إعادة الثانوية العامه
 

السلام عليكم ورحمه الله وبركاته

يا جماعه انا خريج تجارة 2006 كنت دايما متفوق طول عمرى وبطلع من الأوائل على المدرسة رغم انى مكنتش بذاكر الا قليل جدا والكل كان متوقع انى ادخل طب جيت فى ثانيه ثانوى ذكرت قبل الامتحان بشهر وجبت 96.5 % وجيت فى تالته وحصل لى ظروف انا طبعا السبب فى بعضها لانى ما ذاكرتش باجتهاد اوى وحصلى ظروف أيام الامتحانات ومجموعى بقى وحش جدا ودخلت كلية تجارة واتخرجت منها ولحد الوقتى وانا عندى رغبه شديده جدا فى دراسة الطب أو الصيدله
انا عايز أعرف هل يمكن إعادة الثانويه العامه من جديد ؟ أو هل يمكن إعادة ثالثه ثانوى فقط ؟
ياريت اللى عنده أى معلومات فى الاختصاص ده يعرفنى خاصه انى خارج مصر ومش قادر أسأل خبير

ايه يا جماعه 14 واحد شافوا الموضوع ومفيش ولا رد

هو اللى اعرفة انه من الممكن اعادة الثانوية العامة كلها تاني

لكن تالتة بس معتقدش

متشكر جدا على ردك وربنا يوفقك

مينفعش تعيد طبعا كان لازم تذاكر حلو او تسقط عشان تعيدها تانى

اخى الغالى

إذا تمكنت من الإعاده ستقوم بالإعاده كامله فى جميع صفوف الثانوية

السلام عليكم
ازيك ياصقر انا كمان خريجة تجارة انجليزى ونفسى ادخل صيدلة
ياريت لو عرفت حل تبلغنى به لانى سالت وكان الرد طالما عدتى الثانوية العامة مالكيش حق الاعادة مرة اخرى

غالبا والله اعلم ان اللى انت تقصده هو ( التحسين ) ودا اتلغى من زمان ومبقاش موجود دلوقتى
يعنى دلوقتى اللى عدى سنه خلاص بيكون اجتازها ومش بيرجع لها تانى والله اعلم
والله ولى التوفيق

ياريت يا مها تبعتيلى على الخاص اميلك لأن انا مشاركاتى أقل من خمسين ومينفعشى ابعت ليكى على الخاص
هو فيه حل واحد وهو ان احنا ناخد الدبلومه الأمريكيه اللى هى الثانويه العامه الأمريكيه

يا جماعة انتو بتتكلمو جد؟؟؟؟ ينفع فعلا اعادة الثانوية ؟؟؟ طيب وبالنسبة للدبلومة الامريكية دي ممكن ندخلها ازاي طالما مش دي دراستنا من الاول ياريت حد يرد عليا بجد في الموضوع ده لانى قربت اتجنن

ياريت ياجماعة اللي لقي اي حل يقولي عليه بجد .. وياريت لو حل الدبلومة الامريكية دي ازاي بس ينفذ مع انى اعتقد انه صعب لانها مش دراستنا من الاول

يا جماعة لو حد متاكد من اعادة الثانوية العامة
يقول فى اى محافظة
لان انا سالت وقالوا طلما الطالب نجح
ليس لة الحق فى دخول الثانوية مرة تانية

مينفعش يا صقر دة القانون المصرى مينفش تدخل الثانوية العامة وبعد كدة تعيد تانى مينفعش انا اخوية محامى وقلتلو لالالالالا دة قانون