البيت وميعرفش انها ماتت هو قلبه اسى للدرجة دى يعنى حتى مفكرش يسال عليها ولو مرة فى الثلاث شهور دا ميستحقش ان ربنا يرضا عليه لان رضا الوالدين من رضا الرب ( وبالوالدين احسانا) فعلا معدش فى الدنيا احسان الناس بيضربو امهاتهم دلوقت حقيقى قصة ماثرة يا محمد ربنا يرحمها ويعوضها ابن خيرا من ابنها شكرا يا محمد على الموضوع |
لا حول ولا قوة الا بالله الواحد بقى يسمع عن المصايب اكتر مابيسمع عن الحاجات الكويسة الله يرحمك يا جدتي
هي الناس جرالها ايه ؟ |
لا حول ولا قوة إلا بالله
|
قد كده الناس بقى ما عندهاش دم
3 شهور ما يسألش عن امه وهى فى الشقة اللى تحته!!!!! امال لو كان مسافر بره كان ها يسأل عليها كل قرن مثلآ!! لا حول ولا قوة الا بالله |
والله يا سادات حاجة تحرق الدم
وهو كان فين يعنى لما امة ماتت من 3 شهور وازاى واحد تبقى امة كبيرة فى السن ويسبها الفترة دى منغير ميطمن عليها يلا ربنا يرحمها ويغفر لة |
ياعم ده راجل بيستهبل
يقعد 3 أشهر ميسألش عن أمه ويعالم قبل كده كان كام شهر ولا كام سنة لا حول ولا قوة الا بالله الناس حصل ليها ايه أنحن خير أمه أخرجت للناس؟؟ شكرا على الموضوع اللى حرق دمى بس ملكش ذنب ياسادات |
ربنا يسامحه
ويغفرله شكرا يا سادات |
ربنا يهده
طب هو عارف ماتت مبسوطة منه مضايقة داعياله داعية عليه ازاي يجيله قلب ميسألش على طنط مامته تلت شهور ده ايه مش عارف في كيس |
لا حولة ولا قوة الا بالله العلي العظيم ...............حرام عليه بس ازاي موحشتوش امو 3شهور مانا ماما معيا و بتوحشني ..........................
|
انتا لسا فاكر تتكلم في الموضوع دا !!
اظن كان من شهور كتيرة :) |
لا اله الا الله
لا حول و لا قوة الا بالله |
علي فكرة انا بالذات في الايام دي عرفت قيمة الام بجد
وعرفت لية ربنا قال الجنة تحت اقدام الامهات وعلي فكرة بجد بجد كلنا معندناش دم بسبب الي احنا بنعملة موضوع جميل |
والله يا محمد لو جيت تدور على الحوادث هتلاقى امر من كده ما فيش خير خلاص دانا قرات بردو حادثة كانت الام والبنت عايشين مع بعض وكانت البنت معوقة والانتين ماتوا بردو وهما قاعدين مع اخواتهم فى نفس البيت وبعد اسبوع على ما اكتشفوا هذه الواقعة ياعم ربنا يعدينا منها على خير وشكرا للموضوع الجميل ده يا محمد وجزاك الله كل خير |
| جميع الأوقات بتوقيت GMT +2. الساعة الآن 03:10 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.