طلب مهم من اساتذة علم النفس
 

السلام عليكم
النهاردة كان فيه اجتماع لمدرس علم النفس بتاعنا مع موجهة من المديرية
و غيرت حاجات فى نظام اجابة الامتحان
و قالت ان الطالب لو جاب اى مثال من كتاب المدرسة لابد وان ياتى بمثيله ولكن من خارج الكتاب
بمعنى انه لو مكتبش مثال اضافى هينقص
و كمان فى الصح وغلط لو العلامة كانت غلط والتعليل صح هيتحسب السؤال كله غلط
فطلب من اساتذة المنتدى الكرام ان يتفضلوا ويأتوا الينا بامثلة اضافية لجميع اجزاء المنهج
انا عارفة انه طلب مزعج بس نعمل ايه فى القرار الجديد ده
يا ريت الاستجابة لطلبى او مناقشته
ولكم منى جزيل الشكر

واللة ياريت القرار دة يكون صحيح

بالنسبة لتغيير شكل الامتحان يرجع الي المكز القومي لتطوير الامتحانات
الامثلة الخارجية ابتداء من العام القادم ولكن اذا طلب مثال من عندك وذكرت مثال كتاب المدرسة يتم خصم نصف درجة ولكن هذا مؤجل للعام القادم
اسئلة الصواب أو الخطأ مع التعليل لابد ان تتفق العلامة مع التعليل وهذا يحتاج الي قراءة العبارة جيدا فقط والله الموفق

يعنى موضوع الامثلة ده مش هنتحاسب عليه السنة دى؟

ازاى انا مش فاهمة يعنى مش حنلتزم بكتاب المدرسة ولا هما عايزينا نؤلف

ياريت ياجماعه حد من الاساتذة الافاضل يقولنا القرار ده اكيد ولا لا

السلام عليكم
بالفعل القرار صحيح
والله المستعان

بسم الله الرحمن الرحيم
السلام عليكم
ياحبايب الاستاز بتاع علم النفس قاللى انو السؤال لو فيه كلمة اقترح او هات من عندك يبقى لو جبنا اسئلة من الكتاب تاخد واحد من تلاتة
لو جبنا من برا الكتاب ناخد تلاتة من تلاتة ان شاء الله
وقلتلو طيب احنا هنألف ف الامتحان قال لأ انا عن نفسى ف مذكرات المراجعة هكتبلكم الحاجات اللى من برا الكتاب
فياريت كل واحد يسأل استاذه يقوللو احنا نجيب الامثلة اللى من برا دى ازاى هتنزل ف مذكرات المراجعة واللا لا

وحكايت الصح و غلط دى فعلا صح

وياريت المدرسين اللى هنا برضه يتكرموا ويساعدونا ف الموضوع دة

الخبر ده صح
حتى عندنا استاذ علم النفس قال لنا نفس الكلام

طيب لو ينفع ان مدرس لعلم النفس فى المنتدى يحاول يجيب لنا امثلة من خارج الكتاب
على كل جزء فى المنهج
بس يا ريت لو يكون مقسم الى اجزاء
انا عارفة انه عمل مرهق بس اكيد ثوابه عند الله لا يضيع