|
كيف تذاكر التفسير والحديث
بسم الله الرحمن الرحيم النهارده موضوع صغير كده للناس الى بتشتكى من انها مش عارفة تحفظ الحفظ عموما مهم جدا زاهم من الفهم بالنسبة للطالب الازهرى وكتير من الطلبة اتقنوا الحفظ مع قليل من الفهم فى بعض المواد مثل الرياضيات والفيزياء وكانت النتيجة حصلوا على مجاميع ممتازة وتفوق من اعتمدوا على الفهم فقط وانطلاقا من هنا اقدم لكم باذن الله طرق للحفظ والتغلب على النسيان وضعف الذاكرة اولا : عقلك والحفظ ان عقلك يختلف عن عقلى يختلف عن عقل الاخرين لكل من عقل يفكر بطريقه مختلفة كذلك كل عقل يحفظ بطريقة مختلفه ونسبة اتقان الحفظ متفاوته من عقل الى اخر فنجد بعض الاشخاص عبقرى فى الحفظ فلا تعتقد ان طريقة حفظ صديقك تنفعك بل هناك طريقة خاصة بك كى تحفظ بها ثانيا : طرق الحفظ ( جربها واختار افضل طريقه تجعلك تتذكر اسرع ) 1- الطريقه الاولى وهى ان تجلس على مكتبك وتجزء الصفحة الى اربع اجزاء وتحفظ كل جزء على حدة بأن تكرره 10 مرات قراءه و5 مرات تسميع 2- الطريقه الثانية : هى ان تحفظ جملة بجملة وهذه الطريقه تحتاج لتركيز شديد حيث تقرأ الجملة مرتين وتسمعها لنفسك 6 مرات وبعد كده تنتقل على الجملة التالية ولما تخلص الصفحه تسمعها لنفسك 3 مرات 3- الطريقه الثالثة : هى ان تضع عنوانا لكل قطعه فى الصفحه ثم حول هذا العنوان لسؤال ثم اكتبه بكراسه خارجية وهكذا كرر كل قطعه ثم اغلق الكتاب واجب عن الاسئلة التى بالكراس 4- الطريقه الرابعه : هى ان تقسم الصفحه الى قسمين تحفظ كل نصف لوحده وبعد كده تكتب النصف الاول وتحفظ الثانى وتكتبه ثم تحفظ الصفحه كلها سريعا مره اخرى وتقوم بكتابتها كاملة 5- الطريقه الخامسة : هى ان تنظر على الجلدة وتقرأ اسم مؤلف الكتاب وحاول ان تتخيل كيف يكون صوته ثم قلده واقرأها بصوت مختلف وتخيل نفسك المؤلف وتشرح هذا الكلام للطلاب حواليك وعيش . 6- الطريقه السادسة : ان تقسم الصفحه تلات اقسام وتقرأ كل قطعه على حده ثم تقرأ الثالثه ثم الاولى ثم الوسط ثم الاولى وهكذا يعنى عشوائى تقرأ فى القطع الثلاثه الى ان تحفظها . ملاحظات : يجب ان تختبر كل هذه الطرق والاختبار يكون عن محاولة تذكر ما حفظته بعد 24 ساعه ( لما المعلومه تخمر فى دماغك هههه على رأى احد المدرسين ) المراجع : كتاب يلا نجيب تقدير دورة مهارات التفوق الدراسى ليوسف خاطر كتاب استخدم ذاكرتك لتونى بوذان كتاب ثلاثون طريقه لتحسين قدراتك لهارى شو اسمح بنقل الموضوع ونشره وجميع الحقوق متنازل عنها لأن حق المعرفه مثل حق الحياه للانسان |
جزاكم الله خير
بس المشكله مفيش وقت نجرب هههههه لكن الله المستعان ربنا ييسر |
جزاك الله خيرا على نصايحك الحلوة دى
|
هههههههه جميلة جدا والله جملة لما تتخمر دى
على فكرة انا بعمل كدا ومخلصة المواد الشرعية بس المشكلة فى الحديث احفظة وبيطير معرفش لى انا فى 3 ثانوى ازهر |
يا جماعة المواد الشرعية والعربية جميلة جدا وانا مخلصهم من بدرى ولكن المهم افهم ثم احفظ مش دش وخلاص
|
