اللى يفسرها يبقى ممتاز ولا شك(للطلبه والمدرسين )
 

فى الباب الثالث -(الاتحاد الكيميائى )
فى درس التهجين
فى تهجين الميثان توجد رسمه اسفل اسفل شرح التهجين ومكتوب عليها شكل (3-9) ومكتوببد اخلها ( شكل الاوربيتال المهجن sp3)
مين يفسر الرسمه دى

مستر عبد الناصر صديق

يا ريت تفسرها حضرتك

هفسرها ان شاء الله بعد ما ارى
وجهه نظر ابنائى الطلبه
مستر عبد الناصر صديق

اولا الرسمة دى بتوضح عملية خلط اوربتال S فى ذرة الكربون المثارة وشكله كروى مع اوربتال واحد من P بحيث يختفى هذان الاوربتالين النقين ويتكون اوربتالن مهجنين اكثر بروزا للخارج ولكن الرسم يعتبر غير دقيق لان الخلط بيتم بين اربع اوربتالات واحد S وثلاث اوربتالات من P

,وتلك الرسمة خاصة بالتهجين من نوع SP فقط وليس SP3
وللتوضيح حمل الفيديو التالى


http://abnorkemiathanwya.net/upload/...ension/rar.gif


او حمل من الرابط التالى

http://abnorkemiathanwya.net/upload/...ile=a8367f3873

طب وايه الشحنات اللى فى الاوبيتالات على الرسم

توضح الحركة المغزلية لكل الكترون قبل وبعد التهجين

شكرا على مرورك مستر فيكتور

الداله المو جيه مش الداله الموجبه

[quote=عبدالناصر صديق;2948625]شكرا على مرورك مستر فيكتور
بس الحل يكمن فى رياضيات ميكانيكا الكم
حيث اعطت ميكانيكا الكم مجموعه من الدوال الموجبه بحيث تصف كل داله موجبه اوربيتال ذرى وتعطى هذه الدوال عند التداخل مع بعضها اما بالجمع او بالطرح دوالا جديده تسمى بالاوربيتالات المهجنه
بمعنى اخر يمكن ان يمتزج اوربيتالان ذريان او اكثر لتنتج مجموعه جديده من الاوربيتالات المهجنه ويكون لهذه الاوربيتالات المهجنه خواص تختلف عن خواص الاوربيتالات الذريه التى نتجت منها
عندما يمتزج اوربيتال s مع اوربيتال p وهذا الموجود فى كتاب الوزاره فى الباب الثالث ينتج اوربيتالين مهجنين يسمى كل منهم اوربيتال مهجن sp (الاوربيتالين المهجنين اللى كل واحد منهم اسمه sp ى الخطوه الثالثه فى الرسم )
يلاحظ فى الرسم ان الداله الموجبه للاوربيتال p تاخذ قيم عدديه موجبه فى بعض المناطق حول النواه وقيم سالبه فى مناطق اخرى اما الاوربيتال s فله نفس القيمه الجبريه الموجبه فى اى مكان
عند جمع وطرح هذه الدوال الموجبه فان الاوربيتالات الناتجه تكون اكبر فى المناطق التى تكون فيها الدوال متشابهه وتكون اصغر فى المناطق التى تكون اشارتها مختلفه
شوف الخطوه الثالثه فى الرسم عباره عن اوربيتالين مهجنين من النوع sp
كل اوربيتال مهجن sp عباره عن فصين
فص كبير وفص صغير
طب الفص الكبير ليه كبير والفص الصغير ليه صغير
الفص الكبير كبير لانه حدث حمع للدوال الموجبه المتشابهه فزاد حجم هذا الفص
طب فين الدوال الموجبه المتشابهه اللى تم جمعها عارفها فين يا باشا
اقول لك انا ركز فى الخطوه الاولى فى الرسم
تم جمع الداله الموجبه للاوربيتال s ذات القيمه العدديه الموجبه مع الداله الموجبه لاحد فصين اللاوربيتال p ذات القيمه العدديه الموجبه فنتج فص كبير دالته موجبه ذات قيم عدديه موجبه
طب ليه الفص الصغير صغير عارف ليه
لانه تم طرح الدالد الموجبه للاوربيتال s ذات القيمه العدديه الموجبه من الداله الموجيه لاحد فصين الاوربيتال p ذات القيمه العدديه السلبه لذلك نتج فص صغير
يعتقد الكثير من الطلبه ان الشحنات اللى فى الرسم انها شحنات كهربيه يحدث بينها قوه تجاذب وتنافر
بس هى مش كده دى مش شحنات كهربيه
دى قيم عدديه موجبه وسالبه للدوال الموجيه تجمع مع بعضها وتطرح من بعضها
يعنى مش يحدث بينها قوة تجاذب وتنافر
مستر عبد الناصر صديق باى باى باى باى باىة باى باىة باى باى باى quote]

اعتقد الكلام اكبر من مستوى الطلبة ياأستاذ عبد الناصر

ايوه يا استاذ اشرف بس الطلبه نفسهم بيسالوا عن تفسير هذه الرسمه
ايه المانع ان المعلم يكون عارفها لنفسه بس لا يشتت افكار الطلاب بها
يعنى تكون جاهزه فى دماغه لو سئلها طالب يعرف يرد عليه وان لم يسال عنها طالب فالحمد لله يعنى انا عارف المعلومه لو سال الطالب عنها اعرف اجاوب عليه ولو لم يسال خلاص

مستر عبد الناصر صديق

مشكور كل من ا/ صديق و د/ عاطف
و ارجو الا يكون التعامل بهذه الطريقة فان قد استفدت من كليكما فلا تفسدا جو المودة و الشكر لكما

اتمنى استكمال الموضوع

شكرا للجميع ولكن أفضل أن يتم عمل دورات تدريبية للمعلمين في فنيات تدريس منهج الكيمياء من حين لآخر
وشكرا لكم جميعا