بدء الامتحان التجريبى لطلاب الثانوية العامة بمرحلتيها 20 فبراير القادم
 

صرح د. أحمد زكى بدر وزير التربية والتعليم اليوم الأربعاء، أن الامتحان التجريبى لطلاب الثانوية العامة بمرحلتيها "الأولى والثانية" سيبدأ الأحد الموافق 20 فبراير 2011 وينتهى 8 مارس 2011، وذلك من أجل تدريب الطلاب وقياس مدى تحصيلهم فى الفصل الدراسى الأول.

وأكد بدر أن الامتحان سيجرى فيما تم دراسته فى الفصل الدراسى الأول من الكتاب المدرسى، وأنه لن تكون هناك أية أسئلة من الكتب الخارجية، مشيراً إلى أنه لا يسمح للطلاب الذين تم فصلهم بسبب الغياب أو الطلاب المنازل بأداء الامتحان.

وأشار إلى أن الامتحان سيجرى دون تعطيل الدراسة بكافة الصفوف، حيث سيعقد فى الحصتين الأخيرتين من اليوم الدراسى، مؤكداً ضرورة التزام المديريات والإدارات التعليمية بمتابعة المدارس أثناء عقد الامتحان التجريبى للحفاظ على استقرار اليوم الدراسى والعملية التعليمية.

لا هتبقى يوم دراسى عادى وهتمتحن فى اخر حصتين

ربنا يستررررررررر

ينفع مش امتحن؟؟

كل ده فتره هنمتحن فيها ليه ؟ ده جدول اخر السنة هيكون اقل من كده

يا جماعة اللى عايز يمتحن ماشى مش عاوز خلاص
ده بس عشان تعرف الامتحان جاية ازاى

طب الجدول اتحط ولا لسه ؟؟؟؟

يعنى هما من نفسهم اعترفوا بكده ان 12 يوم مش كافي للامتحانات

طب انا مفصوله بسبب الغياب ايه وضعى دلوقتى فى امتحانات اخر السنة وللهى دى حاجة تجنن صدق اللى قال ثانويه عاميه

الكلام واضح حضرتك وقال اللى اتفصل بسبب الغياب او المنازل مش هيدخلوا الامتحان التجريبى

انا قصدى على امتحان اخر السنة الكلام كتير مش عارفة اية الحقيقة ياريت اللى يعرف حاجة يرد عليا وشكرا اوى ليه

و الله هى فكرة كويسة علشان
على الاقل نلم نص المناهج

كويس علشان كل واحد يعرف هو هيجيب كام