جزاك الله خيرا ع المعلومات الجميلة دى بس طريقة وضع كل فقرة بسؤال بتبعها انا وخلصت الشرعى كله كده بس طبعا بعد فترة كل المعلومات دى بتتبخر نسبة الحفظ عندى ضعيفة انا افهم حلو اوووى بس حفظ لا
يلا ربنا يوفق الجميع يارب وتكون السنة دى كلها تقديرات ممتاز |
ياجماعه حد يفهمنى او يقنعنى بسبب يخلينى قعد على درس 3 ساعات احفظ فيه عشان يبقى بنص الكتاب
فحين ممكن فربع ساعه اكون فهماه واجاوب عليه كويس جدا ده انا ليه ناس زمايلى شغالين بمقوله الحفظ التام او الموت الزؤام وانا مش بعرف او صراحه بستسهل مش عوزه اهبط نفسى مدام المعلوم وصلت واعرف اعبر عنها |
اقتباس:
المقوله دى قالها ليا باشمهندس ازهرى وانك تحفظى بنص الكتاب من ساهل الاشياء اذا كانت قوة الحفظ عندك فى المعدل الطبيعى اما حضرتك مش بتستخدمى الحفظ كتير السنين الى فاتت فتلاقى الحفظ عندك صعب اوووى والحل انك تبدأى تدربى نفسك على الحفظ الموضوع اكيد صعب فى الاول لكن بعد كدة الموضوع هيبقى سهل الصفحه تحفظيها بالنص فى حوالى اقل من 10 دقايق لكن تدربى نفسك على الحفظ . ولازم اولا : التهيئة النفسية يعنى الوقت الى تحفظى فيه تكونى فى حاله مزاجية جيده بمعنى ( مزاجك رايق اوى ) وبعد كده الاستعانه بالله وتعتقدى اعتقاد قوى ان ربنا حيوفقك وبعد كدة تبدأى وانتى مصرة تحفظى ومتخافيش من الكتاب ابدا تتحديه وتبذلى اقصى جهد وافضل طريقه لتحسين مستوى الحفظ انك حتجيبى ساعة رقمية وتشغلى المؤقت وتحفظى صفحه وبعد ماتحفظيها زى اسمك تشوفى خدت وقت قد ايه وتسجلى الوقت ده فى ورقه وبعد كده تبدأى تحفظى الصفحه التانية وتصرى انك تحفظيها فى وقت اقل من الى قبلها وهكذاااا .. الموضوع صعب فى الاول بس لكن بعد كده مش هتلاقى حاجه هتحفظيها هههه لانك حتحفظى كل موادك وارقام تليفونات اصحابك ومش هتلاقى حاجه تحفظيها سدقينى بس جربى ... |
مشكور يا احمد بس المشكله انى فالحفظ هبابه تعرف بخاف اقول قران او اكتبه لانى غصب عنى سعات بقول بالمعنى
مش بحفظ قران اصلا الا وكتاب التفسير جنبى ربنا يستر ادينى هحاول |
ربنا يستر السنة دى الواحد خايف جدااااااااااااااااااااااا
|
نصيحتي الشخصية :-
لو وضعت علي كل فقرة في الدرس سؤال وفهمت الدرس من السهل جدا الإجابة علي السؤال . وليه الحفظ من غير فهم هو الأزهر حاله تدهور من قليل نفهم الأول وبعدين نحفظ على الأقل يبقي كسبنا حاجة . وحاول دايما تكتب مع المذاكرة لأن ذلك يزيد في تثبيت المعلومات . بالتوفيق للجميع مدرس مواد شرعية يرفض الحفظ دون الفهم جزاكم الله خيرا . |
احسن طريقه بالنسبه ليه تلخص الدرس بنفسك فى كشكول وبعد كده حتلاقيه سهل معاك وحتفظه بسرعه
|
يا جدعان أحسن طريقة للمذاكرة إنك تكتب إللي انت بتذاكرة في كشكول خارجي
أنا جربتها وياريت حد يجربها ويقول إيه رأيه |
|
افضل طريقه للحفظ هى الفهم يعنى افهم وعبر عن اللى فهمته بطريقتك وماشاء الله احنا عندنا مدرسين فى الازهر بيراعو ده فى التصحيح مش لازم النموزج بااضبط وربنا يوفق الجمييع
|
| جميع الأوقات بتوقيت GMT +2. الساعة الآن 11:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.