ايوه بغير


وبقولها ايوه بغير
ايوه بغير

لا انا نقصان.. ولا ضعفان.. ولامسطول.. ولا سكران..

ولا زايغ من عينى الضى
ولا حد احسن منى ف شى

بس بغير

واللى قالولك
غيره الراجل قله ثقه .. او قله فهم
خلق حمير

غيره الراجل نار ف مراجل
نار بتنور مبتحرقش
واحنا صعايده مبنستحملش
شمسنا حاميه وعرقنا حامى وطبعنا حامى

واللى تخلى صعيدى يحبها يبئه يا غلبها
اصلنا ناس على قد الطيبه كلنا هيبه

والنسوان ف بلدنا جواهر
طب لو عندك حته ماس هتخليها مداس للناس ؟؟
ولا هتقفلى اوضه عليها بميت ترباس
يمكن حتى تأجرى ليها جوزين حراس
يبئه انا..... لا انا غافل ولا جاهل
كل الفرق ما بينى وبينك انى صعيدى

يلعن ابو ده اليوم الاكحل اللى لا ليه اخر ولا اول اللى طلعت لقيتنى صعيدى

لو كان بيدى كنت عملتلك هندى بريش واقلب شعرى كنيش كراويش

والبسلك سلسه مدلدله

خرزه وقلب

بس ازاى البسلك سلسله هو انا كلب؟

ثم العبره مهيش ف اللبس اصل المشكله مش ف اللبس
اصل المشكله عندك عندك
اصل المشكله عندك عندك

قولت هسيبها وبكره تحس بعده تحس
قولت هسيبها وبكره تحس
بعده تحس
ده انا لو جبس كنت زعقت

ماشى صداقه وماشى زماله
بس مجتش على الرجاله
ما هى نسوان الدنيا كتير
وانا مبقولش تخاصمى الناس
ولا تتحجيى عن الرجاله
ولا تعتكفى وتسكنى بيت

بس ياريت حبه تقدير انى بحبك وانى بريدك وانى زرعت حياتى ف يدك
وانى غزلت بنات الدنيا عقود على جيدك
وانى تعبت من التفكير

وانى بغير

شكراً لمرورك
ويارب يكون الموضوع والقصيدة عجبتك
فى رعاية الله

مرورك هو الاروع يا ابتسام
يارب يكون الموضوع والقصيدة عجبتك
شكراً لمرورك الكريم يا ابتسام
فى رعاية الله

حينما أقرأ كلمات الشاعر الشاب هشام الجٌخ
أجد نفسى بين كلماتك تنسج نغماً
وهو دائما ما أراه يٌناشد الواقع
ولكن هنا فى تلك القصيدة
أرى نفس أسلوبه الللاذع الساخر
ولكن الناقد فى نفس الوقت


شكراً أخى محمد على تلك الكلمات

حينما أقرأ كلمات الشاعر الشاب هشام الجٌخ أجد نفسى بين كلماتك تنسج نغماً وهو دائما ما أراه يٌناشد الواقع ولكن هنا فى تلك القصيدة أرى نفس أسلوبه الللاذع الساخر ولكن الناقد فى نفس الوقت شكراً أخى محمد على تلك الكلمات

فعلاً كلام حضرتك صحيح
فهو شاعر واقعى جداً وجرئ جداً
واغلب شعرة عن مصر بشكل صريح جداً
فعلاً انا سمعت كتير من الشعراء
عمرى ما اتشديت لحد كمثل الهويس
فهو نجم بمعنى كلمة نجم
وبأذن الله قريباً سيكون هو امير الشعراء
ياريت كلنا نقف معاة لانة ابن مصر
شكراً لرد حضرتك الكريم
جزاك الله خيراً

تسلمى حضرتك على المرور
فعلاً هشام الهويس كلمة فنان قليلة علية
يارب يكون القصيدة والموضوع عجبك
شكراً لمرور حضرتك
فى رعاية الله

نسيت اقول لكل عشاق الهويس بمحافظة الدقهلية
ان شاء الله مع بداية الترم التانى سيتم استضافة الهويس
داخل كلية الاداب جامعة المنصورة
فى امسيه شعريه داخل الكلية بأذن الله
وان شاء الله الدعوة هتكون عامة للجميع من داخل وخارج المنصورة
ومع بداية الترم التانى بأذن الله سأضع المواعيد هنا للجميع
فى رعاية الله

كلامك صحيح يا اسامة والله
فعلاً هو مبدع بمعنى الكلمة
ربنا يحفظة من عيونهم :d
شكراً لمرورك يا اس يا حبيبى
وانت اول واحد معزوم على الحفلة عندنا فى الكلية :d
ربنا يكرمك
فى رعاية الله

سلمت يأخ محمد على هذه القصيدة
أنا كان نفسى أقرأها بعد ماسمعتها
ياريت تنزل كل القصائد فى ملف واحد
حتى أحملهم ولك جزيل الشكر